Ubutukilo 41:32 - Mukanda Wa Zambi 1970

³² Mwanangana, hinwalota yisuho yaali mumu Zambi hachibatula, iye mwene makayipwisa, hasala hakepe.

MUKANDA USANDU WA ZAMBI 1975

³² Mba se hanasolola chuma chino kaali kuli Falau, chinalumbunuka che chuma hanachikolesa kuli Zambi. Chikwo nawa Zambi kumakachilinga ni shimbu liakuhi.

Ubutukilo 41:32 Iomraidhean Croise

Ubutukilo 37:7

Namonanga ngwe tunajichika yichita mu munda, mba chichita chami yichikatuka yichimana, ya yenu yiyiza ni kuchijingilika, ni kuhetamina hashi ku chichita chami.”

Ubutukilo 37:9

Josefe yalota nawa chilota chikwo. Yachawila ayayo ngwenyi: “Namonanga tangwa, ni kakweji, ni matongonoshi kumi ni kashi kaananguhetamina.”

Ubutukilo 41:25

Josefe yambila mwanangana ngwenyi: “Vulie mwanangana! Ulumbunwiso wa yilota uli kwawo umuwika. Zambi hakunyingikisa yize muyiza kulutwe.

Ubutukilo 41:28

Yili lume ngwe chize hinakulweza, Zambi hakulumbunwina yuma yize muyikabwa kulutwe.

Ubutukilo 41:31

Atu maakavulama miaka yize yibema mumu zala muyikabwa yinji yahiana.

Izaya 30:33

Jiko lia kahia alilulikile kulu lia kwochela mwanangana wa Asuria. Lili linene ni lisuku, yilizala ni kunyi. Mwene Zambi makafuza mulengi wa kahia wa kujocha.

Daniel 2:45

Yinumona nawa limwe liwe lize liakatukile ku mulundu, alioze mutu niumwe kalikwachile ko. Lie liwe yililamba mwe kaponya wakulinga ni utale, ni unengu, ni uma, ni prata, ni oru. Mwe Zambi munene halianga kunulweza yenu mwanangana yuma yize muyikeza ho. Hinanulweza pundu chilota chize nunakalota ni ulumbunwiso wacho wamwenemwene.”

Kwalula 23:19

Zambi keshi ngwe atu waze akuhanjika mahuza; keshi ngwe mwana mutu yoze wakwalumiona mbunge yenyi. Cheswacho halakenya kumachilinga, chize mahanjika muchilingiwa.

Mateu 24:35

Lilu ni hashi muyikahwa, alioze maliji jami keechi kwiza kuhwa nichimwe.”

Mateu 25:34

Hohene Mwanangana makambila waze ku chindume ngwenyi: ‘Tweyenu, yenu waze Tata hanawahisa, nuhinge wanangana uze anululikilile chize ku kutanga cha hashi.

Mateu 25:41

“Hohene Mwanangana makambila waze ku chimeso ngwenyi: ‘Ngukatukenu, yenu hinunashingiwa! Yeenu ku kahia ka miaka yeswe, kaze alulikilile Sakwonga ni tunganda twenyi!

Marku 10:40

alioze hi cha yami ko kubatula yoze makatwama ku chindume chami hanji chimeso. Mihela yize yili ya waze Tata hanaalulikila yo.”

1 Korintu 2:9

Alioze ngwe hichinasonewa mu Mukanda wa Zambi ngwo: “Yuma yize mutu niumwe kaamwene ko hanji keevwile ko nilimwe tangwa, yuma yize mutu niumwe kanyongene ngwenyi, muyihasa kubwa, yenayo Zambi alulikilile waze akumuzanga.”

2 Korintu 13:1

Chino chisuho cha muchitatu mungukanuheta. Mukanda wa Zambi unambe ngwo: “Yela aali hanji atatu chaatamba kushindakenya chikuma cheswe chize maasumana.”

Usolwelo 9:15

Yatusula tunganda a mwilu awana. Zambi hanalulika kulu tunganda waze hanga akashihe Chihanda chimuwika cha ku yihanda yitatu ya akwa hashi eswe, ha ola yizeyene, ha tangwa lizeliene, ha kakweji yoze mwene, ni ha mwaka uzewene.