Ubutukilo 42:10 - Mukanda Wa Zambi 1970

¹⁰ Ayo ngwo: “Ka, mwanangana. Yetu ndungo jenu kutweza ni kulanda yakulia.

MUKANDA USANDU WA ZAMBI 1975

¹⁰ O yamukumbulula ngwo, Ka, mwanangana, etu ngamba jenu mukulanda kulia tuneza.

Ubutukilo 42:10 Iomraidhean Croise

Ubutukilo 27:29

Mavungu akwo akakulingile, atu akwo akakuhetamine. Ukayule usoko we eswe, vungu lia naye akahetame ku meso je. Mweswawo makakushinga, neye akashingiwe. Mweswawo makakuwahisa, neye akawahe.”

Ubutukilo 27:37

Isake yakumbulula Esau ngwenyi: “Hinamupwisa mwata we, ni usoko wenyi eswe naapwisa ngamba jenyi. Hinamwaha yakulia ni vinyu. Mba kuchi mungukulinga nawa yena, mwanami?”

Ubutukilo 37:8

Ayayo ngwo: “Haa, puu! Unanyongo ngwe, muukatuyula, nyi? Hanji muukatuzeyesa, nyi?” Mba yaamunwa kuhiana ha chilota chize awile.

Ubutukilo 42:11

Yetu eswe hano tuli asongo ni mutu. Hi tuli ngendeshi ko, mwanangana. Tuli atu abema.”

Ubutukilo 44:9

Mwata, nyi ngwe musenge uze wasolokela kuli umwe hakachi ketu, mutu yoze chamutamba kufwa, ni yetu akwo mutubwa ndungo jenu.”

1 Yitanga Ya Mianangana 18:7

Shimbu Obadia uchili mu jila, susumuku yalitakana ni mukwa munanyi wa Zambi Eliya. Yamunyingika, yafukama ku meso jenyi nikuliumba ngwenyi: “Haa, yenu mwene wami Eliya, nyi?”

1 Samuel 26:17

Mwanangana Saulu yanyingika liji lia David, yahula ngwenyi: “Alio liji lia yena mwanami David, nyi?” David ngwenyi: “Ewa, mwanangana wami.”