Ubutukilo 35:1 - Mukanda Wa Zambi 1970

¹ Zambi yambila Yakoba ngwenyi: “Katuka uye ku limbo lia Betele, Ukatwame ko. Ukatunge chilumbilo homa haze akusolokelele Zambi muze wachinyine yayenu Esau.”

MUKANDA USANDU WA ZAMBI 1975

¹ Zambi yamba kuli Yakomba ngwenyi, Katuka, ukanduke ku Mbetele ukatwa meko. Lingako chilumbilo kuli mwe Zambi wasolokele kuli yena muze wachinyine kumeso ja yayenu Esau.

Ubutukilo 35:1 Iomraidhean Croise

Ubutukilo 12:8

Mwabwamuze yaya ku sude ku milundu yize yili ku chivumbuko cha limbo lia Betele. Yajika ko zuwo lienyi lia makubu, hakachi ka Betele ku chitokelo ni Ayi ku chivumbuko. Yatunga ko nawa chilumbilo.

Ubutukilo 16:8

Yamuhula ngwenyi: “Hagare, ndungo ya Sarai, kulihi unakatuka? Kulihi unayi?” Hagare ngwenyi: “Ngunachina kaka Sarai.”

Ubutukilo 22:14

Abrahama yaluka homa haze jina ngwenyi: “Mwene Zambi Kakuhana.” Kashika ndoo ni musono atu akwamba ngwo: “Ha mulundu wenyi Mwene Zambi kakuhana.”

Ubutukilo 29:1

Yakoba yaheta maha Labane Yakoba yaya mu jila yenyi, yatalikisa mu chifuchi cha atu waze atwama ku chivumbuko.

Ubutukilo 31:13

Nguli Zambi yoze wakusolokelele ku Betele, haze wamikine chingina ni kuhinjila ho maji, homa haze wangulakenyene. Kashika tuhuka mu chifuchi chino, hiluka ku chifuchi che kuze wasemukinyine.’ ”

Ubutukilo 31:3

Mba Mwene Zambi yambila Yakoba ngwenyi: “Hiluka ku chifuchi cha tatenu ni usoko we. Mungubwa hamwe ni yena.”

Ubutukilo 34:31

Alioze yaamukumbulula ngwo: “Te chamutamba kupwisa ndumbwetu ngwe chitanji, nyi?”

Ubutukilo 35:15

yaluka ho jina ngwenyi, Betele.

Ubutukilo 35:7

Yatunga ko chilumbilo, yaluka ko jina ngwenyi, Betele, mumu kwenako alimwene ni Zambi, muze te anachinyi yayo Esau.

Miaso (Masamu) 46:1

Zambi kali uchinyino wetu ni tachi jetu, kanalulika matangwa eswe ni kutukwasa muze twakumona lamba.

Miaso (Masamu) 47:4

Hanatutongwela chifuchi muze twatwama, chili chihinga cha uhenya cha atu jenyi waze akuzanga.

Miaso (Masamu) 91:15

Muze maangutambika mungwataa; muze maamona lamba, mungubwa hamwe no. Mungwachiza mu lamba lio, mungwalemesa.

Kutuhuka 2:15

Muze mwanangana hachivwa, yafupa kushiha Mose. Alioze Mose yachina, yaya ni kutwama mu chifuchi cha Midiane. Limwe tangwa muze te anatwama ku shima lia meya, ana mapwo shimbiali a Jetro, hako wa ku Midiane, yeeza nikutaha meya ha kuzalisa yingolongolo ya kunwisa mbunga ya yimuna ya tato.

Hosea 12:4

yalitachika ni kanganda ka mwilu, yakumba. Yalila, yahula Zambi amuwahise. Zambi yeza nawa kuli kashakulu ketu Yakoba ku limbo lia Betele ni kuhanjika nenyi.

Nahume 1:15

Talenu, kanganda kanapalumuka ha milundu, kananehe sango jibema, kaneza ni kwambujola sango ja kukumba. Yenu Ayuda, lingenu yiwanyino yenu, mwehenu Zambi yize nwamulakenyene. Yingulungulu hikeechi kanjila nawa mu chifuchi chenu. Eswe haanonga liakulu!

Shimbi 32:36

Mwene Zambi makalamwina atu jenyi muze makamona ngwenyi, tachi jo hijahwa. Makevwila keke waze akumulingila, muze makamona ngwenyi, keeshi tachi.

1 Samuel 10:3

Mba muukatuka ko, muuya ndoo muukaheta ku mutondo ku Tabore, kuze atu akuwayila. Kwenako muutakana ni malunga atatu waze anakanduka ku limbo lia Betele ni kulambula Zambi mulambu. Umwe kanatwala ana a pembe atatu, mukwo kanambata mbolo jitatu, mukwo tuku ya lambu ya vinyu.