Ubutukilo 4:6 - Mukanda Wa Zambi 1970

⁶ Mba Mwene Zambi yahula Kene ngwenyi: “Ufwatulo waka? Mumu yika unanyakana ku meso?

MUKANDA USANDU WA ZAMBI 1975

⁶ Mba Yehova yamba kuli Kene ngwenyi, Ufwatulo waka? Kuchi te unanyakana ku meso?

Ubutukilo 4:6 Iomraidhean Croise

Ubutukilo 4:7

Nyi kuwalinga kanawa, kachi kuwevwile kuwaha, nyi? Alioze mumu hiwalinga chibi, nyingika ngwe, shili yili ngwe kashitu wa chilianyi yoze unautama ku chikolo cha mbunge ye hanga akukwate. Shili yinambe kukuyula alioze sako tachi ha kuyikumba.”

Jobe 5:2

Ufwatulo wakushiha chihepuke, ukwa wakushiha yoze keshi mana.

Izaya 1:18

Mwene Zambi kanambe ngwenyi: “Tweyenu haliabwila tulivwe, chibwe milonga yenu yachila naye ngee, kumuyibwa yitoma ngwe chiwe. Chibwe yibeka yenu ya mu mbunge yahiana naye kuchila, kumuyibwa yitoma ngwe Wanda.

Jeremia 2:31

Yenu Aisraele, banjikenu ku liji liami. Kuma hinabwa ngwe muya kuli yenu, ngwe chifuchi cha milima ni cha utoji, nyi? Mumu yika mba nwakwamba ngwenu, munulinga cheswacho chinanuwahila, kunuchikahiluka nawa nichimwe kuli yami?

Jeremia 2:5

Kanambe ngwenyi: “Chibi chika tushakulu twenu amwene muli yami? Mba chika chaakatwishile ni kungumba yami nyima? Yaakombelela mahamba amokomoko, mba yaalumuka atu amokomoko.

Yona 4:4

Mwene Zambi yakumbulula ngwenyi: “Kutenuka chino chili chibema nyi?”

Yona 4:9

Alioze Mwene Zambi yamwamba ngwenyi: “Kuma chinalite kutenuka mumu lwitwi homa, nyi?” Yona ngwenyi: “Chinalite ngutenuke hanga ngufwe kwami!”

Mateu 20:15

Chishi chiyulo cha kulinga chize ngunazange ni ubite wami, nyi? Hanji Unevu ukwa mumu hinaaha jinji, nyi?’ ”