Ubutukilo 35:2 - Mukanda Wa Zambi 1970

² Mba Yakoba yambila akwa zuwo lienyi ni waze eswe abwile hamwe nenyi ngwenyi: “Mbilenu mahamba a yilambala waze nuli no hakachi kenu, chizenu manyonga eswe abi a mu mbunge jenu, nuzale mahina aha.

MUKANDA USANDU WA ZAMBI 1975

² Kashika Yakomba yamba kuli akwa zuwo lienyi ni waze eswe apwile no ngwenyi, Mbilenu mahamba a tundaka nuli no hakachi kenu, lipemesenu, zalenu mazalo eka,

Ubutukilo 35:2 Iomraidhean Croise

Ubutukilo 18:19

Hinatongola Abrahama hanga akalweze ana jenyi ni vungu lienyi ngwenyi, chaatamba kufunga Shimbi jami, ni kulinga yuma yibema ni ya ululi. Nyi maachilinga mungumanununa yeswe yize namwambile.”

Ubutukilo 31:30

Ngunanyingika ngwami, wakatuka mu zuwo liami mumu hiwevwa usona wa tatenu, alioze kuchi mba unakeya mahamba jami?”

Ubutukilo 31:34

Kuma Rashele te hasweka mahamba ja tato mu tuku ya musau wa kamelu, mba yatwama ho. Labane yabolongoza chinji mu zuwo lia Rashele, alioze kamwene ko nichimwe.

Ubutukilo 34:2

Hamore, Kahive, te mwanangana wa chifuchi chize. Shekeme, mwana wa Hamore, hakumona Dina, yamukwata ni tachi mba yalimona nenyi.

Ubutukilo 35:22

Muze Israele te anatwama mu chifuchi chize, mwanenyi Rubene yalimona ni Bila, umwe pwo lia tato, mba tato yachinyingika. Yakoba yabwa ni ana kumi ni aali a malunga.

2 Samuel 7:23

Limwe vungu liko hano hashi lialifwa ni vungu lia Israele, nyi? Hiunaalamwina ku undungo ni kwapwisa atu je. Yuma yinene ni ya kukomwesa yize waalingilile hiyinafumanyisa jina lie hashi heswe. Hiunahumu mavungu akwo ni e mazambi jo kulutwe lia atu je, waze watuswile mu chifuchi cha Egiptu kubwa a yena.

1 MIANANGANA 17:29

Alioze atu waze anehene mu Samaria yaalinga linga mahamba jo, yaasa mu mazuwo a kuwayila waze atungile Aisraele. Mbunga ni mbunga ja atu yaalinga mahamba jo mu membo muze te atwama.

1 MIANANGANA 5:10

Elisha yatuma kavumbi kenyi ha kumulweza aye asane mu lwiji Yordau yisuho shimbiali, mba musongo wenyi muuhwa kanawa.

1 Sango Ja Mianangana 16:26

Mazambi ja mavungu akwo kaali lume mahamba, alioze Mwene Zambi mwe watangile lilu.

Jobe 1:5

Muze matangwa a yiteleka haamanunuka, Jobe malimeneka ni kulambula milambu yakwocha hali mwana mweswe ni kwaabemesa, mumu Jobe yanyonga ngwenyi: “Hanji ana jami haavulumuna, hanji haatuka Zambi, te kaachizangile.” Chino te kakuchilinga matangwa eswe.

Miaso (Masamu) 51:2

Ngusanyise liakulu ku uhenge wami, ngubemese kama ku shili yami!

Miaso (Masamu) 51:7

Nguchize kama shili yami hanga ngubeme, ngusanyise hanga ngubeme kuhiana.

Kutuhuka 19:10

Mwene Zambi yamwamba ngwenyi: “Yako ulweze atu alijilike musono ni hamene ha kunguwayila. Chaatamba kukosa mahina jo.

Kutuhuka 19:14

Mose yapalumuka ha mulundu, yaheta kuli atu, yalweza alijilike ha kuwayila. No yaakosa mahina jo,

Kutuhuka 23:13

“Nukafunga yeswe yize hinanwamba. Kanda nukawayila mazambi akwo, chibwe kanda nukavuluka majina jo.”

