Ubutukilo 38:5 - Mukanda Wa Zambi 1970

⁵ Yasema nawa mwana wa lunga, yamuluka ngwenyi, Shela. Muze Shela hasemuka, Yuda te kali mu chihunda cha Akzibe.

MUKANDA USANDU WA ZAMBI 1975

⁵ Yasema mwana mukwo nawa wa lunga, yamuluka jina ngwenyi, Shela. Yunda te ku Kezepi ali muze amusemene.

Ubutukilo 38:5 Iomraidhean Croise

Ubutukilo 38:11

Mba Yuda yambila tembwa mwanenyi ngwenyi: “Hiluka ku zuwo lia tatenu ndoo kuze mwanami Shela hakola.” Yamba chino mumu yanyonga ngwenyi, hanji Shela malinga afwe ngwe chize afwa ayayo. Mba Tamare yahiluka, yaya nikutwama maha tato.

Ubutukilo 38:26

Yuda yanyingika ngwenyi, yuma yize yili niyenyi, yamba ngwenyi: “Kasamba kwenyi. Yami nalinga chibi, mumu chamuhanyine kuli mwanami Shela.” Mba Yuda hikalimwene ko nawa nenyi.

Ubutukilo 38:6

Yuda yambachila mwanenyi mutangu Ere, pwo, jina lienyi Tamare.

Ubutukilo 46:12

Yuda hamwe ni ana jenyi a malunga: Shela, ni Pereze, ni Zera, (alioze Ere ni Onane yaafwila mu Kanana). Ana ja Pereze a maluanga wano: Hezrone ni Hamule.

1 Sango Ja Mianangana 2:3

Ana ja Yuda a malunga wano: Ere, ni Onane, ni Shela, waze asemene ni Bateshua, mukwa Kanana. Mwanenyi mutangu Ere yabwa mubi kuhiana kashika Mwene Zambi yamushiha.

1 Sango Ja Mianangana 4:21

Shela umwe wa kuli ana a malunga ja Yuda. Lunga umuwika wa ku vungu lienyi Ere, mwenawo watungile limbo lia Leka. Mukwo Lada, mwe watungile limbo lia Maresha. Akwa jimo likwo, te kaatwama mu limbo lia Bete Ashbea; milimo yo kutunga mahina alefuna.

Kwalula 26:19

Vungu lia Yuda: majimo ja Shela, ni Pereze, ni Zera, ni Hezrone, ni Hamule. (Aali a kuli ana ja Yuda a malunga, Ere ni Onane, yaafwila mu chifuchi cha Kanana.)