Ubutukilo 34:20 - Mukanda Wa Zambi 1970

²⁰ Chenacho Hamore ni mwanenyi Shekeme ayile ku chikolo cha chipanga cha limbo lio, kuze te akulikungulwila atu. Mba yaambila akwa limbo ngwo:

MUKANDA USANDU WA ZAMBI 1975

²⁰ Chocho Hamore ni mwanenyi Shekeme ejile mu chikolo cha limbo lio, yahanjika ni malunga a mu limbo ngwo,

Ubutukilo 34:20 Iomraidhean Croise

Ubutukilo 22:17

mungukakuwahisa, mungukokesa vungu lie. Maakabwa ngwe matangonoshi a mwilu hanji ngwe masekeseke a ku mbumbulu ya kalunga lwiji. Maakakumbakumba akwa kole jo.

Ubutukilo 23:10

Te ni mwe Efrone kali hakachi ka Ahite waze ali ku chikolo cho chipanga cha limbo, kuze kwakutakanyina atu. Mba yambila Abrahama ku meso ja atu eswe ngwenyi:

Ubutukilo 34:19

Mwe Shekeme kashimbwilile ko ha kulinga yize yeswe ambile ana ja Yakoba, mumu yazanga mwana wa Yakoba kuhiana. Shekeme te mulemu Wahiana hakachi ka akwa vungu lienyi.

Ubutukilo 34:21

“Atu wano kaali akwa sambukila. Twatayizenu hanga atwame mu chifuchi chetu, akalande lande ni kulanjishila mo. Chifuchi chili kwacho chinene. Mutumbata ana jo a mapwo, no mambata ana jetu a mapwo.

2 Samuel 15:2

Te kakulimeneka ni kuya ku chikolo cha limbo. Nyi umwe meza ni mulonga uze anazange kuhetesa kuli mwanangana, Absalome mamutekula ni kumuhula ngwenyi: “Kulihi unakatuka?” Nyi mwe mutu hamulweza vungu lienyi,

Jobe 29:7

Muze makulwana akulikungulula mu chota, ni yami te nakubwa mukachi ko,

Miaso (Masamu) 127:5

Kawaha yoze uli ni mivwi yinji! Kechi kumona sonyi muze makahanjika ni akwa kole jenyi mu chisopelo.

Yishima 31:23

Atu kaakunyingika lunga lienyi kanawa, kakutwama mu mbunga ya akwa kuyula.

Amose 5:10

Yenu nwakuvwila kole yoze wakusolola uhenge ni kwambulula umwenemwene mu ubatwilo.

Amose 5:12

Ngunanyingika milonga yenu yinji ni kwoka cha shili yenu. Nwakuhungumiona atu abema, nwakutambula sambilo ya uhenge, nwakulituna kubatwila yiswale ni ululi.

Amose 5:15

Vutwokelenu yibi, zangenu yibema, kolesenu ubatwilo wa ululi mu yota. Hanji Mwene Zambi Mukwa Ndundo Jeswe mevwila keke masalila a chifuchi chino.

Zakaria 8:16

Yuma yize chanutamba kulinga yili yino: hanjikenu umwenemwene umwe ni mukwo. Mu yisopelo batulenu ni ululi, mba nubwe mu uhwimino.

Shimbi 17:5

hituhwisenu mwe mutu mu limbo, numushihe ni mawe.

Rute 4:1

Mba Boaze yaya ku chikolo cha chipanga cha chihunda, yatwama homa haze akulitakanyina atu. Ha shimbu likepe, usoko wa Elimeleke yeza, yoze ambile Boaze ngwenyi, mukwo uliko yoze unanguhiana. Boaze yamutambika ngwenyi: “Yaya, tweyenu kuno mwane, twamenu.” Neye yatwama.