Ubutukilo 37:2 - Mukanda Wa Zambi 1970

² Jino je sango ja akwa jiko lia Yakoba. Muze Josefe habwa ni miaka kumi ni shimbiali, iye ni ayayo te kaakufunga yimuna. E ayayo te ana ja Bila ni Zilpa, mapwo ja tato. Josefe yalweza tato yibi yize te akulinga ayayo.

MUKANDA USANDU WA ZAMBI 1975

² Chisemuko cha Yakomba, chino; José, te kali ni kumi lia miaka ni miaka shimbiali, walishile mapanga hamwe ni ayayo. Iye wapwile kanuke hamwe ni ana ja Mbila ni ana ja Zelupa, mapwo ja tato. José wahetesele lufuma wo mupi kuli tato.

Ubutukilo 37:2 Iomraidhean Croise

Ubutukilo 10:1

Wano e mavungu ja ana ja Noa a malunga, Sheme ni Hame ni Jafete. Muze sanga lia meya hiliahwa yaasemasema ana a malunga.

Ubutukilo 2:4

Chenacho Mukulu Zambi atangile yuma yeswe. Muze Mwene Zambi atangile lilu ni hashi,

Ubutukilo 30:4

Chenacho Rashele ahanyine ndungo yenyi kuli lunga lienyi. Neye yalimona nenyi.

Ubutukilo 30:9

Leya, muze hamona ngwenyi, kasemene nawa, yanda ndungo yenyi Zilpa, yamwaha yo Yakoba.

Ubutukilo 35:22

Muze Israele te anatwama mu chifuchi chize, mwanenyi Rubene yalimona ni Bila, umwe pwo lia tato, mba tato yachinyingika. Yakoba yabwa ni ana kumi ni aali a malunga.

Ubutukilo 42:8

Josefe yanyingika ayayo, alioze ayo kaamunyingikine ko.

Ubutukilo 45:6

Uno we mwaka wa muchaali wa zala yinji. Kwasala nawa miaka yitano, yize atu keechi kulima chibwe keechi kubatula mbuto.

Ubutukilo 46:34

Chanutamba kwamba ngwenu: ‘Mwanangana, chize ku ukweze wetu milimo yetu kufunga yimuna, ngwe chize te akulinga akaka.’ Nyi nwamba Chenacho mba munubwa nikutwama mu Goshene.” Chino Josefe yachamba mumu akwa Egiptu te keeshi kuzanga tufunga twa yimuna.

Ubutukilo 5:1

Wano e majina ja vungu lia Samutu. (Muze Zambi atangile atu, yaatanga ni kulifwa nenyi.

Ubutukilo 6:9

Jino je sango ja Noa. Noa yasema ana atatu a malunga: Sheme, ni Hame, ni Jafete. Noa te keshi kapalia, yalivwa ni Zambi. Shina iye wabwile mukwa ululi ha miaka yenyi, atu akwo eswe abwile abi ku meso ja Zambi. Vunda ni kwonona yiimwangana mwamwaa hashi heswe.

Yoano 7:7

Akwa hashi kaahashile kunuvutwokela, alioze yami kaakunguvutwokela mumu nakwashindakenya ngwami, yitanga yize akulinga yili ya ungulungulu.

1 Korintu 1:11

Mumu atu ja ku zuwo lia Kloe haanangunyingikisa ngwo, kulihangujola chili hakachi kenu akwetu.

1 Korintu 11:18

Chikuma chitangu, hingunevu ngwo, muze nwakulikungulula hamuwika mu Chikungulwila, nwakulihandununa. Kota ni yami ngunachifuliela.

1 Korintu 5:1

Atu eswe kaanachambulula ngwo, utanji uli hakachi kenu, utanji ngwe uze keeshi kuulinga chibwe hakachi ka waze hi akwa Kristu ko. Mumu kaanambe ngwo, umuwika hakachi kenu kali ni pwo lia tato.