Ubutukilo 39:21 - Mukanda Wa Zambi 1970

²¹ alioze Mwene Zambi yabwa hamwe nenyi, yamuwahisa. Ha chino mwata wa zuwo lia lamba yawahilila nenyi.

MUKANDA USANDU WA ZAMBI 1975

²¹ Alioze Yehova Watwamine hamwe nenyi. Wamuwahishile nikumwaha vumbi kuli mwe kalayi ka zuwo lia ususu.

Ubutukilo 39:21 Iomraidhean Croise

Ubutukilo 21:22

Ha matangwa waze Abimeleke ni Fikole, mwata wa tujita twa Abimeleke, yeeza nikwambila Abrahama ngwo: “Zambi kali hamwe ni yena mu yeswe yize wakulinga.

Ubutukilo 39:2

Mwene Zambi yabwa hamwe ni Josefe, neye yayuka. Te kaatwama mu zuwo lia mwene wenyi.

Ubutukilo 39:3

Mwata wenyi yamona ngwenyi, Mwene Zambi kali hamwe ni Josefe ni kukukwasa Josefe ku yeswe yize te akulinga.

Ubutukilo 39:4

Potifare yawahilila ni Josefe ha milimo yize te akumulingila. Kashika yamupwisa mwata wa yuma yenyi ni zuwo lienyi lieswe.

Ubutukilo 40:3

mba yaasa mu zuwo lia lamba lia mwata wa tujita, muze abwile Josefe.

Miaso (Masamu) 105:19

ndoo ni muze yuma yize Zambi alakenyene yamanunukine, ni yasoloka pundu ngwo, Josefe keshi kwenyi mulonga.

Miaso (Masamu) 105:22

Yamusa helu lia yilolo jenyi; yamwaha chiyulo cha kulongesa akwa mana jenyi.

Miaso (Masamu) 106:46

Yashinjika akwa kwabinjisa hanga eevwile keke.

Kutuhuka 11:3

Mwene Zambi yasolwela Aisraele vumbi ku meso ja akwa Egiptu. Ni mwene, akwa kuyula ni akwa Egiptu akwo eswe te kaakumona ngwo, Mose kali mutu munene.

Kutuhuka 12:36

Mwene Zambi yasolwela Aisraele vumbi ku meso ja akwa Egiptu. Kashika akwa Egiptu yaaha yuma yize echile. Chenacho Aisraele ayile ni ubite wa akwa Egiptu.

Kutuhuka 3:21

“Mungukanupwisa akwa vumbi ku meso ja akwa Egiptu, hanga muze munukatuhuka, kunuchi kaya mokomoko.

Yishima 16:7

Nyi muulinga chize Mwene Zambi akuzanga, chibwe akwa kole je maabwa masepa je.

Izaya 41:10

Kanda wivwa woma, nguli hamwe ni yena! Nguli Zambi ye, kanda wivwa mwongo wa Chuma nichimwe! Mungukutakamisa, mungukukwasa; mungukufunga ni kwoko liami lia chindume lia ululi.

Izaya 43:2

Muze muubalika mu meya anji, mungubwa hamwe ni yena; lamba lie kulichi kukumba. Muze muwenda mu kahia, kuuchi kuwema; yeseko yikalu yize muyiza kuyichi kukulemeka.

Daniel 1:9

Zambi yaha Ashpenaze manyonga abema haku twala kuli Daniel.

Daniel 6:22

Zambi yami katumanga kanganda kenyi wa mwilu hanga abakike makanwa ja tambwe achine kungulemeka. Kalinganga chino mumu kananyingika ngwenyi, nguli mukwa kusamba ni mumu chanuvulumwine ko yenu mwanangana.”

A-ROMA 8:37

Alioze mu yuma yino yeswe twakukumba kuhiana ni ndundo ja yoze watuzangile.

1 Petulu 3:17

Shinoho kumona lamba ha kulinga yibema, nyi kuchili upale wa Zambi, hi kumona lamba ko ha kulinga yibi.