Ubutukilo 33:11 - Mukanda Wa Zambi 1970

¹¹ Nalemba, tambulenu kama yuma yino nanunehena. Mumu Zambi hananguwahisa, hanangwehe yuma yeswe yize nguli nayo.” Yakoba yashinjila Esau kuhiana mba yayilambula.

MUKANDA USANDU WA ZAMBI 1975

¹¹ Tambula kama mulambu wami hinakunehena mumu Zambi hangulinga vumbi, se yuma yeswe nguli nayo. Yamushinjila mba yautambula.

Ubutukilo 33:11 Iomraidhean Croise

Ubutukilo 30:43

Mba Yakoba yabita chikolo. Yabwa ni yimuna yinji, ni ndungo anji a malunga ni a mapwo, ni tumelu ni yimbulu anji.

Ubutukilo 32:21

Chenacho atetekesele milambu kulutwe, mba iye yasala ha musumba.

Ubutukilo 33:10

Yakoba ngwenyi: “Nalemba mwane, nyi hinwanguvwila keke, tambulenu kama mulambu uze hinanwaha. Muze hinanumona, chili ngwe Zambi namona, mumu hinwangutambula kanawa.

Ubutukilo 33:12

Esau ngwenyi: “Tukatukenu tuyenu. Yami ngunatetekela.”

Ubutukilo 33:9

Alioze Esau ngwenyi: “Mwanakwetu, anji nguli no. Mbata kwe.”

1 MIANANGANA 2:17

Alioze yaamushinjila ndoo yaatayiza. Mba e makumi atano yaaya, yaamufupafupa matangwa atatu, alioze kaamumwene ko.

1 MIANANGANA 5:23

Namane ngwenyi: “Nalemba, tambula kama 6,000 a mbongo ja prata.” Yamushinjila kujitambula, yalongeza je mbongo mu tuku jaali, yamwaha nawa mahina aali abema, yayitwika hali ngamba aali. No yaatetekela kulutwe lia Gehazi.

Luka 14:23

Mba mwe mwata yambila kavumbi ngwenyi: ‘Tuhuka, uye mu majila ni ku yipanga, ushinjile atu kunjila hanga zuwo liami lizale.

1 Korintu 3:21

Kashika, niumwe kanda alisamba hakutwala ku yize akulinga atu. Mumu yeswe yili niyenu:

2 Korintu 6:10

Kaakutuvwisa chinyengo, hindu twakuwahilila matangwa eswe. Tuli yiswale, hindu twakubichisa anji. Tuli ngwe kutushi nichimwe, hindu twakubita yuma yeswe.

Filipu 4:18

Hingunatambula jeswe jize nwangutuminyine—jinazuku. Haliabwila, nguli ni yuma yinazuku, mumu Epafroditu hanangunehena yawana yenu. Yawana yino yili ngwe mulambu wa vumba libema, chitapo chize chinabemena ku meso ja Zambi ni chize chinamuwahila.

1 Timoteu 4:8

Ku kolesa cha mujimba chakukwasa ha yuma yikepe. Alioze kulikolesa ha yuma ya uzambi chinahiana yuma yeswe. Mumu kuyakutwaha chilakenyo cha mwono wa haliabwila ni cha uze muwiza ho.

Yoshua 15:19

Neye ngwenyi: “Tata, ngwehenu mwane mashima ja meya. Chifuchi nwanguhele chili chumu.” Mba Kaleba yamwaha mashima a ku tunda ni a ku mwanda.

Akwa Kuyula 1:15

Yamukumbulula ngwenyi: “Tata, ngwehenu mwane amwe mashima ja meya, mumu chifuchi chize hiwangwaha chili chumu.” Mba Kaleba yamwaha mashima a ku tunda ni ku mwanda.

1 Samuel 25:27

Nalemba mwane, tambulenu mulambu uno hinanunehena, nuhane kuli tujita twenu.

1 Samuel 30:26

Muze haaheta mu Ziklage, David yatumina masepa jenyi, miata ja Auyda, Chihanda cha ubite ngwenyi: “Tambulenu chawana chenu cha ku ubite wa akwa kole ja Mwene Zambi,”