Ubutukilo 34:7 - Mukanda Wa Zambi 1970

⁷ Tangwa lizeliene ana ja Yakoba yaahiluka ku chihunda. Ha kwivwa sango jize, yeevwa ufwatulo kuhiana, yaamba ngwo: “Shekeme kalinga Chuma cha sonyi kuhiana. Hatuka Aisraele eswe mumu halimona ni ndumbwetu ni tachi.”

MUKANDA USANDU WA ZAMBI 1975

⁷ Ana ja Yakomba yakatuka mu yambu muze hachivwa. Hevwa wuli wunji, kanatenuka mumu halinga uhepuke mu Izalele ha kupomba ni mwana wa Yakomba, chumacho keshi kuchilinga.

Ubutukilo 34:7 Iomraidhean Croise

Ubutukilo 20:9

Mba Abimeleke yatambika Abrahama, yamuhula ngwenyi: “Kuchi watulinga Chuma ngwe chino? Chibi chika ngunakakulinga kama, kashika wangukokela lamba libwa haha ni atu jami eswe? Wangulinga Chuma chize kuchatambile kulinga.

Ubutukilo 34:6

Hamore, tato ya Shekeme, yeza ni kuta pande ni Yakoba.

Ubutukilo 34:8

Hamore yaambila ngwenyi: “Mwanami Shekeme kanazange mwanenu wa pwo. Nalemba, tayizenu amumbate.

Ubutukilo 46:7

ni ana jenyi a malunga ni a mapwo, ni ajikulu jenyi a malunga ni a mapwo.

2 Samuel 13:21

Mwanangana David, muze hevwa sango jino, yevwa kubiha kuhiana.

Miaso (Masamu) 93:5

Mwene Zambi Shimbi je jili ja miaka yeswe; zuwo lie lili lia chijila, mulilinduluka ndoo ku miaka yeswe.

Yishima 7:7

Yingumona ho akweze anji yizuzuke, alioze yihabwa umuwika chizuzuke kuhiana akwo eswe.

Jeremia 29:23

Chenacho maakaalinga mumu ha yibi yo, yaalinga utanji ni yaahanjika mahuza mu jina liami. Chino Mwene Zambi kachizangile. Kananyingika yeswe yize haanalingi, iye mwene kali chela. Mwene Zambi hachamba.”

Alevi 4:13

Nyi ngwe Chikungulwila cheswe cha Aisraele, havulumuna haakolema Shimbi ya Mwene Zambi, te kaachinyingikine,

Alevi 4:2

“Nyi umwe Kaisraele havulumuna, hakolema yimwe Shimbi ya Zambi, te kachinyingikine, chamutamba kufunga Shimbi jino.”

Alevi 4:27

Nyi mweswe mutu hakolema Shimbi ja Mwene Zambi, te kachinyingikine,

1 Korintu 10:8

Kanda tulinga utanji, ngwe amwe hakachi ko achilingile, mba yaafwa tununu makumi aali ni atatu ha tangwa limuwika.

1 Korintu 6:18

Chinenu utanji. Uvulumwino weswe uze mutu akulinga, uli haze lia mujimba wenyi, alioze yoze wakulinga utanji, kakubihisa mujimba wenyi mwene.

Efesu 5:3

Nuli akwa Kristu. Ha chino, kuchalitele chibwe kuvuluka hakachi kenu: utanji, ni luchisa, ni lwahu wa mbongo.

Shimbi 22:20

“Alioze nyi kusuma chili chamwenemwene, ni chinyingi chakuhi chakulweza ngwo, kalimwene ko ni lunga weka,

Shimbi 22:21

acho hi amutuhwise mu zuwo lia tato. Kwenako malunga ja mu limbo chatamba kumushiha ni mawe. Mumu halinga Chuma cha sonyi mukachi ka atu jetu ha kulinga utanji shimbu kanda achimumbata, muze te uchili mu zuwo lia tato. Chenacho munukachiza chibi chize mukachi kenu.

Shimbi 23:17

“Niumwe Kaisraele, lunga hanji pwo, mahasa kubwa chitanji wa ku mazuwo ja mazambi nikulita ni ndako ya mavungu.

Kolosu 3:5

Kashika shihenu yize yeswe ya hano hashi: utanji, ni luchisa, ni kusasaminya chibi, ni usolo ubi, ni lwahu wa mbongo, mumu lwahu wa mbongo kali ngwe kukombelela mahamba.

1 Timoteu 5:13

Maakalilongesa nawa kulelumioka ni kujingajinga ku zuwo ni zuwo. Hi kulelumioka wika ko, alioze maakabwa akwa kalundanganyishi ni akwa moko a njiji, nikuhanjika yuma yize kuyalitele.

Hebreu 13:4

Atu eswe alemese umbachiso. Waze haanalimbata abwe akwa kushishika, chibwe pwo, hanji lunga, Zambi makahisa waze akulinga utanji, chibwe kulinga utanji ni waze haanalimbata, hanji ni waze kanda achilimbata.

Tiangu (Jake) 3:10

Mu kanwa limuwika mwakutuhuka maliji a uhaliso ni a mashingo. Akwetu, kuchatambile yino yuma kubwa chocho!

Yoshua 7:15

Mweswawo mungukatongola, nyi haamuwana ni yuma yize nasele Shimbi, maakamwocha hamwe ni akwa jiko lienyi ni yuma yenyi yeswe, mumu haneha lamba ni sonyi hali Aisraele, hashiha Usendo wami.”

1 Petulu 2:9

Alioze yenu nuli atu waze Zambi atongwele, nuli mahako a Mwene, nuli lume atu ja Zambi. Hananutongola hanga nwambujole yitanga yibema ya Zambi, yoze wanutambikile ha kukatuka ku milima hanga nunjile mu pangu lienyi liahiana.

Akwa Kuyula 20:6

Mba yingumwanda, yingumubatwola yipinji yipinji, yinguyituma mwasula mavungu eswe mu Israele. Atu wano haalinga chibi ni utanji mukachi ketu.