Ubutukilo 39:6 - Mukanda Wa Zambi 1970

⁶ Mba Potifare yakunjika yeswe mu moko jenyi, iye katalile ko nawa Chuma nichimwe shina kulia wika. Josefe te mwana lunga mubema ku mujimba ni ku meso.

MUKANDA USANDU WA ZAMBI 1975

⁶ Mba Ka-Engitu yahichika yeswe mu kwoko lia José. Kanyingikine yize apwile nayo shina kulia chenyi wika. José wapwile ni mujimba upema, wapemenene ku meso.

Ubutukilo 39:6 Iomraidhean Croise

Ubutukilo 29:17

Leya te hi mubema ko ku meso, alioze Rashele chileza.

Ubutukilo 39:23

Mwe mwata katalile ko nawa Chuma nichimwe chize akunjikile mu moko ja Josefe, mumu Mwene Zambi yabwa hamwe nenyi, ni yize yeswe te akulinga yiyiwaha.

Ubutukilo 39:4

Potifare yawahilila ni Josefe ha milimo yize te akumulingila. Kashika yamupwisa mwata wa yuma yenyi ni zuwo lienyi lieswe.

Ubutukilo 39:8

Josefe yalituna ngwenyi: “Ka! Tala, mwata wami keshi kutala ku Chuma nichimwe mu zuwo muze nguli kuno. Yami nguli ni chiyulo ha kutala yuma yenyi yeswe.

Ubutukilo 43:32

Josefe yalia ha mesa ya ukawenyi, ayayo no ha mesa ya ukawo, akwa Egiptu waze akulia nenyi, ni no ha mesa ya ukawo. (Mumu akwa Egiptu te keeshi kulia hamwe ni Ahebreu, kuchina maalijilula.)

Yishima 31:11

Lunga lienyi kakushachila hali iye, kechi kubwa chiswale nichimwe.

Luka 16:10

Yoze mashishika ni chize chikepe, mashishika nawa ni chize chinene. Yoze mahengesa ni chize chikepe, mahengesa nawa ni chize chinene.

Luka 19:17

Mwanangana yamwamba ngwenyi: ‘Walinga kanawa, kavumbi mubema! Mumu washishika ha yuma yikepe, ngunakupwisa mukwa kuyula wa membo kumi.’

Yilinga 7:20

Ha matangwa waze Mose yasemuka, yabemena ku meso ja Zambi. No yaamulela tukweji atatu mu zuwo ha tato.

1 Samuel 16:12

Yaamusaka. Te kali lunga walimuka ku meso, chitakame. Mwene Zambi yamba ngwenyi: “Mwenau, katuka umuwayise.”

1 Samuel 17:42

Muze Kafilistia hamona David, yamulelesa, mumu te uchili lume mukweze, mubema ku meso.