Ubutukilo 38:2 - Mukanda Wa Zambi 1970

² Yamona ko umwe mwana pwo, jina lia tato te Shua, wa ku chifuchi cha Kanana. Yuda yamumbata.

MUKANDA USANDU WA ZAMBI 1975

² Yunda yamonako umwe pwo, mwana wa Ka-Kanana jina lienyi Shua. Yamumbata, yanjila kuli iye.

Ubutukilo 38:2 Iomraidhean Croise

Ubutukilo 24:3

Ngunazange ulishinge ku meso ja Mwene Zambi ya lilu ni hashi ngwe, kuuchi kambachila mwanami pwo wa kuli Akanana wano natwama no.

Ubutukilo 28:1

Isake yatambika Yakoba, yamuwahisa, mba yamwamba ngwenyi: “Mwanami, kanda umbata pwo wa mu chifuchi chino cha Kanana.

Ubutukilo 3:6

Pwo yamona ngwenyi, mutondo uze unabeme, ni mihuko yawo nawa yinabeme ha kulia. Yanyonga nawa ngwenyi, chili chibema ha kubwa ni mana. Kashika yahela ko mihuko, yalia. Mba yahana Chihanda kuli lunga lienyi, lunga neye yalia.

Ubutukilo 34:2

Hamore, Kahive, te mwanangana wa chifuchi chize. Shekeme, mwana wa Hamore, hakumona Dina, yamukwata ni tachi mba yalimona nenyi.

Ubutukilo 46:12

Yuda hamwe ni ana jenyi a malunga: Shela, ni Pereze, ni Zera, (alioze Ere ni Onane yaafwila mu Kanana). Ana ja Pereze a maluanga wano: Hezrone ni Hamule.

Ubutukilo 6:2

Muze atu ja Zambi haamona ngwo, ana mapwo kaanabeme kuhiana, yaabutuka kulimbata ni waze azangile.

Ubutukilo 6:4

Ha matangwa waze, hanji chibwe kulutwe lia matangwa waze, hashi habwile atu ataluka. E atu waze yaasemuka kuli akwa mwilu ni ana mapwo ja atu. Te tushakulu a tachi kanda akwa lufuma.

2 Samuel 11:2

Limwe tangwa ha chingoloshi, mwanangana yakatuka ha muhela wenyi, yakanduka ha fulumba. Muze te anendangana ho, yamona umwe pwo kanasane. Te mubema kuhiana.

1 Sango Ja Mianangana 2:3

Ana ja Yuda a malunga wano: Ere, ni Onane, ni Shela, waze asemene ni Bateshua, mukwa Kanana. Mwanenyi mutangu Ere yabwa mubi kuhiana kashika Mwene Zambi yamushiha.

Kwalula 26:19

Vungu lia Yuda: majimo ja Shela, ni Pereze, ni Zera, ni Hezrone, ni Hamule. (Aali a kuli ana ja Yuda a malunga, Ere ni Onane, yaafwila mu chifuchi cha Kanana.)

2 Korintu 6:14

Kanda nulilema kanga yimuwika ni waze keeshi kufuliela, mumu ndako ngwe yize kuyishi kulita. Ngwe kuchi ululi muulichinga ni ubi? Ngwe kuchi Pangu mulihasa kubwa hamuwika ni milima?

Akwa Kuyula 14:2

Yahiluka ku mahienyi, yalweza tato ni naye ngwenyi: “Hinamona ummwe mwana pwo Kafilistia ku Timna. Ngwambishile ye, ngunazange kumumbata.”

Akwa Kuyula 16:1

Limwe tangwa Samsone yaya ku Gaza, limbo lia Afilistia. Yawana ko umwe pwo chitanji, yalimona nenyi.