Ubutukilo 35:5 - Mukanda Wa Zambi 1970

⁵ Muze Yakoba ni ana jenyi te anayi mu jila, akwa membo waze akusulangana yeevwa woma unji, kaakawile ko.

MUKANDA USANDU WA ZAMBI 1975

⁵ Chocho yaya, mba woma wunji wapwile ha membo eswe a kwajingilika. Kakawile ana ja Yakomba.

Ubutukilo 35:5 Iomraidhean Croise

Ubutukilo 34:30

Yakoba yambila Simeone ni Levi ngwenyi: “Yitela nwangukokela, mungubwa ni lufuma mubi. Akanana ni Aperize kumanguvutwokela kwami. Chishi kwami ni atu anji. Nyi atu wano maalichinga ha kwiza ni kwasa jita ni yami, kumangushiha hamwe ni akwa zuwo liami eswe.”

Ubutukilo 35:4

Mba yaamwaha Yakoba mahamba eswe a yilambala waze abwile no, yaamwaha nawa yingeliengelie ya ku matwi yize te akuzala. Yakoba yayivumbika mushi lia mutondo shene uze wabwile hakamwihi ni limbo lia Shekeme.

2 Sango Ja Mianangana 14:13

Mwanangana ni tujita twenyi yaazombwesa ndoo ni ku limbo lia Gerare. Asudane anji yaafwa, te kaahashile ko nawa kuhamika. Tujita twa Asudane akuwile ni ndundo ja Mwene Zambi ni tujita twenyi. Tujita twa Yuda yaabuba yuma yinji.

2 Sango Ja Mianangana 14:14

Yaabuzula membo waze te ajingilika Gerare, mumu atu jako yeevwila Mwene Zambi woma. Yaabuba yuma ya mu membo waze eswe, yaambata ubite unji.

2 Sango Ja Mianangana 17:10

Mwene Zambi yeevwisa woma mianangana eswe waze te ajingilika chifuchi cha Yuda, te kaazangile kwasa jita ni mwanangana Yehosafate.

Miaso (Masamu) 105:14

Alioze Zambi katayijile ko niumwe kwahungumiona, yakanyamisa mianangana ngwenyi:

Miaso (Masamu) 14:5

Alioze kumaakevwa mwongo kuhiana, mumu Zambi kali hamwe ni waze akumwononokena.

Kutuhuka 23:27

“Mungukevwisa mwongo akwa kole jenu, waze nwakuzwela no. Mungukaapwisa, mungukaahilwisa kunyima, no kumaakanuchina.

Kutuhuka 34:24

Kulutwe, muze hinahuma mavungu eswe ku meso je, ni muze hinatohwesa chifuchi che, mutu niumwe kechi keseka kukumba chifuchi che ha yiwanyino yino yitatu.

Shimbi 11:25

Kweswako munukaya mu chifuchi chize, atu jako Mwene Zambi, Zambi yenu, makeevwisa mwongo mumu hali yenu, ngwe chize hanalakenya. Niumwe kechi kanukwika.

Shimbi 2:25

Chize musono, atu eswe a ku yifuchi yeswe mungwevwisa woma mumu hali yenu. Eswe kumaakachikima ni woma ha kwivwa jina lienu.’ ”

Yoshua 5:1

Mianangana ja Aamore eswe waze te atwama ku chitokelo cha Yordau ni mianangana ja Akanana eswe waze te atunga ku kalunga lwiji Mediterane yeevwa chize Mwene Zambi omishine Yordau ndoo muze Aisraele eswe azaukile. Yaabutuka kwivwila Aisraele woma, yaalekumuka.

1 Samuel 11:7

Yanda ngombe aali, yaabatwola yipinji yipinji, yayituma kweswe mu Israele ku moko ja tunganda nikwamba ngwenyi: “Mweswawo kechi kukaula Saulu ni Samuel, Chenacho maakalinga ni ngombe jenyi.” Aisraele yeevwila Zambi mwongo kuhiana, eswe yaalikungulula ngwe mutu umuwika.

1 Samuel 14:15

Afilistia eswe yeevwa mwongo, chibwe tujita ni akwa kububa yaachikima ni woma, hashi yihanyika, atu yaasuswamiana chikolo.