Ubutukilo 37:34 - Mukanda Wa Zambi 1970

³⁴ Yakoba yachanuna mahina jenyi, yazala mwanji, mumu ha chinyengo chenyi. Yalila mwanenyi matangwa anji.

MUKANDA USANDU WA ZAMBI 1975

³⁴ Yakomba yapula mazalo jenyi, yalijichika chikeleyi, walishimwokene matangwa anji hali mwanenyi.

Ubutukilo 37:34 Iomraidhean Croise

Ubutukilo 37:29

Muze Rubene hahiluka kwe ku wina, kuwana Josefe keshimo, yachanuna mahina jenyi mumu ha chinyengo.

Ubutukilo 42:38

Alioze Yakoba ngwenyi: “Mwanami kunwahashile kuya nenyi. Yayo hanafu, shina iye lume nasala nenyi. Yami nguli kashinakaji, nyi Chuma chibi muchimuwana mu jila, kumungufwa kwami ni yinyengo.”

Ubutukilo 44:13

Ha kuchimona, ayayo yaachanuna mahina jo mumu ha yinyengo. Yaakashila yuma hali yimbulu, yaahiluka mu limbo.

2 Samuel 1:11

Hohene David yatanuna mahina jenyi ni chinyengo, ni malunga waze abwile ko no eswe yaalinga chizechene.

2 Samuel 3:31

Mba mwanangana David yambila mwata Joabe ni atu jenyi atanune mahina jo, azale mianji, hanga alile mwata Abnere. Muze te anayi ni kumufunda mwanangana David iye mwene yakaula kunyima lia muhango.

1 Yitanga Ya Mianangana 20:31

Akwa kuyula jenyi yaamwamba ngwo: “Twakwivwa ngwo, mianangana ja Aisraele kaali akwa keke. Tutayize tuzale mianji ni mihipu yakujingilika mu makota jetu, tuye kuli mwanangana wa Israele hanji keechi kutushiha.”

1 Yitanga Ya Mianangana 21:27

Muze Ahabe hevwa maliji waze, yatanuna mahina jenyi, yaazula, yazala mwanji, yalitwamina kulia, yabomba ha mwanji, yendangana ni chinyengo kuhiana.

1 MIANANGANA 19:1

Muze mwanangana Hezekia hevwa sango jino, yatanuna mahina jenyi ni chinyengo, yazala mwanji, yaya mu zuwo lia Mwene Zambi.

1 MIANANGANA 2:12

Elisha yachimona, yakololoka kuli Eliya ngwenyi: “Tata, tata! Chitunda, hako ya Aisraele! Kuunayi!” Hikamumwene ko nawa. Elisha yevwa chinyengo, yatanuna kazaku kenyi mu yihanda yaali.

1 MIANANGANA 22:11

Muze mwanangana hevwa maliji a we mukanda yatanuna mahina jenyi ni kubihilila.

1 Sango Ja Mianangana 21:16

Mwanangana David yamona kanganda kanamana mu tetela, kanakwata mukwale, himashiha akwa Yerusaleme. Mwanangana ni miata ja Aisraele te haazala kulu mianji. No yaafulamana.

1 Sango Ja Mianangana 7:22

Tato Efraime yanenganyana matangwa anji mumu hali ayo; ana akwo yeeza ni kumulembejeka.

Nehemia 9:1

Ha kakweji yoze mwene ha tangwa ha makumi aali ni awana, Aisraele yaakunguluka ni kulitwamina kulia nikusolola chinyengo cha milonga yo. Te haanalihandununa kulu kuli yilambala eswe. Yaazala mianji ni kulimwangina uto ha mitwe yo nikusolola yinyengo yo. Mba yaakatuka, yaabutuka kushikisa milonga yo ni yize ya tushakulu two.

Jobe 1:20

Jobe yakatuka, yatanuna nahina jenyi ni chinyengo. Yatewula kawewe, yafulamana,

Jobe 16:15

Ngunalili, hinazala mwanji, hinatwama ha uto, tachi jakuhi.

Jobe 2:12

Shimbu te achili kusuku, yaamumona, alioze kaamunyingikine ko. Muze haamunyingika, yaabutuka kulila, yaatanuna mahina jo, yaatakumuna fufuta kwilu ni ha mitwe yo ni chinyengo.

Miaso (Masamu) 69:11

Muze nakuzala mwanji, atu kaakunguseha.

Izaya 32:11

Hinunayuku, te kunushi yibikalo. Alioze haliabwila, hichikimenu ni woma! Zulenu mahina jenu lifukulenu, nuzale mianji mu zalilo jenu.

Izaya 36:22

Henaho Eliakime, ni Shebna, ni Joa yaatanuna mahina jo ni chinyengo, yaatwala sango kuli mwanangana Hezekia jize ahanjikile mwata wa tujita wa Asuria.

Jeremia 36:24

Alioze mwanangana chibwe akwa kuyula waze evwile maliji waze eswe keevwile ko woma hanji chinyengo.

Jeremia 48:37

Ayo eswe haatewula tuwewe, haakamba wevu wo. Haalilemieka ha moko jo, eswe haazala mianji.

Joele 2:13

Kanda nutanuna mahina jenu; alioze Sololenu yinyengo ya mu mbunge.” Hilukenu kuli Mwene Zambi, Zambi yenu, mukwa utu ni mukwa keke. Kali chihumikiji, kakumanununa yilakenyo yenyi; matangwa eswe kakululika kukonekena, hi kumwesa ko lamba.

Mateu 11:21

Yaamba ngwenyi: “Lamba lienu akwa Korazine, lamba lienu akwa Betsaida! Mumu, nyi yipupu yize alingile muli yenu, ayilingile nawa mu Tiru ni Sidone, kachi atu jamo te haanazala kulu mwanji ni kulikwita uto ha kulweza ngwo, haanalumuka ku mbunge.

Mateu 26:65

Hohene mwata wa mahako yatanuna mahina jenyi nikwamba ngwenyi: “Hashililika Zambi! Mba kuchi tunafupu nawa yela akwo? Hinwevwa kushililika chenyi.

Yilinga 14:14

Alioze muze Barnaba ni Paulu haachivwa, yaatanuna mahina jo, yaazomboka kuli atu nikukololoka ngwo:

Yoshua 7:6

Mba Yoshua ni makulwana ja Aisraele yaasonya mahina jo, yaafulamana hashi kulutwe lia mushete wa Usendo wa Mwene Zambi, yaalimwangina fufuta ha mitwe ni kusolola chinyengo cho, yaahetamina hashi ndoo chingoloshi.

Usolwelo 11:3

Mungukatuma yela jami aali, kaanazala tuku. Maakahanjika munanyi ha matangwa waze kanunu ni kulakaji jaali ni makumi asambano.”

Akwa Kuyula 11:35

Muze hamona mwanenyi, Jefta yatanuna mahina jenyi ni kubihilila ngwenyi: “Lwangu mama, mwanami! Wangusutula mbunge! Kuchi mungulinga ha lamba lino hiwangukokela? Hingunalishingi kuli Mwene Zambi, chahashile kulishingulula!”