Ubutukilo 37:25 - Mukanda Wa Zambi 1970

²⁵ Mba ayayo yaatwama hashi ni kulia. Susumuku yaamona mukana wa atu, Aishmaele, kaaneza. Te kaanakatuka ku chifuchi cha Gileade, ni kuya ku chifuchi cha Egiptu. Ha tumelu two kaanambata yuma yeka ni yeka ngwe ndundu, ni maji a vumba libema, ni ndungu.

MUKANDA USANDU WA ZAMBI 1975

²⁵ Yatwama nikulia mba ha kuhetula meso jo yamona chendo cha A-Ishemali anakatuka ku Ngiliate ni tumelu two. Kanambata mbuto yipema, ni yitumbo, ni mira. Kanatalikisa ku Engitu.

Ubutukilo 37:25 Iomraidhean Croise

Ubutukilo 31:23

Labane yanda usoko wenyi, yakaula Yakoba matangwa shimbiali, mba yamuwana ha milundu ya Gileade.

Ubutukilo 37:24

yaamwanda, yaamumbila mu wina. Wina uze te kuushi meya.

Ubutukilo 37:28

Muze amwe akwa kulanjisa, Amidiane, abalikile ho, yaamutuhwisa mu wina, yaamulanjisa kuli Aishmaele ni ndando ya makumi aali a mbongo ja prata. Mba e Aishmaele yaamutwala ku Egiptu.

Ubutukilo 37:36

Muze Amidiane haaheta ku Egiptu, yaalanjisa Josefe kuli Potifare, kavumbi ka mwanangana, kanda mwata wa tulayi a ku zuwo lia wanangana.

Ubutukilo 39:1

Aishmaele yaatwala Josefe ku chifuchi cha Egiptu. Kwenako Potifare, Kaegiptu, mwata wa tujita waze akufunga zuwo lia mwanangana, yamulanda.

Ubutukilo 43:11

Mba tato Israele yaamba ngwenyi: “Nyi chenaacho, kuheshi Chuma. Lingenu chino, andenu yuma yibema ya mu chifuchi chetu, ndundu, ni wuchi, ni ndungu, ni maji a vumba libema, ni mikeshi, nuyise mu tuku jenu, nukamwehe lunga yoze milambu.

Estere 3:15

Nikulita ni liji lia mwanangana, Shimbi yize atu eswe mu limbo lia wanangana mu Shushane yaayinyingika, ni tunganda yaayitwala mu chifuchi cheswe. Mwanangana ni Hamane yaatwama ni kunwa vinyu, alioze atu a mu limbo yaalibikala.

Miaso (Masamu) 14:4

Mwene Zambi kanambe ngwenyi: “Yivulumunyi wano, kuma keeshi kunyingika nichimwe, nyi? Milimo yo shina kwiya yuma ya atu jami, keeshi kunguwayila nichimwe.”

Miaso (Masamu) 83:6

Aedome, ni Aishmaele, ni Amoabe, ni Ahagre

Yishima 30:20

Pwo chitanji, kakulinga ngwe chino: malinga utanji, masana, mba mamba ngwenyi: “Chalingile kwami chibi nichimwe!”

Mwaso Ubema Wahiana 5:1

Nandungi yami kanda ndumbwami, hinanjila mu munda wami. Ngunakungika mira ni yuma yami yikwo ya vumba libema; ngunali wuchi ni ye yibuta yami; ngunanu vinyu ni yamwa yami. Akwetu a zango, lienu, nwenu, ndoo ni muze hinwabwa ni zango liahiana.

Jeremia 22:6

“Kuli yami, zuwo lia wanangana lia Yuda lili libema ngwe chifuchi cha Gileade, ngwe milundu ya Libano; alioze mungulipwisa liamokomoko kuze mutu niumwe kahashile kutwama.

Jeremia 46:11

Yenu akwa Egiptu, yenu ku Gileade, nufupe yitumbo! Yitumbo yenu yeswe yili yamokomoko; kuyahashile kunuwuka.

Jeremia 8:22

Kuma mu Gileade yitumbo kuyishimo, nyi? Chibwe mbuki keeshimo, nyi? Kuchi mba, atu jami kaawukile ko?

Ezekiel 47:18

“Njiza ya ku sali lia chivumbuko yinakatuka homa hamwe mukachi ka chifuchi cha Damasku ni cha Haurane ni kutalikisa ku sude nikukaula lwiji Yordau, chifuchi cha Israele ku sali lia chitokelo ni chifuchi cha Gileade ku sali lia chivumbuko, njiza yinayi ku sude ndoo ni ku Tamare ku mbumbulu ya chitende cha Kufwa?

Amose 6:4

Lamba lienu waze nwakubomba ha mihela ya mazo a njamba ni kuliolola, ni kulia ana mapanga ni yimbembe a ngombe!

Amose 6:6

Nwakunwa vinyu mu misenge yinene yinene, nwakulikwita maji a lupembo mubema, alioze kunushi kwivwa kubihia hakutwala ku kwonona cha Aisraele.

Yoshua 13:11

Yichilitanda mu chifuchi cha Gileade, ni ya Geshure ni Maka, ni mulundu weswe wa Hermone, ni chifuchi cheswe cha Bashane ndoo ku Saleka.