Ubutukilo 34:14 - Mukanda Wa Zambi 1970

¹⁴ Ngwo: “Ndumbwetu kahashile kuya ulo kuli chilima. Kuli yetu sonyi jinji.

MUKANDA USANDU WA ZAMBI 1975

¹⁴ Ngwo, Kutwahashile kulinga chuma chino tukahane ndumbwetu kuli chilima. Acho muchipwa kutusaula.

Ubutukilo 34:14 Iomraidhean Croise

Ubutukilo 17:11

Chize ku tangwa lino, mwana mweswe wa lunga yoze masemuka chatamba kumupwisa ngalami nyi habwa ni matangwa nake. Chatamba nawa kupwisa ngalami mwana mweswe wa lunga wa kuli ndungo jenu, chibwe ndungo waze haanasemuka mu mazuwo jenu, chibwe waze nwalanjile kuli yilambala. Chino che chinyingi ngwo, Usendo uli hakachi ka yami ni yena.

Ubutukilo 17:14

Lunga chilima, kuchatambile kumwalula nawa mukachi ka atu jami, mumu kafungile Usendo wami.”

Ubutukilo 34:13

Ana ja Yakoba yaafupa mana akwonga Hamore ni mwanenyi Shekeme, mumu Shekeme hakolesa ndumbwo sonyi.

Ubutukilo 34:15

Kutuchi kunutayiza Chuma chino shina munwononoka ku Shimbi yetu kupwisa malunga eswe ngalami.

2 Samuel 1:20

Kanda nuchambujola mu limbo lia Gate chibwe mu majila ja Ashkelone. Kuchina mapwo ja Afilistia maawahilila, kuchina ana mapwo ja yilima meevwa chiseke.

2 Samuel 15:7

Muze miaka yiwana hiyabalika, Absalome yambila mwanangana David ngwenyi: “Vulie mwanangana! Ngutayize kama hanga nguye ku Hebrone ngukamanunune chilakenyo chize nalakenyene Mwene Zambi.

1 Yitanga Ya Mianangana 21:9

Mu mukanda yasoneka mo ngwenyi: “Tongolenu tangwa lia kulitwamina kulia, nutambike atu eswe, nulemese Nabote.

Mateu 2:13

Muze akwa mana haaya, kanganda ka mwilu yasolokela Josefe mu chilota, yamwamba ngwenyi: “Katuka, anda mwana ni naye uchinyine ku chifuchi cha Egiptu. Ukabwe ko ndoo mungukakutambika, mumu Herode kanafupu mwana akamushihe.”

Mateu 2:8

Henaho yaatuma ku Betleheme nikwamba ngwenyi: “Yeenu nukahulehule hakutwala kuli mwe mwana. Muze hinwamuwana, nukeze nukangwambulwile, hanga ni yami ngukaye ni kumuwayila.”

A-ROMA 4:11

Zambi yapwisa Abrahama ngalami kasula ha kulweza ngwo, hanamwalula mukwa ululi mumu ha ufulielo wenyi muze te kanda achimupwisa ngalami. Ha chino, Abrahama kali tato ya eswe waze akufuliela, waze Zambi akwalula akwa ululi, chibwe yilima.

Akwa Kuyula 14:3

Alioze tato ni naye yaamuhula ngwo: “Mumu yika unakaya ni kutongwela mwana pwo wa kuli Afilistia kubwa mukwenu pwo? Kuma kuwawanyine ko umwe mwana pwo wa ku jiko lietu, chibwe mukachi ka usoko wetu eswe, nyi?” Alioze Samsone yakumbulula kuli tato ngwenyi: “Yono mwe yoze ngunazange ungumbachile ye. Ngunamuzange.”

1 Samuel 14:6

Jonatane yambila lunga yoze te unambata yitwa yenyi ngwenyi: “Tuchiye ku musumba wa yilima wano Afilistia. Hanji Mwene Zambi matukwasa, mumu hi chikalu ko kuli Zambi kulamwina atu, chibwe ni anji chibwe ni akepe.”

1 Samuel 17:26

David yahula tujita waze amujingilikile ngwenyi: “Mwanangana chika mahana kuli yoze mashiha Kafilistia yono ni kuchiza luchoko kuli Aisraele? Chilima yono Kafilistia kali iya kashika unalelesa chizavu cha tujita twa Zambi ya mwono?”

1 Samuel 17:36

Yami kavumbi kenu nashihile tambwe ni ursu, eswe aali. Mungulinga nawa chizechene kuli chilima yono Kafilistia yoze unalelesa chizavu cha tujita twa Zambi ya mwono.