Ubutukilo 41:30 - Mukanda Wa Zambi 1970

³⁰ Muze miaka ya yakulia yinji hiyahwa, zala yinji muyikabwa nawa ha miaka shimbiali. Ha chino atu kumaakavulama miaka yize yibema, mumu zala muyikakuwisa atu mu chifuchi.

MUKANDA USANDU WA ZAMBI 1975

³⁰ Mba kulutwe kumuyikeza miaka shimbiali ya kapunga, mba kumakavulama miaka yize ya kulia cha kulumbama mu chifuchi cha Engitu. Kapunga kumakakuwisa chifuchi.

Ubutukilo 41:30 Iomraidhean Croise

Ubutukilo 41:21

Muze haalia, hindu mutu kahashile kunyingika ngwenyi, kaalia ngombe anene, kaanawangama ngwe hatangu. Mba yinguhula mu tulo.

Ubutukilo 41:27

Ngombe shimbiali awangama waze anakatutuka kasula, ni yihupu yize yakonyata yinalumbunuka ngwo, miaka shimbiali ya zala yinji.

Ubutukilo 41:31

Atu maakavulama miaka yize yibema mumu zala muyikabwa yinji yahiana.

Ubutukilo 41:51

Josefe yamba ngwenyi: “Zambi hanguvulamisa lamba liami Heswe ni akwa jiko lia tata.” Kashika yaluka mwana mutangu ngwenyi, Manase.

Ubutukilo 41:54

mba miaka ya zala yinji yiibutuka ngwe chize ambile Josefe. Mu yifuchi yikwo yeswe yimubwa zala yinji, alioze mu Egiptu ka.

Ubutukilo 41:56

Muze zala hiyanjila mu chifuchi cheswe, Josefe yazulula machila eswe, mba yabutuka kulanjisa akwa Egiptu yakulia.

Ubutukilo 47:13

Zala yiibwa yinji, yaahona yakulia mu chifuchi cheswe. Chenacho akwa Egiptu ni akwa Kanana alekumukine ni zala.

2 Samuel 24:13

mwe Gade yaya maha mwanangana, yamulweza yize Mwene Zambi ambile, yamuhula ngwenyi: “Chika munuzanga? Miaka yitatu ya zala mu chifuchi chenu? Hanji kuchina akwa kole jenu tukweji atatu? Hanji matangwa atatu a chipuho chikalu mu chifuchi chenu? Haliabwila hinyongenu, nungulweze chize mungukumbulula kuli Mwene Zambi.”

1 Yitanga Ya Mianangana 17:1

Eliya, umwe mukwa munanyi wa Zambi wa ku Tishbe, mu chifuchi cha Gileade, yambila mwanangana Ahabe ngwenyi: “Ni mwe Zambi ya Aisraele, yoze nakulingila, ngunakwambulwila ngwami, miaka muyiza ho kukuchi kabwa vula chibwe mume, shina nyi nachamba.”

1 MIANANGANA 8:1

Elisha te halweza pwo yoze watwama mu Shuneme, yoze ukwete mwana mwe Elisha ahindwishile ku kufwa, ngwenyi: “Mwene Zambi kumatuma zala mu chifuchi; muyibwa miaka shimbiali. Kashika yako hamwe ni akwa jiko lie ni kutwama kweswako unazange.”

Miaso (Masamu) 105:16

Mwene Zambi yatuma zala yinji mu chifuchi cho, yachiza yakulia yo yeswe.

Yishima 31:7

Anwe kwo hanga avulame uswale wo ni lamba lio.

Izaya 65:16

Mu chifuchi mweswawo mahula ha kumuwahisa, mahula kuli Zambi wamwenemwene. Mweswawo malishinga, malishinga ni jina lia Zambi wamwenemwene. Kumakavulama lamba likulu.”

Luka 4:25

Ngunanwambulwila ni umwenemwene ngwami, mapwo anji waze te haanafwisa malunga, abwile mu Israele ha matangwa ja Eliya muze vula kanokene ko miaka yitatu ni Chipinji. Zala yinji yabwile mu chifuchi cheswe.

Tiangu (Jake) 5:17

Eliya te mutu ngwe yetu. Yalemba ni tachi hanga vula kanda anoka, ni vula kanokene ko hashi miaka yitatu ni Chipinji.