Ubutukilo 38:10 - Mukanda Wa Zambi 1970

¹⁰ Chuma chize alingile yichibwa chibi ku meso ja Mwene Zambi, kashika neye, Zambi yamushiha.

MUKANDA USANDU WA ZAMBI 1975

¹⁰ Chuma chino alingile chapwile chipi kumeso ja Yehova mba yamushiha iye nawa.

Ubutukilo 38:10 Iomraidhean Croise

Ubutukilo 46:12

Yuda hamwe ni ana jenyi a malunga: Shela, ni Pereze, ni Zera, (alioze Ere ni Onane yaafwila mu Kanana). Ana ja Pereze a maluanga wano: Hezrone ni Hamule.

2 Samuel 11:27

Muze matangwa akulila haabalika, Mwanangana David yamutambika ku zuwo lienyi. Neye yabwa pwo lienyi, yasema nenyi mwana wa lunga. Alioze Chuma chize alingile mwanangana David, Mwene Zambi yachivwila kubiha.

1 Yitanga Ya Mianangana 17:20

Mba yalemba kuli Mwene Zambi ngwenyi: “Mwene Zambi, Zambi yami, mumu yika wayindamisa twamishi yono? Hanangutambula ku mahienyi, kuchi mba hiwashiha mwanenyi?”

1 Sango Ja Mianangana 2:3

Ana ja Yuda a malunga wano: Ere, ni Onane, ni Shela, waze asemene ni Bateshua, mukwa Kanana. Mwanenyi mutangu Ere yabwa mubi kuhiana kashika Mwene Zambi yamushiha.

1 Sango Ja Mianangana 21:7

Zambi yevwa kubiha mumu ha kwalula chize, kashika yamwesa Aisraele lamba.

Yishima 14:32

Yingulungulu kaakulimbuka mumu ha yitanga yo yibi, alioze umwenemwene wa akwa ululi kuwakwafunga.

Yishima 24:18

Mumu Mwene Zambi machimona, ni kechi kuchizanga; tangwa likwo kechi kumumwesa lamba.

Jeremia 44:4

Nanutuminyine tuvumbi twami akwa munanyi, waze te akunulongesa ngwo, kuchatambile kulinga Chuma chino chibi chize nakuvutwokela.

Hagai 1:13

Mba Hagai yalweza atu liji lia Mwene Zambi ngwenyi: “Mungubwa hamwe nenu, chino che chilakenyo chami.”

Kwalula 11:1

Atu yaabutuka kulinyenyeta kuli Mwene Zambi hakutwala ku lamba lio. Muze Mwene Zambi hachivwa, yevwa ufwatulo, yaatumina kahia. Yikalekwoka mukachi ko, yikonona songo limuwika lia musumba.

Kwalula 22:34

Balame ngwenyi: “Yami Havulumuna. Te Chanyingikine ngwami yena unamana mu jila ha kungukinda. Alioze haliabwila nyi Unanyongo ngwe, kuchalitele yami kuya, munguhiluka ku mahiami.”

Kwalula 26:19

Vungu lia Yuda: majimo ja Shela, ni Pereze, ni Zera, ni Hezrone, ni Hamule. (Aali a kuli ana ja Yuda a malunga, Ere ni Onane, yaafwila mu chifuchi cha Kanana.)

1 Samuel 2:25

Nyi mutu mavulumuna mutu ni mukwo, Zambi maamubatwila. Alioze nyi wavulumuna Mwene Zambi, iya mba mamuhakwila?” Hindu kaabanjikile ko liji lia tato, mumu te Mwene Zambi habatula twashiha.