Ubutukilo 39:2 - Mukanda Wa Zambi 1970

² Mwene Zambi yabwa hamwe ni Josefe, neye yayuka. Te kaatwama mu zuwo lia mwene wenyi.

MUKANDA USANDU WA ZAMBI 1975

² Yehova wapwile hamwe ni José, iye wapwile ni somo watwamine mu zuwo lia kakó mwe Ka-Engitu.

Ubutukilo 39:2 Iomraidhean Croise

Ubutukilo 21:20

Mwana yatatuka, yatwama mu puya ya Parane. Iye te yanga ni uta wenyi wa manana. Zambi yabwa hamwe nenyi.

Ubutukilo 21:22

Ha matangwa waze Abimeleke ni Fikole, mwata wa tujita twa Abimeleke, yeeza nikwambila Abrahama ngwo: “Zambi kali hamwe ni yena mu yeswe yize wakulinga.

Ubutukilo 26:24

Ha ufuku uzewene Mwene Zambi yamusolokela, yamwamba ngwenyi, “Kanda wivwa woma. Nguli Zambi ya tatenu Abrahama, nguli hamwe ni yena. Mungukakuwahisa, mungukokesa vungu lie mumu hali kavumbi kami Abrahama.”

Ubutukilo 26:28

Ayo ngwo: “Mumu hitwamona ngwetu, Mwene Zambi kali hamwe ni yena. Kashika twanyonga ngwetu, chinalite tukalikunde ni Shingo hakachi ka yetu ni yena tukakolese Usendo.

Ubutukilo 28:15

Nyingika ngwe, mungukabwa hamwe ni yena kweswako muuya, mungukakuhilwisa nawa ku chifuchi chino. Chichi kakwehuka ndoo mungukamanununa yilakenyo yeswe yino nakulakenya.”

Ubutukilo 39:23

Mwe mwata katalile ko nawa Chuma nichimwe chize akunjikile mu moko ja Josefe, mumu Mwene Zambi yabwa hamwe nenyi, ni yize yeswe te akulinga yiyiwaha.

Ubutukilo 39:3

Mwata wenyi yamona ngwenyi, Mwene Zambi kali hamwe ni Josefe ni kukukwasa Josefe ku yeswe yize te akulinga.

1 MIANANGANA 18:7

Kashika Mwene Zambi abwile hamwe nenyi, neye yawaha mu yeswe yize te akulinga. Yalimika ni mwanangana wa Asuria, yalituna kubwa chilolo chenyi.

1 Sango Ja Mianangana 9:20

Finehase mwana wa Eleazare, Mwene Zambi abwe hamwe nenyi, mwenawo te mwata wo ha matangwa waze.

2 Sango Ja Mianangana 1:1

Solomone, mwana wa mwanangana David, yajikiza mu wanangana wa Israele, Mwene Zambi, Zambi yenyi, yabwa hamwe nenyi, yamutakamisa.

Miaso (Masamu) 1:3

Kali ngwe mutondo ku mbumbulu ya lwiji, uze wakwima mihuko yawo ha tungonde twawo, mafwo jawo keeshi kuma. Kakuyuka yeswe yize akulinga.

Miaso (Masamu) 46:11

Mwene Zambi Mukwa Ndundo Jeswe kali hamwe ni yetu, Zambi ya Yakoba kali uchinyino wetu!

Miaso (Masamu) 46:7

Mwene Mukwa Ndundo Jeswe kali hamwe ni yetu; Zambi ya Yakoba kali uchinyino wetu!

Miaso (Masamu) 91:15

Muze maangutambika mungwataa; muze maamona lamba, mungubwa hamwe no. Mungwachiza mu lamba lio, mungwalemesa.

Izaya 41:10

Kanda wivwa woma, nguli hamwe ni yena! Nguli Zambi ye, kanda wivwa mwongo wa Chuma nichimwe! Mungukutakamisa, mungukukwasa; mungukufunga ni kwoko liami lia chindume lia ululi.

Izaya 43:2

Muze muubalika mu meya anji, mungubwa hamwe ni yena; lamba lie kulichi kukumba. Muze muwenda mu kahia, kuuchi kuwema; yeseko yikalu yize muyiza kuyichi kukulemeka.

Jeremia 15:20

Mungukupwisa ngwe mbango ya zuwo hakutwala kuli ayo. Atu wano maazwela ni yena, alioze keechi kukukumba. Mungubwa hamwe ni yena ni kukufunga utwame kanawa.

Mateu 1:23

“Talenu mwana pwo yoze kanda achilimona ni lunga makabwa ni ufumba. Makasema mwana lunga, ni atu maakamuluka jina ngwo, Emanuele” (kulumbunuka, Zambi kali hamwe ni yetu).

Yilinga 8:31

Neye ngwenyi: “Ngwe kuchi munguhasa, nyi kukushi yoze mangulumbunwina yo?” Yaliumba kuli Filipe anyine atwame nenyi.

1 Timoteu 6:1

Ndungo eswe chaatamba kusa miata jo vumbi. Hanga mutu niumwe kechi kushililika Zambi ni longeso lietu.

Yoshua 1:5

Ha matangwa eswe a mwono we niumwe kechi kuhasa ku kukumba. Mungubwa hamwe ni yena ngwe chize nabwile hamwe ni Mose. Chichi kakuhichika hanji kukwehuka nichimwe.

Yoshua 1:9

Chakwambile cho, nyi? Takama, hamuka. Kanda wivwa woma, kanda ulekumuka, mumu yami Mwene Zambi, Zambi ye, nguli ne kweswako mwoya.”

Yoshua 6:27

Chenacho Mwene Zambi abwile hamwe ni Yoshua, lufuma wenyi yaamana ndusu mu chifuchi cheswe.

1 Samuel 16:18

Umwe ngamba yakumbulula ngwenyi: “Hinamona umwe mukweze, mwana wa Jese, wa ku Betleheme, kananyingika kwimba kanawa. Nawa kali mukwa hamu, kajita wa tachi, kalimuka, kakuhanjika kanawa, ni Mwene Zambi kali hamwe nenyi.”

1 Samuel 18:14

yalinga yuma yeswe kanawa mumu Mwene Zambi yabwa hamwe nenyi.

1 Samuel 18:28

Saulu yanyingika ngwenyi, Mwene Zambi kali hamwe ni David. Chikwo nawa Mikale, mwana wa Saulu, yazanga David kuhiana.

1 Samuel 3:19

Samuel yatatuka. Mwene Zambi yabwa hamwe nenyi, yashindakenya maliji jenyi eswe.