Longeshi 5:1

Muze unayi ku zuwo lia Zambi kanyama. Chili chibema kulambula mulambu ku zuwo lia Zambi, alioze chibema kuhiana kwivwa maliji a Zambi. Yihepuke waze kaanyingikine yibi ni yibema, kaakulambula milambu wika.

Izaya 1:16

Sanenu nulibemese. Litwaminenu yibi yeswe yize nwakulinga. Ewa, litwaminenu kulinga yibi,

Izaya 52:11

Yenu waze nwatwama mu Babilonia tuhukenu mo, yenu eswe waze nwakumbata yikashi ya mu zuwo lia Zambi. Kanda nukwata ku Chuma nichimwe cha luchisa; lifungenu, nuli akwa chijila, tuhukenu.

Jeremia 13:27

Hananumono nikulinga yuma yize akuvutwokela iye, ni chize nwakuya ni kuwayila mazambi eka ha milundu ni mu yambu, ngwe chize mutu akukaula pwo lia mwenyembo wenyi mu yambu, hanji ngwe kuji a kavwalu unahembeleza chihwo. Aa yenu akwa Yerusaleme, janukangana! Mwiji muka munukashikisa milonga yenu.

Jeremia 16:20

Kuma mutu mahasa kulilingila mazambi jenyi, nyi? Ka, nyi machilinga keechi kabwa mazambi.”

Jeremia 5:7

Mwene Zambi kanahula ngwenyi: “Mumu yika Changutamba kukonekena atu jami milonga yo? Haanangwehuka, haanalishingi ni waze hi mazambi ko. Nalishile atu jami ndoo ni chize haakuta, alioze yaalingalinga utanji, nikuhwisa matangwa jo ni yitanji.

Ezekiel 18:31

Mbilenu ungulungulu weswe uze nwakulinga, nubwe ni manyonga aha ni mbunge jaha. Mumu yika yenu Aisraele nwakuzanga kufwa?

Ezekiel 20:7

Yingwalweza ambile mahamba a kuzelwokesa waze te akuzanga, yingwakanjisa ngwami, kanda alichisa ni mazambi amokomoko ja akwa Egiptu, mumu nguli Mwene Zambi, Zambi yo.

Ezekiel 36:25

Mungukanusapwila meya abema ni kunubemesa ku mahamba jenu ni ku yuma yeswe yize nwalichishile nayo.

Daniel 5:4

ni kufumanyisa mazambi jo akulinga ni oru, ni prata, ni unengu, ni utale, ni mitondo, ni mawe.

Alevi 15:5

Mweswawo makwata we muhela wenyi

Alevi 17:16

Nyi ngwe kachilingile, chatamba kumumwesa lamba.

Kwalula 31:24

Ha tangwa lia muchishimbiali nukakosa mahina jenu ha kulibemesa, mba maakanutayiza kunjila mu musumba.”

Yilinga 19:26

Nunamono ni nunevu ngwo, mutu yono, Paulu, hanakununa atu anji. Kakwamba ngwenyi: ‘Mazambi waze akulinga ni moko ja atu, hi mazambi ko.’ Chino kachilingile ko mu Efesu wika, kwasala hakepe ni mu chifuchi cheswe cha Asia nawa.

1 Korintu 10:7

Kanda nukombelela mahamba nichimwe ngwe chize alingile amwe a kuli ayo. Ngwe chize Mukanda wa Zambi unambe: “Atu yaatwama ni kunwa ni kulia, mba yaakatuka ha kuhangana.”

2 Korintu 7:1

Akwetu, akwa Kristu, Zambi hanatulakenya yize yeswe. Kashika, chatutamba kulibemesa ku yeswe yize yakubihisa mujimba ni mwono. Tulikolezenu hanga tubwe akwa kulinanga, ni kuvwila Zambi woma.

Galashia 4:8

Ha miaka yikulu te kunwanyingikine Zambi, ni nwabwile ndungo ja mazambi waze hi amwenemwene ko.

