Ubutukilo 39:9 - Mukanda Wa Zambi 1970

⁹ Yami nguli ni chiyulo ngwe iye. Kangukanjishile ku Chuma nichimwe, shina yena pwo lienyi. Ngwe kuchi munguhasa kulinga yibi yibwa haha ni kuvulumuna ku meso ja Zambi?”

MUKANDA USANDU WA ZAMBI 1975

⁹ Niumwe wanguhiana mu zuwo, wakuhi. Kanguminyine nichimwe chuma shina yena wika, se uli pwo lienyi. Kuchi munguhasa kulinga ungulungulu upwa haha nikuvulumuna Zambi?

Ubutukilo 39:9 Iomraidhean Croise

Ubutukilo 13:13

Akwa limbo lize te yingulungulu, yibi yinji alingile lingile ku meso ja Mwene Zambi.

Ubutukilo 20:3

Ha ufuku Zambi yalisolola kuli Abimeleke mu chilota. Yamulweza ngwenyi: “Kumuufwa mumu hiwatambula pwo lia mbala.”

Ubutukilo 20:6

Mwene Zambi yamukumbulula mu chilota ngwenyi: “Ewa, ngunanyingika ngwami, wachilinga ni mbunge yibema. Yami chakutayijile ngwami, ulinge yibi ku meso jami, kashika chakuhele jila ha kumukwata.

Ubutukilo 20:9

Mba Abimeleke yatambika Abrahama, yamuhula ngwenyi: “Kuchi watulinga Chuma ngwe chino? Chibi chika ngunakakulinga kama, kashika wangukokela lamba libwa haha ni atu jami eswe? Wangulinga Chuma chize kuchatambile kulinga.

Ubutukilo 24:2

Abrahama yatambika kavumbi kenyi, mwe mukulwana te wakutala yikumba yenyi yeswe. Yamwamba ngwenyi: “Sako kwoko lie mu molu jami ulishinge ku meso ja Zambi.

Ubutukilo 39:10

Tangwa ha tangwa mwe pwo te kakuhula Josefe ha kulimona nenyi, alioze iye te keshi kutayiza kwenyi.

Ubutukilo 41:40

Ngunakwehe chiyulo cha kuyula chifuchi chami, atu jami eswe moononoka ku Shimbi je. Alioze yami mungukuhiana, mumu nguli mwanangana.

Ubutukilo 42:18

Ha tangwa lia muchitatu Josefe yaamba ngwenyi: “Nakwivwila Zambi woma, nyi nunazange kubwa ni mwono, lingenu chino:

2 Samuel 11:27

Muze matangwa akulila haabalika, Mwanangana David yamutambika ku zuwo lienyi. Neye yabwa pwo lienyi, yasema nenyi mwana wa lunga. Alioze Chuma chize alingile mwanangana David, Mwene Zambi yachivwila kubiha.

2 Samuel 12:13

Mwanangana yamba ngwenyi: “havulumuna Mwene Zambi.” Mukwa munanyi yamukumbulula ngwenyi: “Mwene Zambi hakukonekena, kuuchi kufwa.

Nehemia 5:15

Alioze akwa kuyula waze aliangile te kaakutambula milambu kuli atu tangwa ha tangwa ya yakulia ni vinyu ya makumi awana a mbongo ja prata. Chibwe tuvumbi two yaabinjisa atu. Alioze yami chalingile ngwe chize, mumu nevwilile Zambi woma.

Nehemia 6:11

Yingukumbulula ngwami: “Mutu ngwe yami munguhasa kuchina, nyi? Kuma Unanyongo mutu ngwe yami mungweseka kulilamwina nguswame mu zuwo lia Zambi, nyi? Chayile ko.”

Jobe 31:23

Chahashile kulinga yuma ngwe yize, mumu nakwivwa woma wa ubatwilo wa Zambi, ni wa uheya wenyi.

Miaso (Masamu) 51:4

Yena nakuvulumwine, yena wika, nalingile yuma yize wakubihilila. Kashika yena unasambe ha kungubatwila, unalingi ni ululi ha kunguhisa.

