Ubutukilo 4:4 - Mukanda Wa Zambi 1970

⁴ Abele neye yanda mwana mutangu wa umwe panga wa ku chendo chenyi, yamushiha, yanda yifwo yibema yahiana ni e maji jayo, yayilambula. Mwene Zambi yatayiza Abele ni mulambu wenyi,

MUKANDA USANDU WA ZAMBI 1975

⁴ Abele neye yatwala tupula-jimo a mu chendo chenyi hamuwika ni maii jo. Yehova yalemesa Abele ni mulambu wenyi.

Ubutukilo 4:4 Iomraidhean Croise

Ubutukilo 15:17

Muze tangwa hilianjila, hikwabwa ufuku, susumuku chishichishi cha kahia chinakakumuka mu lutengo ni soka lia kulekwoka yilibalika hakachi ka yifwo.

Ubutukilo 4:3

Muze matangwa amwe haabalika, Kene yanda mihuko ya mu munda wenyi, yayilambula kuli Mwene Zambi.

1 Yitanga Ya Mianangana 18:24

Maatambika zambi yo, ni yami mungutambika Mwene Zambi. Yoze makumbulula ni kuwika kahia, mwe Zambi wamwenemwene.” Atu eswe yaamutayiza ngwo: “Chochene!”

1 Yitanga Ya Mianangana 18:38

Mba Mwene Zambi yahulumuna kahia, yikocha mulambu, ni kunyi, ni meya, ni e mavu, yikomisa meya eswe a mu wina.

1 Sango Ja Mianangana 21:26

Yatunga ko chilumbilo cha Mwene Zambi, yalambula ho milambu ya kwocha ni ya kulivwa ni Zambi. Yalemba, mba Mwene Zambi yakumbulula ni kumutumina kahia ka mwilu ni kwocha ye milambu ha chilumbilo.

2 Sango Ja Mianangana 7:1

Muze mwanangana Solomone hamanununa kulemba, kahia yikahulumuka mwilu yikocha ye milambu yize akunjikile, ni uhenya wa Mwene Zambi yiuzalisa zuwo.

Miaso (Masamu) 20:3

Atambule kama yawana ye yeswe, awahilile ni milambu ye yeswe.

Kutuhuka 13:12

mwana lunga mweswe mutangu chanutamba kumukunjika kuli Mwene Zambi, chibwe ana ja atu, chibwe a yimuna, eswe kaali a mbala a Mwene Zambi.

Yishima 3:9

Lemesa Mwene Zambi ni milambu ye, umulambule mbuto yitangu ya mu minda ye.

Longeshi 4:4

Hinasa nawa chinyingi mumu yika atu akuhondangana ni kuyuka yuma yo. Mumu ha ukwa uze akuvwila enyembo jo. Alioze yili yamokomoko, ngwe kuhanga fuji.

Alevi 9:24

Susumuku Mwene Zambi yatuma kahia, yikocha mulambu wa kwocha ni maji ha chilumbilo, yiuwema upu. Ha kuchimona, atu eswe yaakololoka, yaafulamana.

Kwalula 16:15

Mose yevwa ufwatulo, yambila Mwene Zambi ngwenyi: “Kanda utambula milambu niyimwe yize malunga wano maaneha. Niumwe wa kuli ayo chamulingile chibi. Chatambwile chibwe chimbulu umuwika kuli ayo ka.”

Kwalula 16:35

Mba Mwene Zambi yatuma kahia. Ke kahia yikonona atu 250 waze anehene yuma ya vumba libema.

Kwalula 18:12

“Ngunakwehe mihuko yitangu yibema yize Aisraele maangulambula ku mwaka ni mwaka: maji a olive, ni vinyu, ni mbuto.

Kwalula 18:17

Alioze atangu kusemuka a kuli ngombe, ni mapanga, ni pembe, kuchatambile kwakula. Kaali lume ayami, chaatamba kwaalambula. Ukasapwila manyinga jo ha chilumbilo ni kwocha maji jo ngwe mulambu wa yakulia, lupembo kakuwahila kuli yami.

Hebreu 11:4

Ku ufulielo Abele yalambula mulambu unahiana uze wa yayo Kene. Ku ufulielo wenyi Zambi yamutayiza ngwenyi, mukwa ululi, mumu Zambi iye mwene watayijile mulambu wenyi. Ku ufulielo, Abele, chibwe hafwa kulu, hindu kakuhanjika.

Hebreu 9:22

Nikulita ni Shimbi, yuma yinji kaakuyibemesa ni manyinga. Zambi kahashile kukonekena milonga nyi manyinga kaamwanganyine.

Usolwelo 13:8

Akwa hashi eswe maakamuwayila, kafwa ngwe, waze majina jo kasonewene, chize ku kutanga cha yuma yeswe, mu mukanda wa akwa mwono wa Mwana Panga yoze ashihile.

Akwa Kuyula 6:21

Mba kanganda ka Mwene Zambi yolola lukanda yoze abwile nenyi ku kwoko, songo yilikwata ha yifwo ni ha mbolo yize te kuyishi yitumbo. Kahia yiikafwindangana ha liwe, yifwo ni mbolo yiiwema yeswe upu. Hohene kanganda ka Mwene Zambi yajimuka ku meso jenyi.

1 Samuel 15:22

Samuel ngwenyi: “Chuma chika Mwene Zambi akuzanga kuhiana, kumwononokena nyi, hanji kumulambula milambu ni yawana? Kumwononokena kuchahiana kumulambula milambu ya mapanga abema kuhiana.