Ubutukilo 32:25 - Mukanda Wa Zambi 1970

²⁵ Muze lunga yoze hamona ngwenyi, kahashile kukumba Yakoba, yamukwata ha shina lia kulu, mba kulu yilisengunuka.

MUKANDA USANDU WA ZAMBI 1975

²⁵ Muze amwene ngwenyi, Kenu ngunamuse, yamukwata mu chitongo, mba chitongo cha Yakomba chasengunukine shimbu te machilitachika nenyi.

Ubutukilo 32:25 Iomraidhean Croise

Ubutukilo 19:22

Tambuka, chinyina ko, mumu chahashile kulinga nichimwe ndoo muze hiwaheta ko.” Mumu Lote yamba ngwenyi: kachihunda kaze kakepe, kashika yaluka chihunda chize ngwo, Zoare.

Ubutukilo 32:24

Yasala ukawenyi mu sali. Mba umwe lunga yalitachika ni Yakoba ndoo ni muze hikwacha.

Ubutukilo 32:26

Mwe lunga yambila Yakoba ngwenyi: “Ngweche nguye, mumu hikwacha.” Alioze Yakoba ngwenyi: “Chichi kukwecha ndoo hiwanguwahisa.”

Ubutukilo 32:32

Kashika, ndoo ni musono, Aisraele keeshi kulia yifwo ya ha shina lia kulu lia kashitu, mumu lunga yoze wasengunwine Yakoba ha shina lia kulu.

Izaya 41:14

Mwene Zambi ngwenyi: “Israele, uli mukepe, unalele; alioze kanda wivwa woma, mungukukwasa, Yami Mukwa Kukukula, Munangi wa Aisraele.

Izaya 45:11

Mwene Zambi Munangi wa Israele, Yoze wakululika yuma yize muyikeza kulutwe kanambe ngwenyi: “Yenu kunwatelele kunguhula mumu nuli ana jami, hanji kungulweza chize Changutamba kulinga!

Mateu 26:41

Nongamenu, lembenu, yenu eswe, hanga kunuchi kunjila mu cheseko. Mbunge ya mutu yinalulika, alioze mujimba wenyi ulelu.”

Mateu 26:44

Yesu yaahichika nawa, yaya ni kulemba chisuho cha muchitatu, yahanjika maliji waze ene.