Kutuhuka 20:14

“Kanda Ulinga utanji.

Yishima 6:29

Chimuwika nawa ni yoze malimona ni pwo lia mbala. Mweswawo machilinga mamona lamba.

Yishima 6:32

Alioze mutu yoze malinga utanji keshi manyonga niamwe. Kanalishihi iye mwene.

Longeshi 7:26

Yingumona chimwe Chuma chibi chahiana kufwa, kuma pwo. Mumu zango lize anakulweze mulikukwata ngwe muheto hanji ngwe Wanda; moko jenyi maakujingilika ngwe lwoji wa utale. Mutu, nyi Zambi kakuwahilila nenyi, mahasa kuhwima, alioze mutu, nyi Zambi keshi kuwahilila nenyi, mwe pwo mamukwata.

Jeremia 28:16

Kashika Mwene Zambi iye Mwene kanambe ngwenyi: ‘Kumungukuchiza hano hashi. Mwaka uno wene kumuufwa, mumu hiwalweza atu alimike ni yami Mwene Zambi.’ ”

Jeremia 50:7

Eswe waze anaamono, kaanalimika no. Akwa kole jo kaanambe ngwo: ‘Haanavulumuna Mwene Zambi, kashika yeswe yize tunaalingi hi yibi ko. Tushakulu two te kaakujikijila hali Mwene Zambi, ni ayo te chaatamba kujikijila hali iye nawa.’

Alevi 20:10

Nyi umwe lunga malimona ni pwo lia usoko wenyi Kaisraele, chatamba kwashiha eswe aali, lunga ni pwo.

Alevi 6:2

Nyi mutu havulumuna Mwene Zambi, halituna kuhilwisa chifungo kuli mwenyembo wenyi, hanji kumwiya Chuma, hanji kumwiya ni mana,

Kwalula 32:23

Alioze nyi kunwamanunwine chilakenyo chenu, ngunanukanyamisa ngwami, munuvulumuna ku meso ja Mwene Zambi. Nyi ka, makanumwesa lamba mumu ha shili yenu.

Luka 12:48

Alioze kavumbi yoze kanyingikine upale wa mwata wenyi, ni kanalingi yitanga yize yinatela kumulamba, mamulamba ni mijiji yikepe. Kuli yoze hanahe yinji, mamuhula nawa yinji. Kuli yoze hanakunjika yinji yahiana, mamuhula nawa yinji yahiana.”

1 Korintu 4:2

Ni mukwa kuyula chamutamba kubwa mukwa kushishika kuli mwata wenyi.

Titu 2:10

kuchatambile kwiya nichimwe. Alioze chaatamba kulisolola abema ni akwa kushishika mu yuma yeswe, hanga atu alemese longeso liakutwala kuli Zambi Chilamwina chetu.

Hebreu 13:4

Atu eswe alemese umbachiso. Waze haanalimbata abwe akwa kushishika, chibwe pwo, hanji lunga, Zambi makahisa waze akulinga utanji, chibwe kulinga utanji ni waze haanalimbata, hanji ni waze kanda achilimbata.

1 Yoano 3:9

Mutu yoze kali mwana wa Zambi, keshi kunyongonona nikuvulumiona, mumu mwono uze amuhele Zambi uli muli iye. Kahashile kunyongonona nikuvulumiona, mumu kali mwana wa Zambi.

Usolwelo 21:8

Alioze akwa mwongo, ni waze keeshi kufuliela, ni akwa kuzelwokesa, ni akwa kushiha atu, ni yitanji, ni akwa kupanda wanga, ni akwa kukombelela mahamba, ni akwa mahuza eswe—chihanda cho muchikabwa mu wina wakuyila kahia ni fundanga, Chenacho che kufwa cha muchaali.”

Usolwelo 22:15

Alioze waze akulinga yuma ya sonyi, ni akwa kupanda wanga, ni yitanji, ni akwa kushiha atu ni akwa kukombelela mahamba, ni akwa mahuza mu maliji ni mu yitanga, ayo eswe keechi kabwa mu limbo lize, alioze haze!