Ubutukilo 41:55 - Mukanda Wa Zambi 1970

⁵⁵ Muze akwa Egiptu haabutuka kwivwa zala yinji, yaaya ni kumwita mwanangana yakulia. Yaamba ngwenyi: “Yeenu maha Josefe, nulinga yeswe yize manulweza.”

MUKANDA USANDU WA ZAMBI 1975

⁵⁵ Muze atu eswe mu chifuchi cha Engitu evwile zala atambikile kuli Falau akaahe kulia. Mba Falau yamba kuli A-Engitu eswe ngwenyi, Yénu kuli José. Cheswacho manwamba, lingenu.

Ubutukilo 41:55 Iomraidhean Croise

Ubutukilo 41:56

Muze zala hiyanjila mu chifuchi cheswe, Josefe yazulula machila eswe, mba yabutuka kulanjisa akwa Egiptu yakulia.

Ubutukilo 42:6

Josefe, mumu te habwa mwata munene mu chifuchi cha Egiptu, yalanjisa lanjisa yakulia kuli akwa yifuchi yeswe. Chenacho ayayo ejile ku meso jenyi yaafulamana hashi.

Mateu 17:5

Shimbu te machihanjika, lelwa lia kubeyima yiliaazulamina. Yeevwa liji mu lelwa ngwo: “Yono mwe Mwanami yoze nakuzanga kuhiana, nakuwahilila nenyi. Mwivwenu!”

Mateu 3:17

Yevwa liji mwilu ngwo: “Yono mwe Mwanami yoze nakuzanga kuhiana, nakuwahilila nenyi.”

Yoano 2:5

Naye ya Yesu yambila tuvumbi ngwenyi: “Cheswacho manwamba, Chilingenu.”

Filipu 4:19

Zambi yami makanuwahisa ha yeswe yize nunahono, nikulita ni kulumbama cha ubite wenyi muli Yesu Kristu.

Kolosu 1:19

Mumu, Zambi yabatula ngwenyi, ndako jenyi jeswe jisoloke muli Mwanenyi.