Ubutukilo 4:2 - Mukanda Wa Zambi 1970

² Kulutwe yasema nawa mwana mukwo wa lunga, yamuluka jina ngwenyi, Abele. Abele milimo yenyi kufunga yimuna, Kene milimo yenyi kulima minda.

MUKANDA USANDU WA ZAMBI 1975

² Kulutwe yasema nawa mwanakwo Abele. Abele mukwa kufunga mapanga, alioze Kene mukwa kulima.

Ubutukilo 4:2 Iomraidhean Croise

Ubutukilo 3:23

Kashika Mwene Zambi yahanga mutu mu munda wa Edene, hanga akalime e mavu kuze amuchijile.

Ubutukilo 37:13

Israele yambila Josefe ngwenyi: “Ayayenu kaanafungu yimuna ku Shekeme. Tweya ngukutume ko.” Josefe ngwenyi: “Ewa, Tata.”

Ubutukilo 4:1

Mba Samutu yalimona ni mukwo pwo, Namutu, neye yaka ufumba, yasema mwana wa lunga. Neye yamba ngwenyi: “Mwene Zambi hangukwasa, hinabwa ni mwana wa lunga.” Kashika yamuluka jina ngwenyi, Kene.

Ubutukilo 4:3

Muze matangwa amwe haabalika, Kene yanda mihuko ya mu munda wenyi, yayilambula kuli Mwene Zambi.

Ubutukilo 47:3

Mba mwanangana yaahula ngwenyi: “Milimo yenu yika?” Ayo ngwo: “Vulie mwanangana! Twakufunga yimuna ngwe chize te akulinga akaka.

Ubutukilo 9:20

Noa mwe mutangu kulima mitondo ya vinyu.

Miaso (Masamu) 127:3

Ana kaali chawana cha kuli Zambi, kaali yiwape yize akwaha atu jenyi.

Kutuhuka 3:1

Mose te kakufunga yimuna ya Ukwe wenyi Jetro, hako wa ku chifuchi cha Midiane. Yatwala yimuna mu puya, yaheta ku Sinai ku mulundu wa Zambi.

Amose 7:15

Alioze Mwene Zambi hanguchiza ku milimo ya kufunga yimuna, hangwamba ngwenyi: ‘Yako Ulongese maliji jami kuli atu jami Aisraele.’

Luka 11:50

Ha chino, Zambi makamwesa atu ja mwakono lamba mumu ha manyinga ja akwa munanyi a Zambi waze amwangine hashi chize ku kutanga cha hashi,

Luka 11:51

chize ku manyinga ja Abele ndoo ku manyinga ja Zakaria, yoze ashihilile hakachi ka chilumbilo ni muma mwa chijila. Ewa, ngunanwambulwila ngwami, atu ja mwakono, Zambi makaamwesa lamba ha yitela yeswe!

Yoano 8:44

Nuli ana ja Tatenu Sakwonga. Nwakuzanga kulinga yize akuzanga Tatenu. Iye wabwile mukwa kushiha atu chize ku Ubutukilo. Kabwile ko mu umwenemwene nichimwe, mumu muli iye umwenemwene kuushimo. Muze akuhanjika mahuza, kakuhanjika nikulita ni ndako jenyi, mumu kali mukwa mahuza ni tato ya mahuza.

1 Yoano 3:10

Kulituchika mukachi ka ana ja Zambi ni ana ja Sakwonga chakubwa ngwe chino, yoze keshi kulinga ululi, chibwe keshi kuzanga mukwo, hi mwana wa Zambi ko.

1 Yoano 3:12

Kuchatambile kubwa ngwe Kene, mutu wa kuli mwe Chingulungulu, yoze washihile mwanakwo. Ha chikuma chika amushihilile? Mumu te kakulinga yibi, alioze mwanakwo te kakulinga yibema.

1 Yoano 3:15

Mweswawo wakuvutwokela mukwo kali mukwa kushiha atu, ni nunanyingika ngwenu, mukwa kushiha atu keshi ni mwono wa miaka yeswe.