Ubutukilo 37:26 - Mukanda Wa Zambi 1970

²⁶ Mba Yuda yambila akwo ngwenyi: “Nyi twashiha mwanakwetu mba twachisweka, che mutwanda ho chika?

MUKANDA USANDU WA ZAMBI 1975

²⁶ Yunda yamba kuli ana-akwo ngwenyi, Nyi mutushiha mwanakwetu nikusweka manyinga jenyi yika mutufumbula?

Ubutukilo 37:26 Iomraidhean Croise

Ubutukilo 25:32

Esau ngwenyi: “Ngunafu ni zala, uswana chika muungukwasa?”

Ubutukilo 37:20

Tumushihenu, tumumbile mu umwe wina hano. Ha chino mutukambulula ngwetu, ngongo hamulia. Mba tumone yilota yenyi chize muyibwa.”

Ubutukilo 4:10

Mwene Zambi ngwenyi: “Kuchi walinga? Banjika! Liji lia mwanakwenu mu mavu linakololoka kuli yami ha kumukafa.

Ubutukilo 4:9

Mwene Zambi yahula Kene ngwenyi: “Mwanakwenu kuli ali?” Kene ngwenyi: “Chanyingikine. Yami nguli kafunga ka mwanakwetu, nyi?”

Ubutukilo 40:15

Haanangwiyi mu chifuchi cha Ahebreu. Chibwe muno mu Egiptu, mu zuwo lino nguli mwe mwashili malaa, chalingile kwami chibi nichimwe.”

Ubutukilo 42:21

Yaalihanjikisa ngwo: “Chamwenemwene mwanakwetu chibi twamulingile. Tunanyingika chize alinyengene ku meso jetu, alioze yetu kutwamuvwilile keke muze aliondelele kuli yetu. Kashika lamba lino hiliatuwana.”

Ubutukilo 50:20

Yenu nwalivwishile ha kungulinga yibi, alioze yibi yize Zambi hanayipwisa yiwape ya kulamwina atu anji waze ali ni mwono musono.

2 Samuel 1:16

David yambila mwe mukwa Amaleke ngwenyi: “Kufwa chino chili mulonga wa yena mwene, mumu washindakenya kushiha mwanangana yoze Mwene Zambi hanawayisa maji.”

Jobe 16:18

Mavu kanda usweka manyinga jami! Kanda aholesa kulila chami!

Miaso (Masamu) 30:9

Chika muuyuka ha kufwa chami? Nyi nafwa, chika muwanda ho? Afu maahasa kukuchichimieka, nyi? Maahasa kwambujola utu we Wahiana, nyi?

Jeremia 36:25

Elnatane, ni Delaya, ni Gemaria yaalembela mwanangana alitwamine kwocha mukanda, hindu kaabanjikile ko.

Jeremia 41:8

Alioze yikubwa malunga kumi mu mbunga waze ahanjikile kuli Ishmaele ngwo: “Twalemba mwane, kanda nutushiha mwane! Tuli ni tiriku, ni masa, ni maji a olive, ni wuchi yakusweka mu minda.” Kashika kaashihile ko.

Ezekiel 24:7

Atu yaashiha atu akwo mu limbo, alioze e manyinga kaamwanganyine ko kuze mutu mahasa kwashikila, yaamwanganyina ha mawe.

Mateu 16:26

Mutu chika mafumbula nyi mabita hashi heswe, alioze makatokesa mwono wenyi? Mutu chika mahasa kuhana ha kuyuka nawa mwono wenyi?

A-ROMA 6:21

Mba mihuko yika nwabwile nayo ha kulinga yuma yize haliabwila nunayivwila sonyi? Songo lia yuma yize, kufwa.

Shimbi 17:8

“Yisuho yikwo mukukabwa chimwe chikuma chikalu chize ngaji a mu yihunda kaahashile kubatula, ngwe chikuma cha yikumba, hanji cha kulemeka, hanji cha kushiha mutu. Nyi chabwa Chenacho, chanutamba kuya homa hamuwika ha kuwayila haze Mwene Zambi, Zambi yenu, makatongola,