Ubutukilo 34:30 - Mukanda Wa Zambi 1970

³⁰ Yakoba yambila Simeone ni Levi ngwenyi: “Yitela nwangukokela, mungubwa ni lufuma mubi. Akanana ni Aperize kumanguvutwokela kwami. Chishi kwami ni atu anji. Nyi atu wano maalichinga ha kwiza ni kwasa jita ni yami, kumangushiha hamwe ni akwa zuwo liami eswe.”

MUKANDA USANDU WA ZAMBI 1975

³⁰ Yakomba yamba kuli Simeone ni Levi ngwenyi, Lamba nwangunehena. Nwangupwisa ngwe vumba lipi hakachi ka akwa chifuchi, A-Kanana ni A-Perize. Se yami chishi ni atu anji malikungulula hamuwika akalikwate ni yami akangulambe. Kumungunonga, ni yami ni akwa zuwo liami.

Ubutukilo 34:30 Iomraidhean Croise

Ubutukilo 12:12

Muze akwa Egiptu maakumona maamba ngwo: ‘Awu pwo lienyi,’ mba mangushiha yami alioze yena ka.

Ubutukilo 12:2

Mungukakupwisa vungu linene ni kukuwahisa. Mungukafumanyisa jina lie, mba muukawahisa atu akwo.

Ubutukilo 12:6

Abrama yendangana mu chifuchi chize ndoo yaheta hamwe homa ha kuwayila, ku mutondo shene, jina liawo More, mu limbo lia Shekeme. (Ha matangwa waze akwa Kanana te kwenako atwama.)

Ubutukilo 13:7

Tufunga twa yimuna twa Abrama ni Lote te kaakuzwela chinji. (Ha matangwa waze akwa Kanana ni akwa Perize te achili mu chifuchi chize).

Ubutukilo 34:2

Hamore, Kahive, te mwanangana wa chifuchi chize. Shekeme, mwana wa Hamore, hakumona Dina, yamukwata ni tachi mba yalimona nenyi.

Ubutukilo 34:29

Yaabuba ubite weswe, yaakwata mapwo ni ana jo eswe, ni yaabuba yuma yeswe yize yabwile mu mazuwo, yaaya nayo.

Ubutukilo 34:31

Alioze yaamukumbulula ngwo: “Te chamutamba kupwisa ndumbwetu ngwe chitanji, nyi?”

Ubutukilo 46:26

Ana ja Yakoba waze ayile ku Egiptu, kwoka cho eswe makumi asambano ni asambano, kuchiza ko mapwo jo.

Ubutukilo 46:27

Josefe yasema ana aali a malunga mu Egiptu. Ha chino kwoka cha atu eswe a ku jimo lia Yakoba kuze ku Egiptu yaabwa atu makumi shimbiali.

2 Samuel 10:6

Aamone yaanyingika ngwo, hitwabwa akwa kole ja mwanangana David. Kashika yaakamba tujita 20,000 twa Asiria a ku yifuchi ya Betrehobe ni Zoba, ni 12,000 a ku chifuchi cha Tobe, hamwe ni tujita 1,000 twa mwanangana wa ku chifuchi cha Maka.

2 Samuel 16:21

Ahitofele ngwenyi: “Vulie mwanangana! Yeenu nulimone ni mapwo ja tatenu waze asalile ni kufunga zuwo lia mwanangana. Mba mutu mweswe mu Israele manyingika ngwenyi, hinwabwa mukwa kole wa tatenu, mba atu jenu maajikiza.”

1 Yitanga Ya Mianangana 11:25

Rezone yabwa mukwa kole wa Aisraele ha miaka yeswe ya kuyula cha Solomone.

1 Yitanga Ya Mianangana 18:18

Eliya yamukumbulula ngwenyi: “Hi yami ko nakubinjisa Aisraele, alioze yena ni tatenu, mumu nwakukolema Shimbi ja Zambi ni kukombelela mahamba a Bale.

