Ubutukilo 35:4 - Mukanda Wa Zambi 1970

⁴ Mba yaamwaha Yakoba mahamba eswe a yilambala waze abwile no, yaamwaha nawa yingeliengelie ya ku matwi yize te akuzala. Yakoba yayivumbika mushi lia mutondo shene uze wabwile hakamwihi ni limbo lia Shekeme.

MUKANDA USANDU WA ZAMBI 1975

⁴ Mba yahana kuli Yakomba mahamba eswe a tundaka apwile no, ni yingelengele apwile nayo mu matwi jo. Yakomba yayivumbika mushi lia mutondo wa carvalho ku Shekeme.

Ubutukilo 35:4 Iomraidhean Croise

Ubutukilo 12:6

Abrama yendangana mu chifuchi chize ndoo yaheta hamwe homa ha kuwayila, ku mutondo shene, jina liawo More, mu limbo lia Shekeme. (Ha matangwa waze akwa Kanana te kwenako atwama.)

Ubutukilo 35:3

Tukatukenu tuyenu ku Betele. Kwenako mutukatungila chilumbilo ha kuwayila Mwene Zambi yoze wanguvwile ha tangwa lia lamba, wangufungile kanawa kuma kweswe te nakuya.”

Ubutukilo 35:5

Muze Yakoba ni ana jenyi te anayi mu jila, akwa membo waze akusulangana yeevwa woma unji, kaakawile ko.

Kutuhuka 32:20

Mba yanda chimbembe wa kuji yoze alingile, yamwocha mweswe, yamufwenya yifenyufenyu. Yasa uto uze mu meya, mba yanwisa Aisraele meya waze.

Izaya 2:20

Muze tangwa lize mulikeza, atu maakambila mahamba jo a prata ni oru waze alingile, maakaahichikila tumbi ni tufukufuku.

Izaya 30:22

Munukanda mahamba jenu akulamika prata ni oru, nikwaambila ngwe Chuma cha luchisa, nikukololoka ngwenu: “Katukenu ko!”

Hosea 2:13

Mungukamumwesa lamba mumu ha matangwa waze anguvulamine muze ochelele hamba Bale yitumbo ya vumba libema, ni muze azalile yingeliengelie yenyi, ni muze akawile masepa jenyi. Yami Mwene Zambi nachamba.

Shimbi 7:25

Nukocha mahamba jo, ni prata ni oru yize alingile nayo mahamba, kanda nukayivwila chihilulu. Nyi ka, muyikabwa muheto kuli yenu, mumu Mwene Zambi, Zambi yenu, kakuvutwokela mahamba.

Shimbi 7:5

Kashika nukabuzula yilumbilo yo ni mahamba jo a mawe ni kwafwenwona, nukabuzula mahamba ja zambi yo wa pwo Ashera, nukoocha.

Akwa Kuyula 9:6

Mba malunga a ku Shekeme ni ku Betmilo yaakunguluka, yaaya ku mutondo wa chijila wa shene ku Shekeme. Kwenako apwishile Abimeleke mwanangana.