Ubutukilo 4:7 - Mukanda Wa Zambi 1970

⁷ Nyi kuwalinga kanawa, kachi kuwevwile kuwaha, nyi? Alioze mumu hiwalinga chibi, nyingika ngwe, shili yili ngwe kashitu wa chilianyi yoze unautama ku chikolo cha mbunge ye hanga akukwate. Shili yinambe kukuyula alioze sako tachi ha kuyikumba.”

MUKANDA USANDU WA ZAMBI 1975

⁷ Nyi mulinga kanawa kechi kukutambula nyi? Alioze nyi kwalingile kanawa shili kuyinautama ku chikolo. Kuli yena anase mbunge yenyi mba yena mukamuyula.

Ubutukilo 4:7 Iomraidhean Croise

Ubutukilo 19:21

Kanganda ka mwilu ngwenyi: “Ngunakutayiza ha Chuma chino nawa, chichi kwonona kachihunda kaze.

Ubutukilo 3:16

Mba yambila pwo ngwenyi: “Yibikalo yinji muukabwa nayo muze muukabwa ni ufumba, ni yikola yinji ha kusema. Hindu muukevwila lunga lie usona, neye makakuyula.”

2 Samuel 24:23

Arauna yahana yeswe kuli mwanangana, yamba ngwenyi: “Mwene Zambi atambule kama mulambu wenu.”

1 MIANANGANA 8:28

Mwanangana Ahazia yalikunda ni mwanangana Jorame wa Israele hanga ase jita ni mwanangana Hazaele wa Siria. Yaasa jita ku limbo lia Ramote mu Gileade. Jorame yalemana,

Jobe 11:14

Nyi uli ni uhenge mu moko je, umbile, Kanda utayiza ungulungulu kubwa mu zuwo lie.

Jobe 11:15

Mba muuhetuka, sonyi ka; muumana nguu, woma ka.

Jobe 29:4

Ha matangwa waze Zambi te kakunguwahisa, ni usepa wenyi te wakufunga zuwo liami.

Jobe 42:8

Haliabwila yeenu nwande kuji a ngombe shimbiali ni kuji a mapanga shimbiali, nwize no kuli Jobe, nwalambule mulambu mumu hali yenwene. Jobe manulembela, mba mungwivwa kulemba chenyi, chichi kunuvwsia sonyi ngwe chatamba. Te kunushi kuhanjika umwenemwene hakutwala kuli yami ngwe chize anakahanjika Jobe.”

Yishima 18:5

Hi chibema ko kusambisa akwa uhiso, ni kuhisa akwa kusamba.

Yishima 21:27

Mwene Zambi kakuvutwokela milambu ya yingulungulu, chibichibi muze akuyilambula ni mbunge yibi.

Jeremia 3:12

Yangutuma ni kulweza Israele ngwenyi: “Yena chihulia, hiluka kuli yami. Nguli mukwa keke, chichi kutenuka, chichi kukutenukina ndoo ku miaka yeswe.

Jeremia 6:20

Milambu yo ya mbuto ya vumba libema, yika muyikwasa, chibwe yakwiza ku Sheba hanji ku chifuchi chikwo kusuku? Chichi kutayiza yawana yo, hanji kuwahilila ni milambu yo.

Mika 7:18

Aa Mwene Zambi, kukushi zambi mukwo walifwa ngwe yena. Wakukonekena milonga ya atu je waze asalile ni mwono. Kuushi kutenuka ku miaka yeswe, alioze wakuwahilila ni kutulweza zango lie lize kulishi kuhwa.

Malaki 1:10

Mwene Zambi Mukwa Ndundo Jeswe kanambe ngwenyi: “Kachi umwe ajile kama ku yikolo hanga kunuchi kuwika kahia kamokomoko ha chilumbilo chami. Chisolo kunuvwila kuwaha nichimwe, chichi kutayiza milambu yenu.

