Ubutukilo 4:10 - Mukanda Wa Zambi 1970

¹⁰ Mwene Zambi ngwenyi: “Kuchi walinga? Banjika! Liji lia mwanakwenu mu mavu linakololoka kuli yami ha kumukafa.

MUKANDA USANDU WA ZAMBI 1975

¹⁰ Yehova yamba ngwenyi, Yika walinga? Liji lia manyinga a mwanakwenu linatete hashi kuli yami.

Ubutukilo 4:10 Iomraidhean Croise

Ubutukilo 18:20

Mwene Zambi yamba ngwenyi: “Atu kaakusuma akwa Sodome ni Gomora milonga yinji, shili yo yoka naye.

Ubutukilo 3:13

Mba Mwene Zambi yahula pwo ngwenyi: “Mumu yika walinganga chino?” Pwo ngwenyi: “Kapela wangwonganga kashika nalianga.”

Ubutukilo 9:5

Nyi mutu mashiha mukwo, yami mungukala yoze hafwa. Mungukala mutu mweswe yoze maashiha kuli kashitu.

1 MIANANGANA 9:26

‘Zau ngunakamona chize atu anakashiha Nabote ni ana jenyi a malunga. Chamwenemwene mungukakumwesa lamba mu munda uno wene.’ Kashika anda Jorame umumbile mu munda wa Nabote ngwe chize Mwene Zambi ambile.”

2 Sango Ja Mianangana 28:9

Umwe lunga Odede, mukwa munanyi wa Mwene Zambi, yatwama mu limbo lia Samaria. Yatakana ni tujita twa Israele muze anahiluka ni funge ja Ayuda, te himaanjila mu lie limbo, yaamba ngwenyi: “Mwene Zambi, Zambi ya tushakulu twenu, yatenukina Ayuda, kashika yanutayiza kwakumba, alioze hinwaashiha ni ufwatulo kuhiana.

Jobe 16:18

Mavu kanda usweka manyinga jami! Kanda aholesa kulila chami!

Jobe 24:12

Mu membo atu haalemana, kaanambe kufwa, kaanalili mbimbi, hindu Zambi kasolo kwivwa kulila cho.

Miaso (Masamu) 50:21

Muze nwalingile yuma yino yeswe, yami Chambile ko nichimwe, Ha chino nwangumwene ngwe nguli mukwenu. Alioze haliabwila ngunanubajila, ngunanulumbunwina yuma yeswe.

Miaso (Masamu) 72:14

Kakwapulula kuli akwa kwahungumiona ni akwa kwashiha, kakulemesa mwono wo.

Miaso (Masamu) 9:12

Zambi kakwiwuluka akwa lamba; keshi kuvulama kulila cho, kakumwesa lamba waze akwalinga yibi.

Miaso (Masamu) 9:13

Aa Mwene Zambi, nguvwile kama keke! Tala chize akwa kole jami akungumwesa lamba! Aa Mwene Zambi, ngulamwine kama ku kufwa,

Kutuhuka 3:7

Mwene Zambi ngwenyi: “Hinamona chize atu jami anamono lamba mu chifuchi cha Egiptu. Hinevwa chize analili ku moko ja akwa lutwe jo, akwa Egiptu waze akwaaha milimo. Ngunanyingika lamba lio lieswe.

Izaya 5:7

Israele kaali munda wa Mwene Zambi Mukwa Ndundo Jeswe; Ayuda kaali vinyu yakutumba, Zambi yaashimbwila hanga alinge chize chinalite, alioze ayo yaashiha atu. Yaashimbwila hanga alinge yuma ya ululi alioze atu waze Aisraele haabinjisa, yaalila ha kwabatwila ni ululi.

Kwalula 35:33

Nyi nwachilinga nwabihisa chifuchi muze nunatwama. Ungalwe wakubihisa chifuchi. Kunwahashile kuchibemesa shina kushiha chingalwe.

Yilinga 5:3

Petulu yamwamba ngwenyi: “Anania, kuchi kevwe Sakwonga anjilanga mu mbunge ye uhanjike mahuza kuli Mwiku wa Linanga, ni kusweka Chihanda cha mbongo ja munda?

Yilinga 5:9

Mba Petulu yamwamba ngwenyi: “Ehee! Kuchi kevwe nunakalitesa ha kwonga Mwiku wa Linanga? Tala, waze afundanga lunga lie, ku chikolo ali. Ni yena nawa kumaakumbata.”

Shimbi 21:1

“Nyi ngwe umwe mutu makawana mutu mu yambu, te ha mushiha kulu mu chifuchi chize Mwene Zambi, Zambi yenu, ananwehe, alioze kunwanyingikine yoze wamushihanga,

Hebreu 11:4

Ku ufulielo Abele yalambula mulambu unahiana uze wa yayo Kene. Ku ufulielo wenyi Zambi yamutayiza ngwenyi, mukwa ululi, mumu Zambi iye mwene watayijile mulambu wenyi. Ku ufulielo, Abele, chibwe hafwa kulu, hindu kakuhanjika.

Hebreu 12:24

Hinunahete kuli Yesu, chitakanyishi wa Zambi ni atu a Usendo Waha. Hinunahete ku manyinga jenyi waze asapwilile, manyinga waze akulweza yuma yibema yahiana manyinga ja Abele.

Tiangu (Jake) 5:4

Kunwafwetele fweto ya waze akunulimina minda yenu. Ivwenu kunenganyana cho! Malilo ja waze akuhela mihuko yenu haaneza ndoo ku matwi ja Zambi, Mwene Mukwa Ndundo Jeswe!

Yoshua 7:19

Yoshua yamwamba ngwenyi: “Mwanami, hanjika umwenemwene ku meso ja Mwene Zambi, Zambi ya Aisraele, ushikise. Ungulweze chize unakalinga. Kanda unguswekela cho.”

1 Samuel 13:11

alioze Samuel yamuhula ngwenyi: “Chika chino walinga?” Saulu ngwenyi: “Atu te kaanangumwangashana, muze yena kuwahetele ko ha tangwa lize washikile, ni Afilistia anakunguluka ku Mikmashe.