Shimbi 11:28

alioze Shingo, nyi munukolema Shimbi jino, nyi munutewuluka nawa ni kuwayila mazambi akwo waze te kanda nuchiwayila kama nilimwe tangwa.

Shimbi 32:16

Zambi yevwa ukwa mumu ha mahamba jo, yevwa ufwatulo mumu ha yibi yo.

Shimbi 5:7

“ ‘Kanda ungukatukila ha kutayiza mazambi akwo.

Shimbi 6:14

Kanda nuwayila mazambi akwo, mazambi ja atu waze ananujingilika.

Shimbi 7:25

Nukocha mahamba jo, ni prata ni oru yize alingile nayo mahamba, kanda nukayivwila chihilulu. Nyi ka, muyikabwa muheto kuli yenu, mumu Mwene Zambi, Zambi yenu, kakuvutwokela mahamba.

Hebreu 10:22

Kashika tukundamenu kuli Zambi ni mbunge yamwenemwene, ni ufulielo wa tachi, ni mbunge yakubemesa, ni mujimba wakusanyisa ni meya abema.

Tiangu (Jake) 4:8

Kundamenu kuli Zambi, neye makundama kuli yenu. Yenu yivulumunyi, sanyisenu moko jenu. Yenu yilembekese, bemesenu mbunge jenu,

Yoshua 23:7

kunuchi kulichinga ni mavungu waze ali hakachi kenu ni kuvuluka majina ja mazambi jo, chibwe kuuchinga no, kwafukamina ni kwakombelela.

Yoshua 24:14

Yoshua yaweza ho maliji ngwenyi: “Kashika, haliabwila lemesenu Mwene Zambi, numulingile ni mbunge yimuwika ya kushishika. Mbilenu mahamba waze te tushakulu twenu akukombelela mu yifuchi ya Mesopotamia ni Egiptu; lingilenu Mwene Zambi wika.

Yoshua 24:15

Nyi kunwazangile kumulingila, hitongolenu musono yoze munulingila, mazambi waze tushakulu twenu te akukombelela mu Mesopotamia hanji mazambi ja Aamore, a mu chifuchi chize nwatwama haliabwila. Alioze yami ni akwa jiko liami mutulingila Mwene Zambi.”

Yoshua 24:2

Yoshua yaamba ngwenyi: “Mwene Zambi, Zambi ya Aisraele, kanambe chino ngwenyi: ‘Mwakawali tushakulu twenu te kaatwama musali lia lwiji Ufrateze ni kuwayila mazambi eka. Umuwika hakachi ko jina lienyi Tera, tato ya Abrahama ni Nahore.

Yoshua 24:23

Yoshua ngwenyi: “Nyi Chenacho, mbilenu mazambi a yilambala waze ali mukachi kenu, hanga nuwayile Mwene Zambi, Zambi ya Aisraele.”

Yuda 1:23

Achangumunenu ku kahia ha kwalamwina. Ni akwo evwilenu keke nawa, hamwe ni woma. Alioze chanutamba kubihilila mahina jo a luchiza, mahina jo waze haanalichisa ni usolo wo ubi.

Akwa Kuyula 10:16

Chenacho Aisraele ehukile mazambi ja yilambala, yaawayila Mwene Zambi yo. Neye yevwa chinyengo mumu ha lamba lia Aisraele.

Rute 1:15

Mba Naomi yambila Rute ngwenyi: “Tala yayenu hahiluka ku mahio, kuli akwa jiko lienyi ni mazambi jenyi, yako hamwe nenyi.”

1 Samuel 16:5

Iye ngwenyi: “Ewa, nguneza ni kulambula Mwene Zambi mulambu.” Yambila nawa Jese ni ana jenyi a malunga alijilike, yaalakenya aye nenyi ni kulambula mulambu.

1 Samuel 7:3

Samuel yambila Aisraele ngwenyi: “Nyi munuhiluka kuli Mwene Zambi ni mbunge jenu jeswe, chizenu mazambi eswe a yilambala hakachi kenu, ni mahamba ja zambi wa pwo Astarte. Likunjikenu liakulu kuli Mwene Zambi ni kumulingila iye wika. Mba makanulamwina ku moko ja Afilistia.”