Ubutukilo 35:3 - Mukanda Wa Zambi 1970

³ Tukatukenu tuyenu ku Betele. Kwenako mutukatungila chilumbilo ha kuwayila Mwene Zambi yoze wanguvwile ha tangwa lia lamba, wangufungile kanawa kuma kweswe te nakuya.”

MUKANDA USANDU WA ZAMBI 1975

³ tuyenu, tukandukenu ku Mbetele. Mungutungako chilumbilo kuli mwe Zambi wangukumbulwile ha tangwa lia lamba liami, wendele ni yami jila yize nayile.

Ubutukilo 35:3 Iomraidhean Croise

Ubutukilo 28:15

Nyingika ngwe, mungukabwa hamwe ni yena kweswako muuya, mungukakuhilwisa nawa ku chifuchi chino. Chichi kakwehuka ndoo mungukamanununa yilakenyo yeswe yino nakulakenya.”

Ubutukilo 31:3

Mba Mwene Zambi yambila Yakoba ngwenyi: “Hiluka ku chifuchi cha tatenu ni usoko we. Mungubwa hamwe ni yena.”

Ubutukilo 31:42

Nyi Zambi ya atata, Zambi ya Abrahama ni ya Isake, kabwile ko hamwe ni yami, kachi mwe mokomoko lume unakanguhanga. Alioze Zambi yamona lamba liami, ni kuhondangana chami. Kashika wakukumikanga ufuku wa musono.”

Ubutukilo 32:24

Yasala ukawenyi mu sali. Mba umwe lunga yalitachika ni Yakoba ndoo ni muze hikwacha.

Ubutukilo 32:7

Yakoba yevwa woma unji, yalibikala. Yahandununa atu jenyi ni yimuna yenyi yeswe, mapanga, ni pembe, ni ngombe, ni tumelu, ha mbunga jaali jaali.

Ubutukilo 35:4

Mba yaamwaha Yakoba mahamba eswe a yilambala waze abwile no, yaamwaha nawa yingeliengelie ya ku matwi yize te akuzala. Yakoba yayivumbika mushi lia mutondo shene uze wabwile hakamwihi ni limbo lia Shekeme.

Ubutukilo 35:7

Yatunga ko chilumbilo, yaluka ko jina ngwenyi, Betele, mumu kwenako alimwene ni Zambi, muze te anachinyi yayo Esau.

Ubutukilo 48:15

Mwabwamuze Israele yawahisa Josefe ngwenyi: “Zambi yoze atata jami Abrahama ni Isake alingile, awahise ana malunga wano! Zambi yoze wangufungile ndoo ni musono, aawahise!

Miaso (Masamu) 107:6

Mba mu lamba lio yaateta kuli Mwene Zambi, neye yaalamwina ku kubinda cho.

Miaso (Masamu) 107:8

Asakwilile Mwene Zambi mumu ha zango lienyi lize kulishi kuhwa. Mumu ha yikomokeso yize aalingilile.

Miaso (Masamu) 46:1

Zambi kali uchinyino wetu ni tachi jetu, kanalulika matangwa eswe ni kutukwasa muze twakumona lamba.

Miaso (Masamu) 50:15

Ngutambikenu ha tangwa lia lamba; mungunupulula, mba mununguchichimieka.”

Miaso (Masamu) 91:15

Muze maangutambika mungwataa; muze maamona lamba, mungubwa hamwe no. Mungwachiza mu lamba lio, mungwalemesa.

Yishima 3:6

Iwuluka Mwene Zambi mu yuma yeswe yize wakulinga, neye makulweza jila yoloka.

Izaya 30:19

Yenu waze nwatwama mu Zione kunuchi kahia nawa nichimwe. Mwene Zambi kali mukwa utu, muze munuteta kuli iye hanga anukwase, kumanukumbulula.

Izaya 43:2

Muze muubalika mu meya anji, mungubwa hamwe ni yena; lamba lie kulichi kukumba. Muze muwenda mu kahia, kuuchi kuwema; yeseko yikalu yize muyiza kuyichi kukulemeka.

1 Samuel 10:3

Mba muukatuka ko, muuya ndoo muukaheta ku mutondo ku Tabore, kuze atu akuwayila. Kwenako muutakana ni malunga atatu waze anakanduka ku limbo lia Betele ni kulambula Zambi mulambu. Umwe kanatwala ana a pembe atatu, mukwo kanambata mbolo jitatu, mukwo tuku ya lambu ya vinyu.