Ubutukilo 37:27 - Mukanda Wa Zambi 1970

²⁷ Chinalite tumulanjise kuli Aishmaele wano, alioze kanda tumulemeka mumu kali mwanakwetu, tuli akwa mujingwa umuwika.” Akwo yamutayiza.

MUKANDA USANDU WA ZAMBI 1975

²⁷ Tumulanjisenu kuli A-Ishemali alioze kanda tumushiha yetu mumu iye mwanakwetu, musunya wetu. Mba ana-akwo yapanjika kuli iye.

Ubutukilo 37:27 Iomraidhean Croise

Ubutukilo 29:14

Labane yamwamba ngwenyi: “Ewa chamwenemwene tuli mujingwa unuwika.” Yakoba yatwama kakweji umuwika mu zuwo lia Labane.

Ubutukilo 37:22

Kanda numushiha. Mumbilenu kama tuhu mu wina uno mu puya, alioze kanda numulemeka.” Yamba chino ha kulamwina Josefe ni kumuhetesa nawa kuli tato.

Ubutukilo 42:21

Yaalihanjikisa ngwo: “Chamwenemwene mwanakwetu chibi twamulingile. Tunanyingika chize alinyengene ku meso jetu, alioze yetu kutwamuvwilile keke muze aliondelele kuli yetu. Kashika lamba lino hiliatuwana.”

Ubutukilo 50:20

Yenu nwalivwishile ha kungulinga yibi, alioze yibi yize Zambi hanayipwisa yiwape ya kulamwina atu anji waze ali ni mwono musono.

2 Samuel 12:9

Mba kuchi kevwe wakolema Shimbi jami? Mumu yika hiwalinga chibi chino? Hiwashiha Uria mu jita, hiwamukunjika kuli Aamone akamushihe, hiwatambula pwo lienyi.

Nehemia 5:5

Alioze yetu eswe tuli Ayuda. Kuma ana jetu hi abema ko ngwe ana jo, nyi? Hindu hitwahana ana jetu mu undungo. Ana jetu a mapwo amwe haabwa ndungo. Mama lambe! Kutwahashile kulinga nichimwe mumu minda yetu ya yakulia ni ya vinyu haanayitambula.”

Nehemia 5:8

yingwamba ngwami: “Ni tachi jeswe jize twabwile najo hitunakulu usoko wetu Ayuda waze abichiwile kuli yilambala. Kuma nunashinjika nawa akwenu alilanjise kuli usoko wo Ayuda, nyi?” Miata yaahola kuluu, kaanyingikine chize maamba.

Kutuhuka 21:16

“Mweswawo makwata mukwo ni kumulanjisa hanji kutwama nenyi, akamushiha.

Kutuhuka 21:21

Alioze, nyi mwe ndungo wabomba tangwa limuwika hanji matangwa aali mba mafwa, kako kanda amumwesa lamba, mumu kuuli ubite wenyi.

Mateu 16:26

Mutu chika mafumbula nyi mabita hashi heswe, alioze makatokesa mwono wenyi? Mutu chika mahasa kuhana ha kuyuka nawa mwono wenyi?

Mateu 26:15

yaahula ngwenyi: “Yika munungwaha nyi mungunukunjika Yesu?” No yaalula makumi atatu a mbongo, yaamwaha jo.

1 Timoteu 1:10

ni yitanji, ni akwa utumwa, ni akwa kukwata atu ha kuya ni kwalanjisa, ni akwa mahuza, ni akwa kulishinga ni mahuza, ni waze akulituna longeso liamwenemwene.

Usolwelo 18:13

ni yakulia yiyema ngwe kanela ni mulungo, ni yitumbo ya vumba libema yeka ni yeka, ni vinyu, ni maji, ni wunga, ni tiriku, ni ngombe, ni mapanga, ni tuvwalu, ni matemba, ni ndungo, ni miono ya atu nawa.

1 Samuel 18:17

Saulu yambila David ngwenyi: “Nyi muukabwa chitakame ni mukwa kushishika ha kwashila Mwene Zambi jita, mungukakwaha Merabe mwanami wa mukulwana akabwe pwo lie.” (Saulu yanyonga ngwenyi, Chenacho Afilistia maakashiha David, hi yami ko.)