Ubutukilo 36:6 - Mukanda Wa Zambi 1970

⁶ Esau yanda mapwo jenyi, ni ana jenyi a malunga ni a mapwo, ni atu eswe a mu zuwo lienyi, ni yimuna yenyi, ni yuma yeswe yize abichile mu chifuchi cha Kanana, yahichika mwanakwo Yakoba, mba yaya ku chifuchi chikwo.

MUKANDA USANDU WA ZAMBI 1975

⁶ Esau yatwala mapwo jenyi, ni anenyi a malunga, ni anenyi a mapwo, ni atu eswe a zuwo lienyi, ni ngombe, ni yimuna jenyi eswe, ni yikwata yenyi yeswe yize apichile mu chifuchi cha Kanana, yaya ku chifuchi chikwo kusuku ni mwanakwo Yakomba.

Ubutukilo 36:6 Iomraidhean Croise

Ubutukilo 12:5

Yanda mukwo pwo Sarai ni Lote, mwana wa mwanakwo, yanda nawa ubite weswe ni ndungo eswe waze abichile mu Harane. Mba yaakatuka, yaaya ku chifuchi cha Kanana. Muze haaheta ku Kanana,

Ubutukilo 13:11

Lote yalitongwela chana cheswe cha Yordau, yakatuka, yatalikisa ku chivumbuko. Chenacho Abrama ni Lote alihandunwine.

Ubutukilo 13:6

No kaahashile ko kutwama hamuwika mumu te chifuchi chikepe ni yimuna yo yinji.

Ubutukilo 17:8

Yena uli njize mu chifuchi chino musono, mungukwaha cho yena ni vungu lie. Chifuchi chino cheswe cha Kanana muchikabwa niche ndoo ku miaka yeswe, mungukabwa Zambi yo.”

Ubutukilo 25:23

Neye yamukumbulula ngwenyi: “Mavungu aali ali mu jimo lie. Muukasema mavungu aali waze maakalitachika. Vungu limuwika maakabwa ni tachi kuhiana likwo. Vungu lia mukulwana maakalingila vungu lia kanuke.”

Ubutukilo 28:4

Akakuwahise yena ni vungu lie ngwe chize awahishile Abrahama. Akakwehe chifuchi chino cha ungeji we chize ahele Abrahama, ukatwame mo.”

Ubutukilo 32:3

Yakoba yatuma tunganda kuli yayo Esau. Mwe Esau te katwama ha mulundu wa Seire mu chifuchi cha Edome.

Ubutukilo 36:5

Ohilibama yasema Yeushe ni Yalame ni Kora. Wano eswe kaali ana malunga waze Esau asemene mu chifuchi cha Kanana.

Ezekiel 27:13

Yena wasepele yuma ye ni atu a ku yifuchi ya Gresia ni Tubale, ni Mesheke ni kusumbakenya ndungo ni yuma ya unengu.

Usolwelo 18:13

ni yakulia yiyema ngwe kanela ni mulungo, ni yitumbo ya vumba libema yeka ni yeka, ni vinyu, ni maji, ni wunga, ni tiriku, ni ngombe, ni mapanga, ni tuvwalu, ni matemba, ni ndungo, ni miono ya atu nawa.