Ubutukilo 41:40 - Mukanda Wa Zambi 1970

⁴⁰ Ngunakwehe chiyulo cha kuyula chifuchi chami, atu jami eswe moononoka ku Shimbi je. Alioze yami mungukuhiana, mumu nguli mwanangana.

MUKANDA USANDU WA ZAMBI 1975

⁴⁰ Kashika yena muyula zuwo liami. Atu jami eswe malinga nikulita ni liji lie. Mu ngunja wika mungukuhiana.

Ubutukilo 41:40 Iomraidhean Croise

Ubutukilo 39:9

Yami nguli ni chiyulo ngwe iye. Kangukanjishile ku Chuma nichimwe, shina yena pwo lienyi. Ngwe kuchi munguhasa kulinga yibi yibwa haha ni kuvulumuna ku meso ja Zambi?”

Ubutukilo 44:18

Yuda yakundama kuli Josefe, yamba ngwenyi: “Vulie mwanangana! Nyi nunatayiza, nguli ni maliji akuhanjika ni yenu. Kanda nutenuka mwanangana, yenu nuli ngwe mwe mwanangana.

Ubutukilo 45:26

Yaamulweza ngwo: “Tata! Josefe kali ni mwono! Kali mwata munene wa chifuchi cheswe cha Egiptu!” Yakoba yevwa mu moko ni mu molu nekee, mumu kaafulielele ko.

Estere 10:3

Kayuda Mordekai yabwa mulopo wa mwanangana Ahashueru, Ayuda yaamulemesa, yaamuzanga kuhiana. Neye yasa tachi ni kuwahisa atu jenyi ni kuhana uhwimino ku vungu lio ha kulutwe.

Estere 3:1

Mwabwamuze mwanangana Ahashueru yapwisa umwe mutu, jina lienyi Hamane, mulopo wa mwanangana. Hamane te mwana wa Hamedate wa ku vungu lia Agage.

Jobe 31:27

nyi hingunaawayila ku tenga, ni kumbeja kwoko liami ha kwalemesa,

Yishima 22:29

Ngulweze mutu yoze wakulinga milimo yibema. Ngwami, kanahiana atu akwo anji anatela kulikata ni mianangana.

Daniel 5:29

Ha shimbu lizeliene mwanangana Belshazare yahana Shimbi kuli tuvumbi twenyi hanga ajike Daniel mahina a ufungo a wanangana, ni lubambu mulemu wa oru mu kota yenyi. Yamusa mu muhela wa muchitatu wa wanangana wenyi.

Daniel 6:3

Shimbu likepe milimo ya Daniel yiisoloka yibema kuhiana milimo ya akwo waze aali ni ya e akwa kuyula. Mwanangana yanyonga kumupwisa mwata wa wanangana wenyi weswe mumu ha milimo yenyi yibema.

Yilinga 7:10

yamupuluia mu lamba lienyi heswe, yamupwisa mukwa vumbi kanda mukwa mana ku meso ja mwanangana wa Egiptu. Mwenawo yamupwisa mukwa kuyula wa Egiptu ni wa zuwo lienyi heswe.

1 Samuel 10:1

Hohene Samuel yanda kasaji ka maji a olive, yaazujila ha mutwe wa Saulu, yamushisa, yamba ngwenyi; “Mwene Zambi kanamuwayisa hanga ubwe mwanangana wa atu jenyi Aisraele. Muukaayula ni kwafunga kuli akwa kole jo. Chino che chilayi cha kutongola cha Mwene Zambi: