Ubutukilo 38:24 - Mukanda Wa Zambi 1970

²⁴ Yikubalika tukweji atatu, mba umwe mutu yalweza Yuda ngwenyi: “Tembwa mwane Tamare, ufumba ali nawo.” Yuda ngwenyi: “Yenu nukamuchize mu chihunda, nukamutuhwise haze. Nukamwoche ha kahia, akafwe.”

MUKANDA USANDU WA ZAMBI 1975

²⁴ Mba kulutwe lia tukweji atatu, yambulwila Yunda ngwo, Tembwa-mwané Tama halipwisa chikoi, chikwo nawa, hapwa ni ufumba wa ku ukoi wenyi. Yunda ngwenyi, Mutuhwisenu, numwoche.

Ubutukilo 38:24 Iomraidhean Croise

Ubutukilo 20:3

Ha ufuku Zambi yalisolola kuli Abimeleke mu chilota. Yamulweza ngwenyi: “Kumuufwa mumu hiwatambula pwo lia mbala.”

Ubutukilo 20:7

Haliabwila hilwisa pwo yono kuli mukwo lunga. Kali mukwa munanyi, makulembela Zambi, ha chino kuuchi kufwa. Alioze, nyi kuuchi kumuhilwisa nyingika kwe ngwe, kumuufwa, yena ni vungu lie lieswe.”

Ubutukilo 20:9

Mba Abimeleke yatambika Abrahama, yamuhula ngwenyi: “Kuchi watulinga Chuma ngwe chino? Chibi chika ngunakakulinga kama, kashika wangukokela lamba libwa haha ni atu jami eswe? Wangulinga Chuma chize kuchatambile kulinga.

Ubutukilo 34:31

Alioze yaamukumbulula ngwo: “Te chamutamba kupwisa ndumbwetu ngwe chitanji, nyi?”

Ubutukilo 38:23

Yuda ngwenyi: “Azuke koko. Nyi ka, matukolesa tuhu sonyi. Namutumina mwana pembe alioze kuwamumwene, hikwahwa.”

2 Samuel 12:5

Mwanangana yevwila pichi wuli unji, yamba ngwenyi: “Ni mwe Mwene Zambi, mutu walinga Chuma chino chamutamba kufwa!

2 Samuel 12:7

Mukwa munanyi Natane yakumbulula mwanangana ngwenyi: “Mutu yoze, yena. Mwene Zambi, Zambi ya Aisraele kanambe ngwenyi: ‘Nakuwayishile kubwa mwanangana wa Aisraele, nakulamwinyine ku moko ja Saulu.

Longeshi 7:26

Yingumona chimwe Chuma chibi chahiana kufwa, kuma pwo. Mumu zango lize anakulweze mulikukwata ngwe muheto hanji ngwe Wanda; moko jenyi maakujingilika ngwe lwoji wa utale. Mutu, nyi Zambi kakuwahilila nenyi, mahasa kuhwima, alioze mutu, nyi Zambi keshi kuwahilila nenyi, mwe pwo mamukwata.

Jeremia 2:20

Mwene Zambi kanambe ngwenyi: “Israele, hasuku walitunyinine chiyulo chami; hiunalitunu kungwononokena ni kunguwayila. Ha milundu yeswe, ni mushi lia mitondo yeswe ya wisu, te wakuwayila mazambi a utanji.

Jeremia 3:1

Mwene Zambi kanahula ngwenyi: “Nyi lunga halakula pwo lienyi, hamumbata kuli lunga weka, kuma lunga mutangu mahasa kumuhilwisa ku mahienyi, nyi? Ka, nyi wachilinga chifuchi muchibiha liakulu. Alioze yenu Israele, ukwete akwa zango anji, hindu haliabwila unazange kuhiluka kuli yami!

Jeremia 3:6

Muze Josia abwile mwanangana, Mwene Zambi yanguhula ngwenyi: “Wamona chize alinga Israele, pwo yoze chitanji? Hangwehuka, halinga utanji ha milundu yeswe ni mushi lia mitondo yeswe ya wisu.

Jeremia 3:8

Yuda neye hamona ngwenyi, yami Mwene Zambi hinalakula Israele, hinamwehuka mumu kahilukile ko kuli yami, mumu halinga utanji. Alioze chihulia Yuda, mwanakwo ya Israele, kevwile ko woma, neye yabwa chitanji.

Ezekiel 16:15

“Alioze wajikijilile ha uhenya we ni kulinga utanji ni mweswawo unabalika.

Ezekiel 16:25

Yiulibihisa ni malowa. Yiulikunjika kuli mweswawo wejile ko, ni kwokesa utanji we.

Ezekiel 16:26

Yiulinga utanji ni enyembo je a usolo, akwa Egiptu, yiulimona no ni kungwiha.

Ezekiel 16:28

“Yiukaula Aasuria mumu te kuusolo kuyuka ni atu akwo, yiubwa chitanji wo, hindu kujakuhwile ko.

Ezekiel 16:41

Kumaakocha mazuwo je, maakakungulula mapwo anji akamone lamba lie. Mungukakukanjisa kuhana yawana kuli akwa zango lie, mungukasa songo lia utanji we.

Ezekiel 23:19

Yabwa chitanji kuhiana, yalinga ngwe alingile mu wana mapwo wenyi, muze abwile chitanji mu Egiptu.

Ezekiel 23:44

E malunga yaahilwoka kuli mapwo waze yitanji nawa ni nawa, yaahilwoka kuli Ohola ni Oholiba, e yitanji waze.

Ezekiel 23:5

Ohola, chibwe kali wa yami, hindu yalinga linga utanji ni akwa zango lienyi a ku chifuchi cha Asuria.

Hosea 3:3

Yingumulweza ngwami: “Matangwa anji maakabalika, yena chatamba kungushimbwila, kuuchi kalinga nawa utanji. Ni yami ha matangwa waze eswe mungukakushimbwila.”

Hosea 4:15

“Chibwe yenu Aisraele nwakulinga utanji, alioze yenu Ayuda kanda nulinga ngwe ayo. Kanda nuwayila mu membo ja Gilgale ni Betele, chibwe kulishingila ko mu jina lia Mwene Zambi ya mwono.

Alevi 20:10

Nyi umwe lunga malimona ni pwo lia usoko wenyi Kaisraele, chatamba kwashiha eswe aali, lunga ni pwo.

Alevi 21:9

Nyi umwe mwana pwo wa hako malipwisa chitanji, kakolesa tato sonyi. Chatamba kumwocha ha kahia.

A-ROMA 14:22

Ufulielo uze uli nawo ha chikuma chino, bwako nawo yena mwene ku meso ja Zambi. Kawaha yoze keshi kulihisa muze mabatula yize chamutamba kulinga.

Shimbi 24:16

“Kuchatambile kushiha yisemi mumu ha milonga ya ana, ni ana kanda nwashiha mumu ha milonga ya yisemi. Chatamba kushiha mutu ha mulonga wenyi mwene.

Akwa Kuyula 19:2

Alioze mwe temena yenyi yamuvwila wuli, yahiluka ku zuwo lia tato ku Betleheme, yatwama ko tukweji awana.