Ubutukilo 38:25 - Mukanda Wa Zambi 1970

²⁵ Muze atu anatuhwisa Tamare haze, yatumina ukwe wenyi maliji ngwenyi: “Mutu yoze wanguhichikilile kazeya, ni muya, ni lukanda wenyi, mwe unakangwaha ufumba. Achitalenu nyi yuma yino yili yaya.”

MUKANDA USANDU WA ZAMBI 1975

²⁵ Muze te hamutuhwisa, iye yatuma kuli tato-weno ngwenyi, Mwenya yino yuma iye wanguhele ufumba. Utale kanawa, unyingike mwenya yino yuma, ni chijikilo, ni muya, ni mulumbu.

Ubutukilo 38:25 Iomraidhean Croise

Ubutukilo 37:32

Yaatwalila tato kazaku yoze, yaamba ngwo: “Hitwawana kazaku yono. Achimutale, nyi kali wa mwane, nyi ka.”

Ubutukilo 38:18

Yuda ngwenyi: “Chuma chika?” Pwo ngwenyi: “Kazeya ke, ni muya we, ni lukanda we yoze uli nenyi mu kwoko lie.” Yamwaha yuma yize, mba yalimona nenyi. Tamare yahinduka, yakatuka ho, yaya kwenyi. Yazula mahina abema mba yazala nawa mahina jenyi a utuliwa. Mba pwo yalimona ngwenyi, nguli ni ufumba.

Miaso (Masamu) 50:21

Muze nwalingile yuma yino yeswe, yami Chambile ko nichimwe, Ha chino nwangumwene ngwe nguli mukwenu. Alioze haliabwila ngunanubajila, ngunanulumbunwina yuma yeswe.

Jeremia 2:26

Mwene Zambi kanambe ngwenyi: “Ngwe chize mwiji akwivwa sonyi muze haamukwata, Chenacho nawa yenu Aisraele eswe munukevwa sonyi: mianangana ni akwa lutwe, ni mahako, ni akwa munanyi jenu.

A-ROMA 2:16

Chenacho muchikabwa, nikulita ni Sango Jibema jize nakwambujola, ha tangwa lize Zambi makabatula yuma ya kuhengeka ya atu. Zambi makayibatula kuli Yesu Kristu.

1 Korintu 4:5

Kashika, kanda nubatwila niumwe, muze tangwa kanda lichiheta. Ubatwilo wakusula chatamba kushimbwila ndoo muze Mwene Yesu makeza. Iye makasolola mu pangu yuma yize yahengamine mu milima, makasolola manyonga waze ahengamine mu mbunge ja atu. Mba Zambi makachichimieka mutu ni mutu chize chinalite.

Usolwelo 20:12

Mba yingumona makulwana ni twanuke, kaanamana kulutwe lia chitwamo cha wanangana. Mikanda te kaanayibakula. Mukanda ukwo nawa te kaanaubakula, mukanda wa akwa mwono. Atu te kanaabatwila nikulita ni yize alingile, nikulita ni yize asonekene mu mikanda.