Ubutukilo 41:56 - Mukanda Wa Zambi 1970

⁵⁶ Muze zala hiyanjila mu chifuchi cheswe, Josefe yazulula machila eswe, mba yabutuka kulanjisa akwa Egiptu yakulia.

MUKANDA USANDU WA ZAMBI 1975

⁵⁶ Kapunga wapwile hashi heswe, mba José wazulwile machila eswe nikulanjisa kuli A-Engitu. Kapunga te mukalu mu chifuchi cha Engitu.

Ubutukilo 41:56 Iomraidhean Croise

Ubutukilo 12:10

Mu chifuchi cha Kanana mwabwile zala yinji. Kashika Abrama yaya ku sude ndoo ku chifuchi cha Egiptu, akatwame ko.

Ubutukilo 41:30

Muze miaka ya yakulia yinji hiyahwa, zala yinji muyikabwa nawa ha miaka shimbiali. Ha chino atu kumaakavulama miaka yize yibema, mumu zala muyikakuwisa atu mu chifuchi.

Ubutukilo 41:35

Chaatamba kukunga ye yakulia hamuwika mu limbo ni limbo. Chaatamba kwononoka ku chiyulo cha mwanangana ha kufunga yakulia kanawa.

Ubutukilo 41:55

Muze akwa Egiptu haabutuka kwivwa zala yinji, yaaya ni kumwita mwanangana yakulia. Yaamba ngwenyi: “Yeenu maha Josefe, nulinga yeswe yize manulweza.”

Ubutukilo 41:57

Atu te kaakukatuka mu yifuchi yeswe, yeezaza maha Josefe ni kulanda yakulia, mumu te zala hiyahiana kweswe.

Ubutukilo 42:6

Josefe, mumu te habwa mwata munene mu chifuchi cha Egiptu, yalanjisa lanjisa yakulia kuli akwa yifuchi yeswe. Chenacho ayayo ejile ku meso jenyi yaafulamana hashi.

Ubutukilo 43:1

Mu chifuchi cha Kanana zala yiyibwa yinji kuhiana.

Izaya 23:17

Muze miaka makumi shimbiali hiyahwa, Mwene Zambi matayiza nawa Tiru kuhiluka ku milimo yenyi ya kusepa. Neye malihana nawa ku mawanangana a hashi eswe.

Zakaria 5:3

Mba yangwamba ngwenyi: “Ha mukanda uze hanasonewa Shingo lize mulitanda mu chifuchi cheswe. Ku sali limwe lia chivungo kunasonewa ngwo, mweswawo meya, maamuhuma mu chifuchi; ku sali likwo linasonewa ngwo, mweswawo malishinga ni mahuza, maamuhuma.

Luka 21:35

Mumu mulikabwa ngwe muheto hali atu eswe waze atwama hano hashi.

Yilinga 17:26

Mwenawo watangile mavungu eswe a hashi kuli mutu umuwika. Neye yaamwanga hashi heswe, yaalulikila shimbu kanda, miaka ya kutwama cho ni ngiza ja yifuchi muze maakatwama.