Ubutukilo 41:51 - Mukanda Wa Zambi 1970

⁵¹ Josefe yamba ngwenyi: “Zambi hanguvulamisa lamba liami Heswe ni akwa jiko lia tata.” Kashika yaluka mwana mutangu ngwenyi, Manase.

MUKANDA USANDU WA ZAMBI 1975

⁵¹ Yaluka jina mukulwana ngwenyi, Manase, mumu Zambi hananguvulamisa kuhondangana chami cheswe, ni akwa zuwo lia tata.

Ubutukilo 41:51 Iomraidhean Croise

Ubutukilo 41:30

Muze miaka ya yakulia yinji hiyahwa, zala yinji muyikabwa nawa ha miaka shimbiali. Ha chino atu kumaakavulama miaka yize yibema, mumu zala muyikakuwisa atu mu chifuchi.

Ubutukilo 41:50

Muze te miaka ya zala yinji kanda yichiza, Josefe ni mukwo pwo Asenate, mwana wa Potifera, yaasema ana aali a malunga.

Ubutukilo 41:52

Yamba nawa ngwenyi: “Zambi hangwaha ana mu chifuchi chino ngunakamwena lamba.” Mba yaluka mwanenyi wa muchaali jina ngwenyi, Efraime.

Ubutukilo 48:1

Muze amwe matangwa haabalika Josefe yevwa ngwo, tatenu kanayinji. Hohene yanda ana jenyi aali a malunga Manase ni Efraime, yaya ni kutala Yakoba.

Ubutukilo 48:5

“Efraime ni Manase, ana waze aali waasemenene muno mu Egiptu muze te kanda nguchiza, no kaali ana jami, ngwe chize ali Rubene ni Simeone.

Jobe 11:16

Mba kuuchi kewuluka nawa lamba lie, mulibwa ngwe meya waze haanabalika.

Miaso (Masamu) 30:11

Hiwalumuna kulila chami kubwa kuhangana cha uwahililo; hiwanguzula mianji, hiwangujika mahina abema.

Miaso (Masamu) 30:5

Utenu wenyi wakuhwa nikawashi, alioze utu wenyi wakulinduluka ku miaka yeswe ya mwono wetu. Masoji maahasa kulundumuka ha ufuku, alioze kukololoka cha uwahililo muchiza chichamene.

Miaso (Masamu) 45:10

Nandungi wa mwanangana, banjika yize ngunambe: “Kanda usa mbunge kuli atu je ni kuli usoko we.

Yishima 31:7

Anwe kwo hanga avulame uswale wo ni lamba lio.

Izaya 57:16

Atu jami hingunahe mwono, chichi kwasuma mulonga ni kwatenukina ndoo ku miaka yeswe.

Izaya 65:16

Mu chifuchi mweswawo mahula ha kumuwahisa, mahula kuli Zambi wamwenemwene. Mweswawo malishinga, malishinga ni jina lia Zambi wamwenemwene. Kumakavulama lamba likulu.”

Kwalula 26:28

Vungu lia Josefe, tato ya ana aali a malunga, Manase ni Efraime.

Shimbi 33:17

Josefe yabwa ni tachi ngwe kuji a ngombe, kali ni mbinga ngwe ja kuji a mbau. Mbinga jenyi jili tununu twa Amanase ni tununu kumi twa Aefraime. Kaakushinjika najo mavungu ni kwatwala ku mambango eswe a hashi.”

Yoshua 17:1

Chihanda cha chifuchi cha ku chitokelo cha Yordau yaachihana ku majiko ja Manase, mwana mutangu wa Josefe. Makire, tato ya Gileade, te mwe mwana mutangu wa Manase, yabwa kajita wa tachi, kashika yaamwaha Gileade ni Bashane ku chivumbuko cha Yordau.

1 Samuel 1:20

Chenacho Hana amichine ufumba, yasema mwana wa lunga. Yamuluka jina Samuel, mumu ngwenyi: “Namwichile kuli Mwene Zambi.”