Ubutukilo 37:4 - Mukanda Wa Zambi 1970

⁴ Muze ayayo haamona chize tato te akuzanga Josefe kuhiana ayo, yaabutuka kumuvutwokela kuhiana. Kashika te keeshi kumuhanjikisa nawa ni zango.

MUKANDA USANDU WA ZAMBI 1975

⁴ Muze ayayo hamona chize tato kanamuzange kuhiana ayayo eswe, amuvwilile kole. Kahashile kuhanjika nenyi ni sambukila.

Ubutukilo 37:4 Iomraidhean Croise

Ubutukilo 27:41

Esau yevwila kole Yakoba ha kuwahisa chize amuwahishile kuli tato. Yalinyonga mu mbunge yenyi ngwenyi: “Kwasala hakepe tulile tata. Nyi kulila hichahwa mungukashiha Yakoba.”

Ubutukilo 37:11

Ayayo ya Josefe yaamuvwila ukwa kuhiana, alioze tato yafunga yilota yize mu mbunge yenyi.

Ubutukilo 37:5

Limwe tangwa Josefe yalota chilota, yachawila ayayo. Kashika yamuvutwokela kuhiana hatangu.

Ubutukilo 4:5

alioze Kene yamumba nyima ni we mulambu wenyi. Kashika Kene yevwa ufwatulo, yanyakana ku meso.

Ubutukilo 49:23

Akwa kole kaakufupa kumushiha, kaakumuhanga ni mata jo akwasa.

Miaso (Masamu) 38:19

Akwa kole jami kaali ni tachi jinji, anji akunguvutwokela chamokomoko.

Miaso (Masamu) 69:4

Atu waze akunguvwila kole yamokomoko kaanahiana kwoka kambu ja ku mutwe wami. Akwa kole jami kaanahanjika mahuza hali yami; kaali ni tachi, kaakuzanga kungushiha. Ku tachi jo yinguhilwisa yuma yize cheyile ko kwami.

Jeremia 12:6

Chibwe ayayenu, akwa jiko lia yena mwene, haanakukunjika, haanalishingi kulimika ni yena. Kanda waafuliela, chibwe maahanjika ni yena maliji a kubebieka.”

Marku 3:25

Nyi akwa limwe jiko maalihandununa ene, jiko lize mulikafwa.

Titu 3:3

Mumu ni yetu nawa, twabwile yihepuke, yihulia, akwa kupianguka. Twabwile ndungo ku usolo ubi ni ku uwahililo weka ni weka. Twabwile akwa shili ni akwa lufwachinda, ni kulivwila kole umwe ni mukwo.

1 Yoano 2:11

Alioze yoze wakuvutwokela mukwo kali mu milima. Kakwenda mu milima. Keshi kunyingika kuze anayi, mumu milima hiyinapupuchisa meso jenyi.

1 Yoano 3:10

Kulituchika mukachi ka ana ja Zambi ni ana ja Sakwonga chakubwa ngwe chino, yoze keshi kulinga ululi, chibwe keshi kuzanga mukwo, hi mwana wa Zambi ko.

1 Yoano 3:12

Kuchatambile kubwa ngwe Kene, mutu wa kuli mwe Chingulungulu, yoze washihile mwanakwo. Ha chikuma chika amushihilile? Mumu te kakulinga yibi, alioze mwanakwo te kakulinga yibema.

1 Yoano 4:20

Nyi mutu kanambe ngwenyi: “Nakuzanga Zambi,” hindu kakuvutwokela mukwo, kali mukwa mahuza. Mumu yoze keshi kuzanga mukwo yoze akumona, kahashile kwenyi kuzanga Zambi yoze kanda achimona kama.

1 Samuel 17:28

Yayo wa mukulwana, Eliabe, yevwa yize te David anahanjika ni tujita. Yatenukina David ngwenyi: “Yika unakakaula kuno? Neya wahichika chendo che chikepe cha mapanga mu puya? Ngunanyingika kulengumuka che ni uhuka wa mbunge ye. Hiweza lume nikutala jita.”