1 Sango Ja Mianangana 16:12

Yenu vungu lia Yakoba, kavumbi ka Mwene Zambi, yenu vungu lia Israele, waze atongwele Zambi, iwulukenu yilayi yize Zambi hanalingi ni chize abatwilile atu.

1 Sango Ja Mianangana 16:19

Atu ja Zambi te achili akepe, te njize mu chifuchi cha Kanana.

1 Sango Ja Mianangana 19:6

Mwanangana Hanune ni Aamone yaanyingika ngwo, hitwabwa akwa kole ja mwanangana David. Kashika yaatuma mbongo ja prata 34,000 kufweta matemba ni tujita waze akwendela ha matemba a ku chifuchi cha Mesopotomia a ku Tunda, ni ku yifuchi ya Maka ni Zoba mu Siria.

1 Sango Ja Mianangana 2:7

Akare mwana wa Karmi, umwe wa ku vungu lia Zera, yakoka lamba hali Aisraele ha kusweka Chuma chize haanajilika kuli Zambi.

Miaso (Masamu) 105:12

Atu ja Zambi te achili akepe, te njize mu chifuchi cha Kanana.

Kutuhuka 5:21

Tupita yaamba ngwo: “Mwene Zambi anutale, anubatwile. Mumu mwanangana ni atu jenyi kaanatubikalisa mumu hali yenu. Yenu nwamwaha mwanangana mukwale ha kutushiha.”

Yishima 11:17

Mutu yoze wakukwasa akwa utu kakuliwahisa, alioze chiswii kakulibihisa.

Yishima 11:29

Mutu yoze wakuneha Vunda hakachi ka jiko lienyi, ku songo kechi kubwa ni Chuma nichimwe. Yihepuke maabwa matangwa eswe tuvumbi twa akwa mana.

Yishima 15:27

Mutu yoze wakulinga ni uhenge mumu ha lwahu wa ubite, matwala akwa jiko lienyi mu lamba. Alioze yoze wakulituna mbongo ja uhenge mabwa ni mwono usuku.

Shimbi 4:17

chibwe ni kashitu hanji ni kajila,

Shimbi 4:27

Mwene Zambi makanumwangina mukachi ka mavungu akwo, akepe mukachi kenu makasala ho ni mwono.

Shimbi 7:7

“Mwene Zambi kanuzangile ko hanji kanutongwele ko mumu nuli anji kuhiana atu akwo; nwabwile vungu likepe kuhiana hano hashi.

Yoshua 7:25

Yoshua yamuhula ngwenyi: “Kuchi mba unakatukokela lamba libwa haha? Haliabwila Mwene Zambi makumwesa lamba!” Atu eswe yaamushiha ni mawe. Yaashiha nawa akwa jiko lienyi ni mawe, ni kwocha yuma yenyi yeswe.

1 Samuel 13:4

Aisraele eswe yeevwa ngwo, Saulu kanakashiha mwata wa tujita twa Afilistia, nawa ngwo, Aisraele haalumuka atu abi ku meso ja Afilistia. Kashika Aisraele yaatayiza kutambika chize, yaalikungulula kuli Saulu ku limbo lia Gilgale.

1 Samuel 16:2

Samuel yakumbulula ngwenyi: “Ngwe kuchi ngunahase kuya ko? Nyi Saulu wachivwa, mangushiha!” Mwene Zambi ngwenyi: “Yako ni chimbembe wa chihwo, muwamba ngwe: ‘Ngunayi ni kulambula mulambu kuli Mwene Zambi.’

1 Samuel 27:1

David yalihanjikisa ngwenyi: “Ngunamona ngwe, limwe tangwa mwanangana Saulu ku mangushiha. Chuma chibema chize mungulinga chakuhi, shina nguchinyine ku chifuchi cha Afilistia. Mba Saulu mujimuhwa ni kungufupa mu chifuchi cha Israele, mungubwa ni uhwimino.”

1 Samuel 27:12

Alioze Akishe yafuliela David, yalihanjikesa ngwenyi: “David halipwisa mukwa kole Wahiana kuli atu jenyi Aisraele, kumabwa kavumbi kami ku miaka yeswe.”