Ubutukilo 41:42 - Mukanda Wa Zambi 1970

⁴² Mwanangana te kazeya akwete ku munwe wenyi. Ha kazeya hakusoneka chinyingi cha wanangana Yamutomona ku munwe wenyi, yamusa ku munwe wa Josefe. Yajika Josefe mahina abema alefuna, yamujika nawa chimba cha oru ha kota yenyi.

MUKANDA USANDU WA ZAMBI 1975

⁴² Falau yachiza kazeya kenyi ka chijikilo ku kwoko lienyi, yamusa ha kwoko lia José. Yamujika ni uzalo wa hina lipema litoma. Yasa lenge lia oru ha kota yenyi.

Ubutukilo 41:42 Iomraidhean Croise

Ubutukilo 38:18

Yuda ngwenyi: “Chuma chika?” Pwo ngwenyi: “Kazeya ke, ni muya we, ni lukanda we yoze uli nenyi mu kwoko lie.” Yamwaha yuma yize, mba yalimona nenyi. Tamare yahinduka, yakatuka ho, yaya kwenyi. Yazula mahina abema mba yazala nawa mahina jenyi a utuliwa. Mba pwo yalimona ngwenyi, nguli ni ufumba.

Ubutukilo 41:43

Mba yamwendesa mu temba lia muchaali lia wanangana, ni tujita yaakololoka kulutwe lienyi ngwo: “Fukamenu! Fukamenu!” Chenacho mwanangana apwishile Josefe mwata munene ha kuyula chifuchi cheswe cha Egiptu.

Estere 10:3

Kayuda Mordekai yabwa mulopo wa mwanangana Ahashueru, Ayuda yaamulemesa, yaamuzanga kuhiana. Neye yasa tachi ni kuwahisa atu jenyi ni kuhana uhwimino ku vungu lio ha kulutwe.

Estere 3:10

Mwanangana yachiza kazeya kenyi, yamuhana kuli Hamane, mwana wa Hamedata, wa ku vungu lia Agage, mwe mukwa kole wa Ayuda.

Estere 3:12

Hohene ha tangwa kumi ni lia muchitatu lia kakweji mutangu, Hamane yatambika akwa kusoneka ja mwanangana, yaalweza kusoneka Shimbi yize, ni kuyalumuna mu heswe liji nikulita ni sona ja liji lio, ni kuyituma kuli akwa lutwe ni akwa kuyula eswe. Yaayisoneka mu jina lia mwanangana Ahashueru, yaasa ho nawa chinyingi cha kazeya kenyi.

Estere 8:10

Mordekai yasoneka mikanda mu jina lia mwanangana Ahashueru, yaayisa chinyingi cha kazeya ka mwanangana. Yaayihana kuli tunganda waze akwendela ha tuvwalu twa fuji jinji a mwanangana. No yaayitwala mu yifuchi yeswe.

Estere 8:15

Mordekai yakatuka ku zuwo lia mwanangana, te kanazala mahina ja wanangana alauluka ni atoma, ni kazaku ka swaa mubema wa ufungo, ni chipangula chinene cha oru. Akwa Shushane yaalikwiza ni kukololoka ni uwahililo.

Estere 8:2

Mwanangana yanda kazeya kenyi, yoze atambwile kuli Hamane, yamuhana kuli Mordekai. Hohene Estere yakunjika ubite weswe wa Hamane mu moko ja Mordekai.

Estere 8:8

Alioze Shimbi yize ahanyine mu jina lia mwanangana ni yize asele chinyingi cha wanangana, kaahashile kuyalumuna. Alioze munuhasa kusoneka kuli Ayuda chize cheswe nunazange. Munuhasa kusoneka mu jina liami, nikusa ho chinyingi cha wanangana.”

Miaso (Masamu) 73:6

Kashika akuzala kulengumuka mu kota ngwe kaliki, kaakuzala upupilo ngwe mahina.

Yishima 1:9

Longeso lio mulikukwasa kubwa ni ndako jibema ngwe chize chifulu chibema hanji yuma ya uhenya ya mu kota ya kukwasa ubeme wa ku meso.

Yishima 31:22

Kaakulitungila mahina alemu akulifuka, kakuzala mahina abema a ufungo.

Yishima 31:24

Kakutunga mahina ni miya ni kuyilanjisa kuli akwa kulanjisa.

Mwaso Ubema Wahiana 1:10

Ha matafu kambu je cho kubema; kujakujingilika kota ye ngwe mawe a ndando yinji.

Mwaso Ubema Wahiana 4:9

Nandungi yami kanda ndumbwami kutala che, ni lubambu wa ha kota ye hiyalezumuna mbunge yami.

Izaya 3:23

ni mahina a muchima, ni yitambala, ni mahina a swaa, ni manda asuku asuku waze akuzala ku mitwe.

Jeremia 52:33

Yamutayiza kuzula mahina jenyi a mu zuwo lia lamba, ni kulia ku mesa ya mwanangana ha matangwa eswe a mwono wenyi.

Ezekiel 27:7

Mahina a kuzawila no atoma alefuna, mahina a kuhenyesa a ku Egiptu, atu kaakwanyingika chibwe kaali kusuku. Mahina je a chifuko abema afufunuka, alauluka a ku hongo lia Shipre.

Daniel 5:16

Hinevwa ngwo, yena muuhasa kulumbununa yuma yize yahengama ni yijimbikilo. Nyi ngwe wahasa kutanga Chisoneko chino ni kungulweza ulumbunwiso wacho, kachi mungukujika mahina a ufungo a wanangana, ni lubambu mulemu wa oru mu kota, ni yena muubwa mu muhela wa muchitatu wa wanangana wami.”

Daniel 5:29

Ha shimbu lizeliene mwanangana Belshazare yahana Shimbi kuli tuvumbi twenyi hanga ajike Daniel mahina a ufungo a wanangana, ni lubambu mulemu wa oru mu kota yenyi. Yamusa mu muhela wa muchitatu wa wanangana wenyi.

Daniel 5:7

Hohene mwe mwanangana yakololoka ngwenyi: “Sakenu akwa yipupu ni tahi.” Muze akwa mana waze heeza, yaalweza ngwenyi: “Yoze mahasa kutanga Chisoneko chino ni kungulumbunwina cho, mungumujika mahina a ufungo a wanangana, ni lubambu mulemu wa oru mu kota yenyi. Neye mabwa mu muhela wa muchitatu mu wanangana wami.”

Luka 15:22

Alioze tato yambila ngamba jenyi ngwenyi: ‘Tambukenu nunehe mahina abema, numujike, musenu kazeya ku munwe, mujikenu sapato ku molu.

1 Samuel 18:4

Jonatane yazula hina lienyi lia lubula, yalihana kuli David, yamwaha nawa mahina jenyi a jita, ni mukwale, ni uta, ni muya.