Ubutukilo 4:8 - Mukanda Wa Zambi 1970

⁸ Mba Kene yambila mwanakwo Abele ngwenyi: “Tuye ni kwendangana hakepe.” Muze haaheta mu munda, Kene yatumbukila mwanakwo, yamushiha.

MUKANDA USANDU WA ZAMBI 1975

⁸ Kene yahanjika ni mwanakwo Abele. Mba muze apwile mu munda Kene yakatukila mwanakwo Abele, yamushiha.

Ubutukilo 4:8 Iomraidhean Croise

Ubutukilo 4:25

Mba Samutu yalimona nawa ni mukwo pwo, neye yasema mwana wa lunga. Pwo yamba ngwenyi: “Zambi hangwaha mwana mukwo ha kusalakana Abele yoze ashihile kuli Kene.” Kashika yamuluka ngwenyi, Sete.

2 Samuel 14:6

Mwanangana, yami kavumbi kenu nabwile ni ana aali a malunga. Limwe tangwa yaaya mu yambu, yaazwela. Kabwile ko niumwe yoze te maakandunwina. Mba umwe yashiha mukwo.

2 Samuel 3:27

Muze Abnere haheta ku Hebrone, Joabe yaya nenyi ku lumbu lia chikolo, yalionga ngwe kanambe kumuhanjikishila ku tenga, alioze yamutuwa ha jimo. Chenacho ashihile mwata wa tujita Abnere, mumu neye washihile mwanakwo Asahele.

2 Sango Ja Mianangana 21:4

Muze Jehorame hajikiza mu wanangana, yashiha anakwo eswe ni amwe akwa kuyula ja Aisraele.

Nehemia 6:2

Kashika Sambalate ni Gesheme yaangutumina liji ngwo: “Tweya tulitakane mu chimwe chihunda mu chana cha Ono.” Chabwile lume kalimbalimba ko hanga angushihe.

Jobe 11:15

Mba muuhetuka, sonyi ka; muumana nguu, woma ka.

Miaso (Masamu) 139:19

Aa Zambi, ushiha kama yingulungulu! Yingalwe angwehuke kama!

Miaso (Masamu) 36:3

Yize akwamba yili yibi ni ya mahuza, keshi kulinga nawa yuma yibema ni ya mana.

Miaso (Masamu) 55:21

Kanwa lienyi yiliyema kuhiana ngwe yamwa, alioze mu mbunge yimuzala ni kole, Maliji jenyi koovula ngwe maji, alioze yaalemeka ngwe mukwale.

Hosea 4:2

Mumu kaakulakenya alioze keeshi kulinga; kaakuhanjika mahuza, kaakushiha, kaakwiya, kaakulinga utanji, kaakulikokela yitela ni kumwanga manyinga.

Mika 7:6

Ha matangwa wano ana malunga kaakumona ngwe atato kaali yihepuke, ana mapwo kaakulimika ni anaye, akweze ja mapwo kaakuzwelesa atato pwo; akwa kole ja mutu kaali a ku jiko lienyi mwene.

Kwalula 35:20

“Nyi umwe mutu kali ni kole ni mukwo, mba mamushiha ha kumunungwina hashi, hanji ni kumwasa chimwe Chuma,

Mateu 23:35

Chenacho lamba munukabwa nalio mumu ha manyinga ja akwa ululi waze amwanganyine hashi keeshi chitela, chize ku manyinga ja mukwa ululi Abele ndoo ku manyinga ja Zakaria, mwana wa Barakia, yoze nwashihile hakachi ka zuwo lia Zambi ni chilumbilo cha mulambu.

Luka 11:51

chize ku manyinga ja Abele ndoo ku manyinga ja Zakaria, yoze ashihilile hakachi ka chilumbilo ni muma mwa chijila. Ewa, ngunanwambulwila ngwami, atu ja mwakono, Zambi makaamwesa lamba ha yitela yeswe!

Luka 22:48

Alioze Yesu yamwamba ngwenyi: “Yudase, unakunjika Mwana Mutu ni mbeju, nyi?”

Hebreu 11:4

Ku ufulielo Abele yalambula mulambu unahiana uze wa yayo Kene. Ku ufulielo wenyi Zambi yamutayiza ngwenyi, mukwa ululi, mumu Zambi iye mwene watayijile mulambu wenyi. Ku ufulielo, Abele, chibwe hafwa kulu, hindu kakuhanjika.

Hebreu 12:24

Hinunahete kuli Yesu, chitakanyishi wa Zambi ni atu a Usendo Waha. Hinunahete ku manyinga jenyi waze asapwilile, manyinga waze akulweza yuma yibema yahiana manyinga ja Abele.

Yuda 1:11

Lamba lio! Kaakukaula jila ya Kene, kaakulihana ku ndako yibi mumu ha lwahu wa mbongo, ngwe chize alingile Balame. Hanaanongo mumu ahamikine ngwe chize alingile Kora.