Ubutukilo 4:15 - Mukanda Wa Zambi 1970

¹⁵ Alioze Mwene Zambi ngwenyi: “Ka. Mweswawo makushiha yena, atu maakukala yishuho shimbiali.” Kashika Mwene Zambi yamusa chinyingi, hanga niumwe kechi kamushiha muze makamutakana.

MUKANDA USANDU WA ZAMBI 1975

¹⁵ Alioze Yehova yamukumbulula ngwenyi, Kashika mweswe mashiha Kene mamufwetesacho yisuho shimbiali. Mba Yehova yasa chinyingi hali Kene kuchina umwe ha kumuwana mamushiha.

Ubutukilo 4:15 Iomraidhean Croise

Ubutukilo 4:24

Nyi maakala Kene yisuho shimbiali, nyi mashiha yami, atu maangukala yisuho makumi shimbiali ni shimbiali.”

1 Yitanga Ya Mianangana 16:7

Maliji a Mwene Zambi hakutwala kuli Basha ni vungu lienyi, mukwa munanyi Jehu yamulwezo mumu te Basha havulumuna Mwene Zambi. Yevwisa Mwene Zambi ufwatulo, hi ha yitanga yenyi wika ko ngwe chize alingile mwanangana Jeroboame alioze nawa mumu yashiha vungu lia Jeroboame.

Miaso (Masamu) 59:11

Zambi, kanda washiha haliabwila, kuchina atu jami maavulama. Amwange ni tachi je, akumbe, Mwene Zambi lukebwe wetu.

Miaso (Masamu) 79:12

Mwene Zambi eswe waze te akukushililika, ahilwishile kama lamba yisuho shimbiali.

Yishima 6:31

Hindu nyi haamukwata, chamutamba kuhilwisa ye yuma yisuho shimbiali, chamutamba kuhana yeswe yize ali nayo.

Ezekiel 9:4

“Yako mu limbo lieswe lia Yerusaleme, ufunjike ha mahina ja eswe waze akunenganyana ni kulibikala mumu ha yuma yeswe ya kuzelwokesa yize atu akulinga mu limbo.”

Ezekiel 9:6

Shihenu makulwana, ni akweze, ni ana mapwo, ni amama, ni ana. Alioze kanda nukwata niumwe yoze uli ni mufunda ha huma. Butulenu kuno ku zuwo lia Zambi.” Mba yaabutuka ni miata waze te anamana ku zuwo lia Zambi.

Hosea 1:4

Mwene Zambi yambila Hosea ngwenyi: “Muluke ngwe: ‘Jezrele,’ mumu kwasala hakepe ha kumwesa lamba mwanangana wa Israele mumu hali atu waze ashihile kashakulu kenyi Jehu mu chikulo cha Jezrele. Mungukakuwisa vungu lia Jehu.

Alevi 26:18

“Chibwe mungunumwesa lamba ngwe lize, hindu kunuchi kungwononokena, mungukanumwesa lamba yisuho shimbiali.

Alevi 26:21

“Hindu, nyi nwalimika lume ni yami, ni kulituna kungwononokena, mungukanumwesa lamba yisuho shimbiali.

Alevi 26:24

mungukalimika ni yenu ni kunumwesa nawa lamba yisuho shimbiali.

Alevi 26:28

mba mu ufwatulo wami mungukalimika ni yenu. Mungukanumwesa nawa lamba yisuho shimbiali.

Mateu 26:52

Hohene Yesu yamwamba ngwenyi: “Tomeka mukwale we mu chindalo, mumu eswe waze akukwata mukwale, maakatoka ku mukwale.

Usolwelo 14:11

Mwishi wa kahia kaze kakwabinjisa wakufwindangana mwilu ku miaka yeswe ni miaka yeswe. Waze awayilile ngongo munene ni mwe kaponya kenyi, ni mweswawo hanatambula mufunda wa jina lienyi, keechi kabwa ni uhwimino mwalwa ni ufuku.”

Usolwelo 14:9

Kanganda ka mwilu wa muchitatu yakaula tunganda waze aali ahangile, yakololoka ngwenyi: “Nyi mutu mawayila ngongo yoze munene ni kaponya kenyi, ni matambula mufunda uze ha huma lienyi hanji ha kwoko lienyi,