Ubutukilo 41:25 - Mukanda Wa Zambi 1970

²⁵ Josefe yambila mwanangana ngwenyi: “Vulie mwanangana! Ulumbunwiso wa yilota uli kwawo umuwika. Zambi hakunyingikisa yize muyiza kulutwe.

MUKANDA USANDU WA ZAMBI 1975

²⁵ José yamba kuli Falau ngwenyi, Kulota cha Falau chapwa chimuwika. Zambi hanasolola kuli Falau chize anambe kulinga.

Ubutukilo 41:25 Iomraidhean Croise

Ubutukilo 40:8

Ayo ngwo: “Twalotanga yilota, alioze mukwa kutulumbunwina yo wakuhi.” Josefe ngwenyi: “Zambi mwe wakulumbununa yilota. Ngwawilenu ye yilota yenu, nyi nunazange.”

Ubutukilo 41:16

Josefe ngwenyi: “Vulie mwanangana! Hi yami ko, alioze Zambi mwe mahana ulumbunwiso Ubema.”

Ubutukilo 41:26

Ngombe shimbiali waze anene kaanalumbunuka ngwo, miaka shimbiali. Yihupu shimbiali yize yinene hindu miaka shimbiali nawa. Chili kwacho chilota chimuwika.

Ubutukilo 41:28

Yili lume ngwe chize hinakulweza, Zambi hakulumbunwina yuma yize muyikabwa kulutwe.

Ubutukilo 41:32

Mwanangana, hinwalota yisuho yaali mumu Zambi hachibatula, iye mwene makayipwisa, hasala hakepe.

Miaso (Masamu) 98:2

Mwene Zambi, hambujola kukumba chenyi; halweza mavungu ndundo jenyi ja kulamwina.

Kutuhuka 9:14

Chisuho chino mungunumwesa lamba, hi akwa kuyula ni atu je wika ko, alioze ni yena mwene nawa, mba muunyingika ngwe, hashi heswe kuheshi mukwo walifwa ni yami Zambi.

Izaya 43:9

Tambikenu mavungu eze ku chisopelo. Iya wa kuli mazambi jo mahasa kwambulula yuma yize muyiza ho? Iya wa kuli ayo wambile shimbu kanda yuma ya musono? Mazambi waze eze ni yela jo, alweze ngwo, kaali akwa kusamba, nawa ngwo, maliji jo kaali amwenemwene.

Daniel 2:45

Yinumona nawa limwe liwe lize liakatukile ku mulundu, alioze mutu niumwe kalikwachile ko. Lie liwe yililamba mwe kaponya wakulinga ni utale, ni unengu, ni uma, ni prata, ni oru. Mwe Zambi munene halianga kunulweza yenu mwanangana yuma yize muyikeza ho. Hinanulweza pundu chilota chize nunakalota ni ulumbunwiso wacho wamwenemwene.”

Daniel 2:47

Mwanangana ngwenyi: “Zambi ye kali Zambi wa mazambi eswe kanda Mwene wa mianangana eswe. Mwe wakusolola yijimbikilo. Ngunachinyingika mumu wahasa kulumbununa chijimbikilo chino.”

Amose 3:7

Chamwenemwene Mwene Zambi keshi kulinga Chuma nichimwe, shina malweza chijimbikilo chenyi kuli tuvumbi twenyi, akwa munanyi.

Mateu 24:40

Ha ola yize, malunga aali maakabwa ku minda. Makanda umuwika, makahichika mukwo.

Marku 13:23

Alioze yenu kanyamenu, hinanwambulwila cho shimbu kanda.”

Efesu 1:17

Nakuliumba kuli Zambi ya Mwene wetu Yesu Kristu, Tata ya uhenya, ngwami, akanwehe Mwiku wa Linanga. Wenawo muukanwaha malinjekela ni kusolola Zambi kuli yenu, hanga nukamunyingike.

Yoshua 11:6

Mwene Zambi yambila Yoshua ngwenyi: “Kanda weevwila woma. Tala, hamene ha ola ngwe yino, mungukaakunjika eswe mu moko jenu, akushiha kulu. Munukalemeka tuvwalu two ni kwocha matemba jo.”

Usolwelo 4:1

Kulutwe lia yuma yino yingumona Usolwelo ukwo, chajilo chinazuluka mwilu. Liji lize te linahanjika ngwe chitavwi, lize nevwile hatangu, yilingulweza ngwo: “Zezuka kuno, mungukulweza yuma yize muyikabwa kulutwe.”