Ubutukilo 40:15 - Mukanda Wa Zambi 1970

¹⁵ Haanangwiyi mu chifuchi cha Ahebreu. Chibwe muno mu Egiptu, mu zuwo lino nguli mwe mwashili malaa, chalingile kwami chibi nichimwe.”

MUKANDA USANDU WA ZAMBI 1975

¹⁵ Mumu angwiyile ku chifuchi cha A-Hepreu. Chipwe kuno chalingile nichimwe chakungu-neha muno mu wina.

Ubutukilo 40:15 Iomraidhean Croise

Ubutukilo 14:13

Alioze mutu unuwika wachinyine jita, yaya, yalumbunwina Kahebreu Abrama yuma yeswe. Mwe Abrama te kutwama hehi ni mitondo ya umwe mukwa Amore, Mamre, kuze te akuwayila. Mamre ni anakwo Eskole ni Anere yalikunda ni Abrama.

Ubutukilo 39:20

Yalweza atu ha kukwata Josefe. No yaamukwata, yaamusa mu zuwo lia lamba, muze te akusa funge ja mwanangana. Josefe yatwama ko,

Ubutukilo 40:16

Mwata wa akwa kwocha mbolo, muze hamona ngwenyi, Josefe kalumbununa kanawa chilota chize, yamwamba ngwenyi: “Ni yami nawa chilota nalotanga. Te nguli ni mitonga yitatu ya mbolo ha mutwe.

Ubutukilo 41:12

Mwe mu zuwo lia lamba yitubwa mo ni umwe Kahebreu, ndungo ya mwata wa tujita. Mba yitumwawila yilota yetu, neye yaalumbunwina yo.

Miaso (Masamu) 105:18

Yamukasa ni ngoji ja utale ku molu, yaasa kota yenyi mu kuli,

Miaso (Masamu) 109:2

Yingulungulu ni akwa mahuza haangukatukila, kaakuhanjika mahuza hakutwala kuli yami.

Kutuhuka 21:16

“Mweswawo makwata mukwo ni kumulanjisa hanji kutwama nenyi, akamushiha.

Daniel 6:22

Zambi yami katumanga kanganda kenyi wa mwilu hanga abakike makanwa ja tambwe achine kungulemeka. Kalinganga chino mumu kananyingika ngwenyi, nguli mukwa kusamba ni mumu chanuvulumwine ko yenu mwanangana.”

Yoano 10:32

Yesu yaamba ngwenyi: “Yitanga yinji hingunalingi ku meso jenu mu chiyulo cha Tata. Ku yitanga yize yeswe, ha chitanga chika nunazange kungwashila mawe?”

Yoano 15:25

Alioze yuma yino yeswe chatamba yibwe hanga Chisoneko cha Shimbi jo chikamanunuke ngwo: ‘Anguvutwokelele, alioze chikuma kaabwile ko nacho.’

Shimbi 24:7

“Mweswawo meya usoko wenyi Kaisraele ni kumupwisa ndungo yenyi hanji kumulanjisa, mutu yoze chatamba kumushiha. Chenacho munukachiza chibi chize mukachi kenu.

1 Timoteu 1:10

ni yitanji, ni akwa utumwa, ni akwa kukwata atu ha kuya ni kwalanjisa, ni akwa mahuza, ni akwa kulishinga ni mahuza, ni waze akulituna longeso liamwenemwene.

1 Samuel 24:11

Tata, achitalenu Chipinji cha lubula wenu ku kwoko liami? Kachi te nanushiha, alioze nabatulanga lume Chipinji chino cha lubula. Chino chinahase kunukumika ngwo, yami Chishi kulimika ni yenu hanji kunulinga chibi. Shina yenu nwakunguzomba hanga nungushihe. Chibwe yami chanulingile chibi.