Ubutukilo 37:8 - Mukanda Wa Zambi 1970

⁸ Ayayo ngwo: “Haa, puu! Unanyongo ngwe, muukatuyula, nyi? Hanji muukatuzeyesa, nyi?” Mba yaamunwa kuhiana ha chilota chize awile.

MUKANDA USANDU WA ZAMBI 1975

⁸ Ayayo yamba kuli iye ngwo, Te yena mukatuyula, nyi? Te mukatuzeyesa, nyi? Mba amuvwilile kole kuhiana nawa, mumu ha yilota yenyi ni maliji jenyi.

Ubutukilo 37:8 Iomraidhean Croise

Ubutukilo 27:41

Esau yevwila kole Yakoba ha kuwahisa chize amuwahishile kuli tato. Yalinyonga mu mbunge yenyi ngwenyi: “Kwasala hakepe tulile tata. Nyi kulila hichahwa mungukashiha Yakoba.”

Ubutukilo 37:4

Muze ayayo haamona chize tato te akuzanga Josefe kuhiana ayo, yaabutuka kumuvutwokela kuhiana. Kashika te keeshi kumuhanjikisa nawa ni zango.

Ubutukilo 37:9

Josefe yalota nawa chilota chikwo. Yachawila ayayo ngwenyi: “Namonanga tangwa, ni kakweji, ni matongonoshi kumi ni kashi kaananguhetamina.”

Ubutukilo 42:10

Ayo ngwo: “Ka, mwanangana. Yetu ndungo jenu kutweza ni kulanda yakulia.

Ubutukilo 44:18

Yuda yakundama kuli Josefe, yamba ngwenyi: “Vulie mwanangana! Nyi nunatayiza, nguli ni maliji akuhanjika ni yenu. Kanda nutenuka mwanangana, yenu nuli ngwe mwe mwanangana.

Ubutukilo 49:26

ni yiwape ya yakulia ni yitemo, ni yiwape ya milundu yikulu, ni yiwape ya mindundena ya miaka yeswe. Yiwape yino yeswe yibwe niye, yena yoze ahandunwine kuli ayayo.

Ubutukilo 50:18

Mba e ayayo yeeza ni kufulamana ku meso ja Josefe. Yaamba ngwo: “Talenu, yetu tuli ndungo jenu.”

Miaso (Masamu) 118:22

Liwe lize alitunyine tungi, hiliabwa liwe lia mu mbango lize hakolesa zuwo.

Kutuhuka 2:14

Mwe lunga yamukumbulula ngwenyi: “Iya wakupwishile mukwa kutuyula hanji ngaji mukachi ketu? Kuchi, unazange kungushiha ngwe chize unakashiha mukwa Egiptu zau, nyi?” Mose yevwa woma, yalihanjikisa ngwenyi: “Mamee, kuma Chuma chino haachinyingika.”

Luka 19:14

Alioze atu ja mu chifuchi chenyi yaamuvutwokela, yaatuma tunganda kunyima lienyi ni kumwamba ngwo: ‘Kutusolo mutu yono kubwa mwanangana wetu.’

Luka 20:17

Yesu yaatala nee, yahula ngwenyi: “Maliji wano a mu Mukanda wa Zambi kuchi analumbunuka? Ngwo: ‘Liwe lize alitunyine tungi hiliabwa liwe lia mu mbango, lize liakolesa zuwo.’

Yilinga 7:35

“Yono mwe Mose yoze Aisraele alitunyine ngwo: ‘Ena, iya wakupwishile ngaji ni mukwa kutuyla?’ Mwenawo atumine Zambi kuli kanganda ka mwilu yoze wamusolokelelele mu chibuta ha kubwa mukwa kuyula ni mukwa kukula:

Shimbi 33:16

Chifuchi cho chizale ni yuma yeswe yibema. Chiwahe ni utu wa Mwene Zambi, yoze wahanjikile mu chibuta cha kahia. Awahise kama vungu lia Josefe ni yiwape yino, mumu iye mwe wabwile kasongo mukachi ka ayayo.

Hebreu 10:29

Mutu yoze wakulelesa Mwana Zambi ni kupwisa manyinga a Usendo wa Zambi aze amubemesene ngwe Chuma chamokomoko, ni kushililika Mwiku wa Linanga wa utu, Zambi kuchi makamulinga? Nyingikenu ngwenu, makamumwesa lamba liahiana.

1 Samuel 10:27

Alioze amwe atu amokomoko yaamba ngwo: “Yono ngwe kuchi mahasa kutulamwina?” Yaamulelesa, yaamumina milambu.

1 Samuel 17:28

Yayo wa mukulwana, Eliabe, yevwa yize te David anahanjika ni tujita. Yatenukina David ngwenyi: “Yika unakakaula kuno? Neya wahichika chendo che chikepe cha mapanga mu puya? Ngunanyingika kulengumuka che ni uhuka wa mbunge ye. Hiweza lume nikutala jita.”

1 Samuel 18:8

Liji lino Saulu yalivwila kubiha, yatenuka, yamba ngwenyi: “David haamwaha makumi a tununu, alioze yami haapa tununu wika. Chika chamusala? Ngwami, wanangana wika.”