Ubutukilo 4:14 - Mukanda Wa Zambi 1970

¹⁴ Musono hiwanguhuma ku mavu wano a chinuno ni ku meso je. Mungubwa mukwa kuchinachina kanda chendanganyi. Ha chino mweswawo mangutakana mangushiha lume.”

MUKANDA USANDU WA ZAMBI 1975

¹⁴ Musono hiwanguhumina hashi, chipwe kumeso je mungukaswama. Mungupwa mukwa kuchina kanda chendanganyi hano hashi mba mweswawo manguwana mangushiha.

Ubutukilo 4:14 Iomraidhean Croise

Ubutukilo 3:24

Mba ku sali lia chivumbuko lia munda wa Edene, yasa ko akwa mwono a mwilu ni mukwale wa mulengi wa kahia wakutalikisa ku majila eswe, ha kujika jila ya ku mutondo uze wakuhana mwono.

Ubutukilo 4:13

Mba Kene yakumbulula Mwene Zambi ngwenyi: “Mama yami! Lamba liami! Malaa! Chichikuhasa.

2 Samuel 14:7

Mwanangana, haliabwila usoko wami eswe haangwalumukina ngwo, twehe yoze washihile mukwo. Kaanazange kumushiha akale yoze wafwile. Nyi ngwe achilinga, chichi kubwa ni mwana wa lunga niumwe. Muze moonona yoze nakusa mbunge, majimuna jina lia lunga liami hano hashi.”

Miaso (Masamu) 109:10

Ana jenyi abwe yendanganyi ni akwa kuunjila; ahange kama ku yikulo kuze atwama!

Miaso (Masamu) 109:12

Mutu niumwe kanda amulweza kama utu, chibwe kulela ana jenyi waze mahichika.

Miaso (Masamu) 143:7

Mwene Zambi, ngukumbulule kama haliabwila! Hinalezumuka. Kanda unguswamina kama; nyi ka, mungubwa ngwe waze haanayi muma lia afu.

Yishima 14:32

Yingulungulu kaakulimbuka mumu ha yitanga yo yibi, alioze umwenemwene wa akwa ululi kuwakwafunga.

Yishima 28:1

Yingulungulu kaakuchina chibwe kukushi yoze unaahange, alioze akwa ululi kaali ni hamu ngwe tambwe.

Izaya 8:22

hanji hashi, alioze keechi kamona nichimwe shina kubinda ni milima yahiana muze akwa kole anaashinjikila.

Jeremia 52:3

Mwene Zambi yevwila akwa Yerusaleme ni Ayuda ufwatulo kuhiana, kashika yaahuma ku meso jenyi. Zedekia yakatukila mwanangana Nebukanezore wa ku chifuchi cha Babilonia,

Hosea 13:3

Atu wano maakabatwoka ngwangwangwa ngwe mbundu ya chichamene, ngwe mume uze wakukukumuka muze tangwa hiliazunduka. Maakabwa ngwe yizungu yinahehuka ni fuji ku chizungwilo, ngwe mwishi uze unakakumuka ha jiko.

Alevi 26:17

Mungukalimika ni yenu, hanga akwa kole jenu akanukumbe, akanuyule. Munukevwa mwongo, munukalichinyina yenwene.

Alevi 26:36

“Kuli akwenu waze maakabwa mu undungo, mungukeevwisa mwongo. Ha kuhehuka cha lifwo maakachina. Munukachina ngwe mutu yoze unachina mu jita, munukalimbwoka chibwe mukwa kole keshiko.

Kwalula 35:19

Usoko wa yoze hafwa mwe makamushiha. Akachilinga muze mamuwana.

Kwalula 35:21

hanji kumushiha ni kome, kali chingalwe. Chatamba kumushiha. Usoko wa yoze hafwa mwe makamushiha. Akachilinga muze mamuwana.

Kwalula 35:27

nyi mukwa kukala mamutakana mamushiha, kukala chino hi cha ungalwe ko.

Mateu 25:41

“Hohene Mwanangana makambila waze ku chimeso ngwenyi: ‘Ngukatukenu, yenu hinunashingiwa! Yeenu ku kahia ka miaka yeswe, kaze alulikilile Sakwonga ni tunganda twenyi!

Mateu 25:46

Wano maakaya ku lamba lia miaka yeswe, alioze akwa ululi ku mwono wa miaka yeswe.”

Shimbi 28:64

“Mwene Zambi makanumwangina mukachi ka mavungu eswe, chize ku mbango yimwe ya hashi ndoo ku mbango yikwo. Kwenako munukalingila mahamba eka a mitondo ni mawe, waze chibwe yenu, chibwe tushakulu twenu, kunwakombelele ko hatangu.

Shimbi 28:65

Kunuchi kawana uhwimino nichimwe, kwakwihi kuze munukavuluka ngwenu, ku chihunda chetu. Mwene Zambi makanuvwisa mwongo, ni kuhonga ku meso, ni mulekeleke.

2 A-TESALONIKA 1:9

Maakamona lamba lia kwonona cha miaka yeswe muma mwakuhandunuka ni Mwene Yesu ni ndundo jenyi ja uhenya.