Ubutukilo 4:9 - Mukanda Wa Zambi 1970

⁹ Mwene Zambi yahula Kene ngwenyi: “Mwanakwenu kuli ali?” Kene ngwenyi: “Chanyingikine. Yami nguli kafunga ka mwanakwetu, nyi?”

MUKANDA USANDU WA ZAMBI 1975

⁹ Yehova yamba kuli Kene ngwenyi, Mwanakwenu Abele kulihi ali? Iye yakumbulula ngwenyi, Chanyingikine. Te yami nguli kafunga ka mwanakwetu, nyi?

Ubutukilo 4:9 Iomraidhean Croise

Ubutukilo 37:26

Mba Yuda yambila akwo ngwenyi: “Nyi twashiha mwanakwetu mba twachisweka, che mutwanda ho chika?

Ubutukilo 37:32

Yaatwalila tato kazaku yoze, yaamba ngwo: “Hitwawana kazaku yono. Achimutale, nyi kali wa mwane, nyi ka.”

Ubutukilo 4:10

Mwene Zambi ngwenyi: “Kuchi walinga? Banjika! Liji lia mwanakwenu mu mavu linakololoka kuli yami ha kumukafa.

Miaso (Masamu) 9:12

Zambi kakwiwuluka akwa lamba; keshi kuvulama kulila cho, kakumwesa lamba waze akwalinga yibi.

Miaso (Masamu) 9:13

Aa Mwene Zambi, nguvwile kama keke! Tala chize akwa kole jami akungumwesa lamba! Aa Mwene Zambi, ngulamwine kama ku kufwa,

Yishima 28:13

Nyi wasweka milonga ye, kuuchi kawaha nichimwe. Alioze nyi muyishikisa ni kuyehuka, mba Zambi makuvwila keke.

Yoano 8:44

Nuli ana ja Tatenu Sakwonga. Nwakuzanga kulinga yize akuzanga Tatenu. Iye wabwile mukwa kushiha atu chize ku Ubutukilo. Kabwile ko mu umwenemwene nichimwe, mumu muli iye umwenemwene kuushimo. Muze akuhanjika mahuza, kakuhanjika nikulita ni ndako jenyi, mumu kali mukwa mahuza ni tato ya mahuza.