Ubutukilo 40:22 - Mukanda Wa Zambi 1970

²² alioze yasukika mwata wa akwa kwocha mbolo. Yino yeswe yiilita ngwe chize alumbunwine Josefe.

MUKANDA USANDU WA ZAMBI 1975

²² Alioze yasukika kapatashi ka akwa kulinga mbolo chizechene ngwe José halumbununa kuli ayo.

Ubutukilo 40:22 Iomraidhean Croise

Ubutukilo 40:1

Limwe tangwa mwata wa akwa kukela vinyu ni mwata wa akwa kwocha mbolo ya mwanangana wa mu chifuchi cha Egiptu, yaamuvulumuna.

Ubutukilo 40:19

Kwasala matangwa atatu hanga mwanangana akutuhwise mu zuwo lia lamba ni kukusukika ha mutondo. Mba tujila meeza ni kukulia.”

Ubutukilo 40:8

Ayo ngwo: “Twalotanga yilota, alioze mukwa kutulumbunwina yo wakuhi.” Josefe ngwenyi: “Zambi mwe wakulumbununa yilota. Ngwawilenu ye yilota yenu, nyi nunazange.”

Ubutukilo 41:16

Josefe ngwenyi: “Vulie mwanangana! Hi yami ko, alioze Zambi mwe mahana ulumbunwiso Ubema.”

Estere 7:10

Chenacho asukikile Hamane ha mutondo uze alulikile mwene hanga asukike ho Mordekai. Mba ufwatulo wa mwanangana yiuhwa.

Jeremia 23:28

Mukwa munanyi yoze halota chilota ambe ngwenyi, chili lume chilota cha tulo, alioze mukwa munanyi yoze hevwa maliji jami aambujole lume ni mbunge yimuwika. Kuma mwambu wamokomoko unalifu ni tiriku, nyi?

Daniel 2:30

Hangulweza chijimbikilo, hi mumu nguli ni mana kuhiana atu akwo ko, alioze hanga yenu mwanangana wami munuhasa kunyingika ulumbunwiso wa chilota chenu ni manyonga waze nunakabwa no.

Daniel 5:12

Mutu yoze, Daniel, te mukwa yinyingi ni mana ha kulumbununa yilota, ni yishima, ni yijimbikilo. Kashika ngwami, musake hanga akulweze ulumbunwiso wa yuma yino yeswe.”

Yilinga 5:30

Zambi ya tushakulu twetu hahindwisa Yesu ku kufwa, yoze nwashihile muze nwamuhachile ha kulusu.