Malaki 1:13

Nwakwamba ngwenu: ‘Hitwahonga ha yuma yino yeswe!’ Nwakungunyekununa. Nwakungulambula yimuna yize nweyile, hanji yilema, hanji ayiza. Kuma nunanyongo ngwenu mungutambula milambu yize, nyi?

Malaki 1:8

Kuma muze nwakulambula yimuna afwa meso, hanji yilema, hanji ayiza, nwakuchimona ngwenu, chili chibema, nyi? Achesekenu kulambula yimuna ngwe yize kuli mukwa kuyula. Kuma kumawahilila ni yenu ni kunuvwila keke, nyi?”

Kwalula 32:23

Alioze nyi kunwamanunwine chilakenyo chenu, ngunanukanyamisa ngwami, munuvulumuna ku meso ja Mwene Zambi. Nyi ka, makanumwesa lamba mumu ha shili yenu.

Yilinga 10:35

Mweswawo wakumusa vumbi ni wakulinga ululi, kakumutambula, chibwe wa ku vungu lieswaho.

A-ROMA 12:1

Kashika, akwetu, mumu Zambi hanasolola keke yenyi kuli yetu, ngunaliumbu kuli yenu ngwami, nulihane yenwene ngwe mulambu wa mwono kuli Zambi, mulambu wa kulinanga, uze wakumubemena. Wenawo, we uwayilo wamwenemwene uze unamutela.

A-ROMA 14:18

Yoze wakulingila Kristu ngwe chino, kakubemena ku meso ja Zambi; ni atu kaakumulemesa.

A-ROMA 15:16

ha kubwa kavumbi ka Yesu Kristu kuli waze hi Ayuda ko. Ngunahakwila ha kwambujola Sango Jibema ja Zambi, hanga mavungu waze hi Ayuda ko akabwe mulambu wakubemena kuli Zambi, wakulihana kuli iye ku tachi ja Mwiku wa Linanga.

A-ROMA 6:12

Shili kuyatambile kuyula nawa mijimba yenu, yize muyikafwa, ha kunukoka ku kwononokena usolo ubi.

A-ROMA 6:16

Nunanyingika kanawa ngwenu, nyi nwakulikunjika kuli umwe ni kumwononokena, hinwabwa ndungo ja mwata yoze nwakononokena—hanji ndungo ja shili hanji ndungo ja ululi. Nyi nuli ndungo ja shili, munukafwa. Alioze, nyi nwakononokena, Zambi manupwisa akwa ululi.

Efesu 1:6

Halisenu Zambi mumu ha utu wenyi Wahiana, ni chawana chenyi chakulumbama chize atuhele mu kuliendela ni Mwanenyi.

1 Timoteu 5:4

Alioze nyi umwe twamishi kali ni ana hanji ajikulu, e ana hanji ajikulu chaatamba kulilongesa kukwasa jiko lio. Ngwe chino akwase yisemi jo ni akako ngwe chinalite, mumu chino chakubema kuli Zambi.

Hebreu 11:4

Ku ufulielo Abele yalambula mulambu unahiana uze wa yayo Kene. Ku ufulielo wenyi Zambi yamutayiza ngwenyi, mukwa ululi, mumu Zambi iye mwene watayijile mulambu wenyi. Ku ufulielo, Abele, chibwe hafwa kulu, hindu kakuhanjika.

Tiangu (Jake) 1:15

Mba muze usolo ubi muuseseka, muusema uvulumwino, ni muze uvulumwino hiwakola muusema kufwa.

1 Petulu 2:5

Kundamenu, hanga ni yenu nubwe ngwe mawe a mwono, waze Zambi matunga no zuwo lia Mwiku wa Linanga. Mu zuwo lize munubwa mahako a Zambi waze ali ni milimo ya kulambula Zambi milambu ya uzambi, yize muyikamubemena, nyi nwakuyilambula ku tachi ja Yesu Kristu.