Ubutukilo 4:17 - Mukanda Wa Zambi 1970

¹⁷ Kene yalimona ni mukwo pwo, neye yaka ufumba, yasema mwana wa lunga, yamuluka jina ngwenyi, Enoke. Mba Kene yatunga limbo, yaliluka jina lia mwanenyi Enoke.

MUKANDA USANDU WA ZAMBI 1975

¹⁷ Kene yalimona ni mukwo-pwo, yaka ufumba, yasema Enoke. Kene yatunga limbo, yaliluka jina lia mwanenyi Enoke.

Ubutukilo 4:17 Iomraidhean Croise

Ubutukilo 11:4

Yaamba ngwo: “Tutungenu limbo ni yimwe ndalo yisuku, songo liayo yikahete mwe mwilu. Tukabwc ni lufuma ha ndalo yize, kuchina mutumwangana hashi heswe mwamwaa.”

Ubutukilo 4:16

Kene yakatuka ku meso ja Mwene Zambi, yaya ni kutwama ku chivumbuko cha Edene mu chifuchi chize akuvuluka ngwo: Kwendangana.

Ubutukilo 4:18

Enoke yasema mwana wa lunga, jina lienyi Irade. Irade yasema Mahujele. Mahujele yasema Matujele. Matujele yasema Lameke.

Ubutukilo 5:18

Muze Jarede habwa ni miaka 162, yasema mwana wa lunga, Enoke.

Ubutukilo 5:22

Enoke te kakuliendela ni Zambi. Yatwama ni mwono miaka yikwo 300, yasema nawa ana a malunga ni a mapwo,

2 Samuel 18:18

Absalome, shimbu lize te achili ni mwono, te hanalitungila chingina mu chikulo cha Mwanangana, mumu te keshi mwana wa lunga yoze makahinga jina lienyi. Kashika yachiluka jina lienyi. Ndoo ni musono atu kaakuchivuluka ngwo: “Chingina cha Absalome.”

Miaso (Masamu) 49:11

Ku mafuka mukubwa ku mahio matangwa eswe, mwenamo maabwa ndoo ku miaka yeswe, chibwe abwile ni yifuchi yo ene hatangu.

Miaso (Masamu) 49:12

Lufuma munene wa mutu kahashile kumulamwina ku kufwa; kumafwa ngwe kashitu.

Daniel 4:30

nikwamba ngwenyi: “Ayenu, Babilone cho kutohwa! Limbo lino lia wanangana nalitungile hanga ngusolole tachi ni ndundo jami, ni uhenya ni ulamba wami.”