Ubutukilo 35:23 - Mukanda Wa Zambi 1970

²³ Wano e ana ja Leya: Rubene (mwe mwana mutangu wa Yakoba), Simeone, ni Levi, ni Yuda, ni Isakare, ni Zabulone.

MUKANDA USANDU WA ZAMBI 1975

²³ Ana ja Liya, Rupene, mutangu wa Yakomba, ni Simeone, ni Levi, ni Yunda, ni Isaka, ni Zapulone.

Ubutukilo 35:23 Iomraidhean Croise

Ubutukilo 33:2

Yasa ndungo ni ana jo kulutwe lia mukana, yikusula Leya ni ana jenyi, mba yikusula Rashele ni Josefe.

Yilinga 7:8

Hohene Zambi yakolesa Usendo ni Abrahama, chinyingi chawo Ungalami. Chenacho muze Abrahama hasema Isake, yamupwisa ngalami ha tangwa lia muchinake, ni Isake yapwisa Yakoba ngalami, ni Yakoba yapwisa tushakulu kumi ni aali ngalami.

Ubutukilo 29:31

Mwene Zambi yamona ngwenyi, Yakoba keshi kuzanga Leya. Kashika yamwaha Leya ngoji ya kusema, alioze Rashele te mumba.

Kutuhuka 1:1

Wano e ana ja Yakoba a malunga waze ayile nenyi mu chifuchi cha Egiptu:

Ubutukilo 29:16

Labane te kali ni ana mapwo aali, mukulwana jina lienyi Leya, kanuke jina lienyi Rashele.

Ubutukilo 49:3

“Rubene, yena uli mwe kabula jimo, uli tachi jami, uli mwanami mutangu wa ukulwana wami, uli mukwa kulengumuka ni mukwa tachi kuhiana ana jami akwo.

Kwalula 1:5

No yaatongola miata wano ku Chikungulwila, nikulita ni mavungu jo, ha kukwasa ku milimo yino: Vungu Mwata wa jimo Rubene Elizure mwana wa Shedure Simeone Shelumiele mwana wa Zurishadai Yuda Nasone mwana wa Aminadabe Isakare Netanele mwana wa Zuare Zabulone Eliabe mwana wa Helone Efraime Elishama mwana wa Amihude Manase Gamaliele mwana wa Pedazure Benjamine Abidane mwana wa Gideoni Dane Ahizere mwana wa Amishadai Ashere Pagiele mwana wa Okrane Gade Eliasafe mwana wa Duele Naftali Ahira mwana wa Enane

Kwalula 2:3

Musumba wa Yuda ni bendelo lio muukabwa ku sali lia chivumbuko, nikulita ni mbunga yo: Vungu Mwata wa jimo Kwoka cho Yuda Nasone mwana wa Aminadabe 74,600 Isakare Netanele mwana wa Zuare 54,400 Zabulone Eliabe mwanawa Helone 57,400 Malunga eswe: 186,400 Mbunga ya tujita twa Yuda e maakatetekela.

Kwalula 7:12

Yaalambula milambu yo ngwe chino: Tangwa Vungu Mwata 1 Yuda Nasone mwana wa Aminadabe 2 Isakare Netanele mwana wa Zuare 3 Zabulone Eliabe mwana wa Helone 4 Rubene Elizure mwana wa Shedure 5 Simeone Shelumiele mwana wa Zurishadai 6 Gade Eliasafe mwana wa Duele 7 Efraime Elishama mwana wa Amihude 8 Manase Gamaliele mwana wa Pedazure 9 Benjamine Abidane mwana wa Gideoni 10 Dane Ahizere mwana wa Amishadai 11 Ashere Pagiele mwana wa Okrane 12 Naftali Ahira mwana wa Enane Milambu yize anehene yabwile ya mulali umuwika: musenge umuwika wa prata wa kilo 1.5, ni mbashila yimuwika ya grame 800, nikulita ni ulemu wa mbongo ja miaka yize, yaayizalisa ni wunga wakuchinga ni maji mumu ha mulambu wa mbuto. Yaaneha nawa chenga chimuwika chimuwika cha oru cha grame 110, chinazala ni yuma ya vumba libema, ni chimbembe wa kuji, ni kuji a panga, ni mwana pembe wa mwaka umuwika, mumu ha mulambu wa kwocha; ni pembe umuwika mumu ha mulambu wa mulonga; ni yimbembe a kuji aali, ni makuji a panga atano, ni pembe atano, ni ana a mapanga atano a mwaka umuwika, mumu ha mulambu wa kulivwa ni Zambi.

Kwalula 10:14

Ha tangwa lieswe muze akatwokele, te kaakwenda mu mbunga ni mbunga. Vungu lia Yuda ni bendelo lio enoo te akutetekela kulutwe, chizavu ni chizavu. Mwata wo Nasone mwana wa Aminadabe.

Kwalula 26:5

Vungu lia Rubene (Rubene mwe wabwile mwana mutangu wa Yakoba): majimo ja Hanoke, ni Palu,

Kwalula 34:19

Wano e malunga waze Mwene Zambi atongwele: Vungu Mwata Yuda Kaleba mwana wa Jefune, Simeone Shelumiele mwana wa Amihude, Benjamine Elidade mwana wa Chislone, Dane Buki mwana wa Jogli, Manase Haniele mwana wa Efode, Efraime Kemwele mwana wa Shiftane, Zabulone Elizafane mwana wa Parnake, Isakare Paltiele mwana wa Azane, Ashere Ahihude mwana wa Shelomi, Naftali Pedahele mwana wa Amihude.

Shimbi 27:11

Mba Mose yambila Aisraele ngwenyi:

Shimbi 33:6

Mose yahanjika hakutwala ku vungu lia Rubene ngwenyi: “Rubene, vungu lienyi kanda likuwa kama, chibwe atu jenyi kaali akepe.”

Yoshua 13:15

Mose yateta Chihanda cha chifuchi ku majiko ja vungu lia Rubene.

Yoshua 15:1

Majiko ja vungu lia Yuda yaatambula Chihanda cho cha chihinga chino. Che chifuchi te kuchaheta ndoo ku sude ya puya ya Zine, ku njiza ya Edome.

Yoshua 19:1

Chela cha muchaali yichibwa cha majiko ja vungu lia Simeone. Chifuchi cho cha chihinga yichibwa mukachi ka chifuchi cha vungu lia Yuda.

Yoshua 19:10

Chela cha muchitatu yichibwa cha majiko ja vungu lia Zabulone. Chifuchi cho cha chihinga yichiheta ndoo ku Saride.

Yoshua 19:17

Chela cha muchiwana yichibwa cha majiko ja vungu lia Isakare.

Akwa Kuyula 5:14

Yaakatuka ku Efraime, yaapalumuka ku chikulo, kunyima lia vungu lia Benjamine ni tujita two. Miata ja tujita yaakatuka ku Makire, yaapalumuka ha mulundu. Tuvumbi two yaakatuka ku Zabulone, no yaapalumuka.

Akwa Kuyula 5:15

Miata ja Isakare yeeza hamwe ni Debora; Ewa, Aisraele yeeza ni Barake nawa, yaamukaula mu chikulo. Alioze vungu lia Rubene yaalihandununa; te kaanayambashana ha kwiza.

Akwa Kuyula 5:18

Alioze Azabulone ni Anaftali yaakunjika mwono wo ku utoji wa kufwa mu jita.

Rute 4:11

Makulwana ni waze te ali ku chikolo yaatayiza ngwo: “Ewa, tuli yela. Mwene Zambi apwise yono pwo lie ngwe Rashele ni Leya, asemene anji ni Yakoba. Akupwise nawa pichi mu vungu lia Efrata, ni mukwa lufuma mu Betleheme.

1 Sango Ja Mianangana 27:16

Majina ja akwa kuyula ja mavungu ja Aisraele wano: Vungu Mukwa kuyula Rubene Eliezere mwana wa Zikri Simeone Shefatia mwana wa Maka Levi Hashabia mwana wa Kemuele Arone Zadoke Yuda Elihu mwanakwo wa mwanangana David Isakare Omri mwana wa Mikele Zabulone Ishmaya mwana wa Obadia Naftali Jeremote mwana wa Azriele Efraime Hoshea mwana wa Azazia Manase wa ku chitokelo cha Yordau Joele mwana wa Pedaya Manase wa ku chivumbuko cha Yordau Ido mwana wa Zakaria Benjamine Jasiele mwana wa Abnere Dane Azarele mwana wa Jerohame.

Ezekiel 48:30

Yikolo kumi ni yaali yiliko ku chipanga cha limbo lia Yerusaleme. Chipanga chili ni mbango jiwana, mbango ni mbango yili ni metro 2,250. Mba yeswe yili ni yikolo yitatu; chikolo cheswe yachiluka jina lia vungu limuwika. Yikolo ya ku mbango ya ku norde yaayiluka: Rubene, ni Yuda, ni Levi; ya ku chivumbuko: Josefe, ni Benjamine, ni Dane; ya ku sude: Simeone, ni Isakare, ni Zabulone; ya ku chitokelo: Gade, ni Ashere, ni Naftali.

Usolwelo 7:7

tununu kumi ni aali a ku Chikota cha Simeone, tununu kumi ni aali a ku Chikota cha Levi, tununu kumi ni aali a ku Chikota cha Isakare,